Ⅰ Korende aye Nyasae oito, n’omoitongo na omonyakeene, aye n’omoremereria na nigo okogambera ebinto bionsi ase amaabera. Ⅱ Nonya togokora ebibe ntomanyete chinguru chiao, intwe n’abanto bao. Titogokora ebibe ekiagera tomanyete buna itwe n’abanto bao. Ⅲ Gokomanya aye n’obochenu oboikeranu, komanya chinguru chiao n’omochakano bw’okomenya kare na kare. Ⅳ Intwe titorasirigwa n’emeremo y’oboroisia ya Mwanyabaanto, gose ase gento kende gionsi egesinini ekio giakirwe chirangi ao ao n’omoroisia. Ⅴ Ekio gekororekana buya na kongusa abanto abariri batwara okogania ase omobwekano oyio otabwati obomoyo. Ⅵ Baria bakoroisia ebinto buna ebio, na baria bakorigia kobisasiima bonsi nigo bakoamererania gokora obobe. Ⅶ Omoroisia chinyongo nigo agotiringa esike buya erio oroisia ebinto biaye ase obongaini erio itwe twabikorera. Ebinto bionsi nigo akobiroisia korwa ase esike eria eria erio twarora mbiribi bibwenerete ase obokoreri na mbiribi bitabwenereti. Ⅷ Naende ase emeremo ya bosa omoroisia oyo oroisia enyasae korwa ase esike eria eria are koroiseria ebinto binde, omoroisia oria nigo okorire korwa ase riroba buna ebinto biria akoroisia, ere nigo abwate omobere ogokwa, na ekero engaki yaikire yokoirania omoyo oye nigo akoirana gochia ase riroba aria ase aruete. Ⅸ Korende ere tari gokumia buna amakweri amobereire ange, gose obogima bwaye n’obwenge; ere nigo akoamererania n’eriroba, n’etaabu ebinto ebio bikorwa ase riroba ere nigo akoroisia emebwekano y’okwegia. Ⅹ Enkoro yaye nigo ere ribu na ogosemeria kwaye nigo kore okoreu mono kobua ebuse. Obogima bwaye tibori bw’erigori kobua riroba; Ⅺ ekiagera ere tanya komanya Nyasae oria omotongete, Nyasae oria omoete obomoyo n’echinguru chi’ogokora ayio onsi. Ⅻ Omonto oyio nigo akorengereria obogima bwaito koba egento bosa igo, nigo bonga echiiro ase akonyora okonyora. Nigo agoteeba nga mbuya konyora chitaabu ase nchera ende yonsi neba neria etabwenereti. ⅩⅢ Omonto oyio oyio okoroisia emegwekano korwa ase riroba amo n’ebinto binde ebio bigwateka, nigo amanyete mono goetania abanto bande buna n’ebibe agokora. ⅩⅣ Korende abariri goetania bonsi na baria barachandeke goetania abana abake n’ababisa baria bachandete abanto bao. ⅩⅤ Barabwo nigo bakagete buna emegwekano y’abanto batamomanyeti Nyasae n’chinyasae, nonya ero tebwati maiso ekororera gose chimioro ekoeyanera, gose amato ekoigwera gose ebiara ekobwatera, n’amagoro abo takonyara gotara. ⅩⅥ Mwanyabaanto nere omoroisia obo, omonto oyio obwate obomoyo botari obwaye nere oroisetie emegwekano eyio. Onde taiyo oranyare koroisia enyasae ere engiya goetania Mwanyabaanto. ⅩⅦ Kera omonto goika akwe korende kende gionsi ere akoroisia nigo gekwete korwa omochakano. Ere nigo are buya kobua egento ekio agosasiima. Ere ekeene nigo are moyo, korende keria agosasiima tikeri moyo naende tigekoba moyo riinde. ⅩⅧ Abanto abwo nigo bagosasiima nonya n’echingiti chinde chi’ogokumia chindiri goetania ebitongwa binde. ⅩⅨ Ekero ogochirengania n’ebitongwa binde, chirochio tichiri kogokia nonya ngake. Chirochio tichianya konyora ogotogigwa korwa ase Nyasae.