Ⅰ Kore n’omosani oo, tobaisa koba n’endamwamu gochia ase omokungu oye ere anchete, ekiagera omosani oo nigo aragokorere bobe. Ⅱ Tobaisa komotigera omokungu onde bwensi amasikani ao. Ⅲ Tobaisa kobwatana obosani n’omokuungu omotayayi ekiagera nigo orabwatwe ase emetego yaye. Ⅳ Totwara oboamate n’omokuungu omoteeri, ekiagera nigo arabaisa kobwatwa ase n’obong’aini bwaye. Ⅴ Totoonera omoiseke omwekungi, ekiagera aye nere nigo morasoe ase omotego erio ekobetererie omoakanere chiombe. Ⅵ Tochwara omoyo oo gochia ase omokungu omotayayi, ekiagera nigo arasirie egesaku kiao gionsi. Ⅶ Tokona komagaga chichiro goeta gose konakoombogana ebinucha-nuchi ime aye bweka. Ⅷ Totoonera omokungu omuya, tomotogoreria amaiso omokungu otari oyoo. Abasacha abange baagoranirwe korwa ase emeroberio yabo okoba abakuunga abanyakieni, ekiagera ring’ana eri nigo rikobeka ase okogania konga buna okw’omwana. Ⅸ Toikaransa rinde n’omokuungu bw’omogisangi oo; ekiagera nigo omoyo oo oramwanche erio tonyaara gwetooria korwa ase emerindo emebe eragoite. Ⅹ Totuguta omosani oo bw’emiaka emenge, ekiagera noba n’omosani omoyia takonyara buna ere. Omosani omoyia nigo abuekaine n’edivai enyia, korende edivai enkoro nigo ekonyweka n’omogooko. Ⅺ Tobaisa koreera omonto otari omooronge endamwamu ekero are n’obuya, ekiagera tokomanya ng’a obuya obwo ’mechando ki boramoretere. Ⅻ Togokera emechando y’abanto batamomanyeti Nyasae. Inyora ng’a tibakwebachera egesusuro kiabo ase ense eye. ⅩⅢ Bera aare n’omonto oragokorere bobe na kogoita okwe; ekiagera tokomokagera ng’a nagoite. Korende, onye ekobetereria omobeere ang’e riorio bwerende kegima. Naende erenda kiagera nigo ogotaara ase emetego botaambe, ekiagera nigo otegire. ⅩⅣ Manya abaamate boa kegima koreng’ana buna chisemi chiao ching’ana, gose rigia ogosemia korwa ase abanto bare n’echisemi. ⅩⅤ Gokogamba, gamba n’abanto bare n’echisemi, n’enkwana yaino ebe igoro y’amachiko a Nyasae. ⅩⅥ Abanto abororo babe abasani bao mokoragera nabwo, ogwetogia kwao kobe ase okomomanya Nyasae. ⅩⅦ Emeremo emiya y’omonto nigo ekomorentera ogosika. Omonto okogambera abanto goika abe omoikeranu ase ama’angana aye. ⅩⅧ Omonto omweturungi nigo akoreta obwoba ase omochie oye; gose omonto otari omweriiti ase amang’a nigo akogechwa.