121
EZabbuli ngʼoniinaniina okwaba okusinza omu Yeekaalu.
OMusengwa niiye atukuuma
1 Nsiirya amaiso gange ni nningirira ensozi,
ni neebuulya nti, obubbeeri bwange buzwa yaina?
2 Obubbeeri bwange buzwa eeri Musengwa,
eYakolere eigulu nʼekyalo.
3 Tiyakulekenge okugwa,
Iye oyo akukuuma tiyawongerenge.
4 Dala iye oyo akuuma oIsirairi
tawongera, waire okugona.
5 OMusengwa niiye akukuuma,
oMusengwa abba kumpi na iwe okukukuuma.
6 Eisana tiryakwocenge omusana,
waire omweri okukukola obubbibubbi obwire.
7 OMusengwa yakukuumanga eeri nabuli kabbikabbi,
yalabiriranga obwomibwo.
8 OMusengwa yakukuumanga amaaba nʼamaira,
okuzwa atyanu, paka emirembe gyonagyona.