Ⅰ Omwana one, torina omotaka ribaga riokonyora enibo yaye, gose omotange omonto konyora okogania kwaye. Ⅱ Tochanda omonto ekero are n’enchara, gose komogechia omonto ore n’emechando. Ⅲ Tobaisa komentera omonto emechando kare n’eyende, gose konyoorwa korua ekeegwa kiao gochia ase omotaka onye okogosaba kende. Ⅳ Tibwanga komokoonya omonto okogosaba egento ere kare n’okogania, gose komoa egento getaisainie okogania kwaye. Ⅴ Tobaisa kwebacha kororana n’omonto omotaka, ekiagera nigo oramoe ribaga riogokoragereria. Ⅵ Omonto omotaka aise gokoragereria ekiagera are n’obororo bw’okoremerwa, Omotongi oye nigo akoigwa esara yaye. Ⅶ Yegokie eamate yao, erio egokigwe naye, tugama n’amasikani bosio bw’abanene bao. Ⅷ Tegerera kegima, tobaisa gotegerera omonto omotaka, gose ekero akogokwania toitaba n’obwororo. Ⅸ Bogoria omonto ochandegete inse y’echinchera chia abachandi, gose tobaisa koba n’echitang’u-tang’u ekero okonacha ekiina. Ⅹ Kabe ise baanto ase chintakana buna omosacha, na ng’ina baanto ase bare buna omokungu; Naende nobe buna omwana bw’oyore igoro mono, nere nagwanche goetania nyoko. Ⅺ Chisemi nigo chigotogia abana baye, na gokoonya baria bagochirigia. Ⅻ Oyo omwanchete chisemi, nigo anchete obogima. Baria bakomorigia chisemi nigo bakoboka maambia chuni erio bachia komorigia, erio baichorwa n’omogooko. ⅩⅢ Oyokomobwatia chisemi nigo akonyora amasikani, na Nyasae omosesenia ande onsi ase agochia. ⅩⅣ Baria bakomokorera chisemi, nigo bakomokorera Omonene; Nyasae nigo anchete abanto baria bamwanchete chisemi. ⅩⅤ Oyokomoigwera chisemi, oyio nanachere chinse ekiina, n’oyokomotegerera chisemi namenye n’omorembe. ⅩⅥ Oyore omwegenwa nanyore chisemi, na baria bare abagisangio baye mbagendere koba nere. ⅩⅦ Ritang’ani obong’aini nigo borakoire ase chinchera chinkong’u. Nigo borakwoboyie erio okagere buna tokonyara kogenderera. Amasikani boganetie nabo arabe ayemechando, korende nakobeke ase ogotemwa n’amaganio aye goika bwakwegenire buya. ⅩⅧ Nyuma yaye omochera ara rimo rioka na komogokia na komoteebia obobisi bwaye. ⅩⅨ Korende omonto oyio karamoche, narwe bwoye nakomotiga ase obosiru bwaye omonyene. ⅩⅩ Erende korwa ase obobe ase chingaki chibwenerete erio bwetangere amabe, erio tibweretera obosoku aye omonyene. ⅩⅪ Ekiagera obosoku mboreo bokoraa omonto gochia aase ebibe, korende obosoku mboreo bokorenta amasikani. ⅩⅫ Tobaisa koorokia ogwanchereria ase ogotanyora kwao gose ogwanchereria ⅩⅩⅢ Totiga gokwana ase chingaki chibwenerete, gose tobisa obong’aini bwao. ⅩⅩⅣ Ekiagera obong’aini bwao nigo bokomanyekana goetera ase aria ogokwana, n’echisemi chiao goetera ase amang’ana aria ogokwana. ⅩⅩⅤ Tobaisa koamereria ekeene, korende bwerende ase ogotamanya kwao. ⅩⅩⅥ Torora obosoku koangama ebibe biao, tobaisa gotema gotanga amache agoeta. ⅩⅩⅦ Tobaisa gwancha koragwa n’omonto omoriri, gose gokora ogwanchereria ase oria okoraa ⅩⅩⅧ Rwanerera ekeene nonya ngoika amakweri, ekiagera Omonene Nyasae nakorwanerere. ⅩⅩⅨ Toba omwango ase ogokwana, gose omworo ase emeremo yao. ⅩⅩⅩ Toba buna endo nyomba mwao, gose tonya gokagera abasomba bao. ⅩⅩⅪ Toba omonto oganetie kona koegwa rioka, gose toba omokongu ase okoa abande.