122
EZabbuli ya Dawudi ngʼoniinaniina okwaba okusinza omu Yeekaalu.
Okuwuuja oYerusaalemi
1 Nasangaire owebankobere bati,
“Twabe omu nyumba ya Musengwa.”
2 Atyanu tuli aanu, twemereire
omunda oku geetiyo, iwe Yerusaalemi.
3 OYerusaalemi ikyo kibuga ekibombekere
nga kigaite aamo.
4 Mwikyo niimwo ebika e gibyaba,
ibyo ebika byʼabantu ba Musengwa,
okwebalya oMusengwa,
ngʼobweyalagiire oIsirairi.
5 Mwikyo niimwo omu bateekere entebe egyʼobwakabaka egyʼokulamuliraku,
entebe egyʼobwakabaka egyʼabʼenyumba ya Dawudi.
6 Musabire oYerusaalemi abbeemu eidembe, muti:
“Oganye abo abakutaka babbe idembe.
7 Eidembe libbe omu bikomerabyo,
nʼobukuumi bubbe omu ngagagyo.”
8 Olwʼabantu bange nʼabakaagwa bange,
nkoba oYerusaalemi nti: “Eidembe libbe mwiwe!”
9 Olwʼabʼomu nyumba ya Musengwa iye oKibbumba waiswe,
nkusabira enkabi.