Ⅰ Bono Anna agatiga korera, erio Tobia akaimoka amo n’esese yaye n’omomalaika oria erio bagachaaka orogendo. Emorogoba eria y’erituko ritang’ani bagaika engegu y’oroche rwa Tigri. Ⅱ Ase emorogoba eria, Tobia akagenda rooche gw’esibia amagoro, erio enswe enene egasoka korwa amache ime egataka komera okogoro okomo gwa Tobia erio ere agaaka eriogi rinene, Ⅲ Omomalaika oria akamoteebia “Bwata enswe eyio toyetiga!” Ⅳ Erio Tobia agatarera enswe eria akayengusa gocha engegu. Omomalaika oria akamoteebia “Tandora enswe eyio orusie omoyo oye, rini, n’enkoro obibeeke ensemo korende chinyama chinde chianda ochitugute, manya ng’a omoyo oyio enkoro n’erini n’eriogo rigiya mono.” Ⅴ Tobiti agakora buna Omomalaika oria amotebeetie erio akaroisia ensemo eyemo y’enswe eria bakaria n’ensemo y’ende akayebeeka omonyo akayegacha. Erio bakagenderera orogendo rwabo goika bagaika ang’e na Media. Ⅵ Tobia akaboria omomalaika oria “Oyominto Asaria inee? Ebinto ebi twarusia ase enswe buna eriogo, marwaire ki bikogwenia?” Ⅶ Omomalaika akamoiraneria akamoteebia, “Enkoro eyio y’enswe oise koyesamba ase omorero erioki riaye nigo rigoseria omoika omobe korwa ase omonto ochandire. Obokong’u obwo nigo borarue aroro toborora naende. Ⅷ Boigo omoyo noro okorusia ebinto biria ebirabu bire ase amaiso y’omonto oukorete erio onyara korora naende.” Ⅸ Ekero baigete ense ya Media ang’e na Ekbatana, Ⅹ Rafaeli agateeba, oyominto Tobia! Tobia Agaitaba nao inde aa! Omomalaika akagenderera goteeba reero botuko nigo torarare ase enyomba ya Ragueli oyio ore omonto omino, ere nigo abwate omwana oyomo bweka omoiseke okorokwa Sara. Ⅺ Kobwatekana n’egesaku giaito aye nigo otakeire konywoma Sara erio obe omonyamwando bw’eniibo ya ise. Ⅻ Sara nomosubati bw’omokia mono na nigo are omuya mono na ise nigo amwanchete mono. Reero botuko ninkwane na ise anche omonywome, erio ekero torairane gochia inka korwa Rege, togende gokora omoyega bw’enywomo yao. Ragueli takwanga gose tagwanchera mosaacha onde bwensi amonywone ase engencho amachiiko a Musa tari gwanchera mosacha onde bwensi amonyuome otatiga aye. Ase igo goika anche aye omonywome. Bono aye bwata oboseemia bwane. Inche nikwane na Ragueli reero botuko na koroberia amang’ana y’enywomo yao na Sara. Ekero torairane gochia inka korwa Rege togende amo nere. ⅩⅢ Tobia agateebia Rafaeli, “Inche naigure ayio abanyorete abasacha batano na babere abwo barigetie komonywoma Sara na buna kera oyomo akwete mobasokano ase rituko ri’enywuomo; kera oyomo nigo akwete magega batarara nere. ⅩⅣ Naende naigure ng’a nigo bare goitwa nekerecha. Ekerecha keria nigo giachandete Sara na goita kera omosacha oyio oganetie konywoma Sara. Nigo nairoka ekerecha eke mono. Inyora inche bweka omwana omomoima bw’abaibori baane, ’ng’ise gokwa, abaibori baane nigo barakwe ase engencho y’obororo bw’ogokwa kwane. Barabwo tibabwati mwana onde naende orabatindeke.” ⅩⅤ Omomalaika akamoiraneria akamoteebia Nigo kwebire amang’ana iso agoteebia? Nigo agoteebia anywome omosubati korwa ase egesaku kiao. Bono aye inyigwe buya, tokumia ase engencho y’ekerecha keria, aye nywoma Sara nimanyete buna reero botuko Ragueli nkogwanchera are onywome Sara. ⅩⅥ Ekero orasoe Nyomba korara, oimokie enkoro eria y’enswe n’omoyo obibeeke ase ubani eria egwoka; ⅩⅦ erio erioki riaye risoe enyomba yonsi. Ekerecha keria ekero keratiokerere erioki riria nigo keratame chimbero tikeirana ase Sara naende.