111
Okuwuuja oMusengwa olwʼebisa ebyakola
1 Muwuuje oMusengwa.
Neebalyanga oMusengwa nʼomwoyo gwange gwonagwona
omu batuukirirye era omu nkumbaana gyabwe.
2 OMusengwa ebyakola bikulu,
bonabona ababisangaalira babifumintirizaku.
3 Ebyakola byʼekitiisya era bikulu,
obutuukiriryebwe bubbeerererawo emirembe gyonagyona.
4 OMusengwa agira abantu ni beebukirya ebikolebye ebyewuunyisya,
iye wʼekisa era alumirwa.
5 Agabirira abamutya ebyokulya,
era ayebukirya endagaanoye bulijo.
6 Alagire abantube ngʼobwali owʼamaani,
nʼabawa ebyalo byʼabanamawanga.
7 Omu byakola, mwesigwa era mwenkanya,
era ebiragirobye byonabyona byesigwa.
8 Bibbeerererawo emirembe nʼemirembe,
babiteekerewo mu mazima era mu butuukirirye.
9 Yanunwire abantube,
nʼakola nabo endagaano eyenkalaakalira.
Iye Mutukulye era wʼentiisya.
10 Okutya oMusengwa, okumanya mu kutandiikira.
Bonabona abagondera ebiragirobye, bategeeri.
OMusengwa bamuwuujenge emirembe nʼemirembe.