124
EZabbuli ngʼoniinaniina okwaba okusinza omu Yeekaalu.
OMusengwa niiye ataasa abantube
1 Singa oMusengwa tiyabbaire oku lubba lwaiswe,
atyanu oleke oIsirairi akobe ati,
2 singa oMusengwa tiyabbaire oku lubba lwaiswe,
abantu owebatulumbiire,
3 owebatubbeereireku ekiruyi
banditumirire boomi;
4 amataba ganditutwaire,
amaizi ganditumirire,
5 amaizi agawooga
ganditusaanyirewo.
6 OMusengwa bamuwuujenge,
iye atatuwaireyo ngʼekyokulya eeri amaino gaabwe.
7 Tuwunukire abalabe baiswe
ngʼonyonyi owaawunuka omutego gwa mutegi.
Omutego gukutukire
ni tuwunuka.
8 Obubbeeri bwaiswe buzwa eeri Musengwa,
eYakolere eigulu nʼekyalo.