12
Eeri akubbembera abembi. EZabbuli ya Dawudi.
Esaala yʼobukuumi
1 Oo Musengwa otununule, olwʼokubba abantu abatuukirirye bawoirewo,
abantu abʼamazima tibakaali baboneka omu kyalo.
2 Abantu babbeyangana, batumula ebibono ebiwaanawaana,
neye ngʼomu myoyo gyabwe mwizwire bubbeyi.
3 Nsaba Musengwa, osirice abatumula ebibono ebiwaanawaana.
Era obbuuneku eminwa gyʼabo abeepanka,
4 abo abakoba bati, “Ebibono byaiswe bitusunisya nabuli ekitutaka,
twatumula ebitutaka, naani ayezya okutuloberya?”
5 Neye oMusengwa akoba ati, “Olwʼokubba abantu ababbibabbi bagadya abadoobi,
era nʼabebagadya bakunga,
nasetuka ni mbakuuma ngʼowebeetaaga.”
6 Ebisuubizo bya Musengwa byesigwa,
biri ooti feeza egibakenenere nga bagibitya omu kikoomi kyʼomusyo,
ni bagikengeiza emirundi musanvu.
7 Oo Musengwa otukuumenge,
era otulabirirenge eeri ababbibabbi amirembe gyonagyona.
8 Ababbibabbi babitabita nabuli wantu,
era nabuli muntu awuuja kibbikibbi!