125
EZabbuli ngʼoniinaniina okwaba okusinza omu Yeekaalu.
OMusengwa niiye akuuma abantube
Abo abeesiga oMusengwa bacaati ooti lusozi oSayuuni,
olutasagaasagana, era olubbeerererawo emirembe gyonagyona.
Ngʼensozi owegyeruguuliriirye oYerusaalemi,
oMusengwa yena atyo weyeeruguuliriirya abantube,
okuzwa atyanu paka emirembe gyonagyona.
Ababbibabbi tibafugirirenge ekyalo kyʼabatuukirirye,
demba abatuukirirye bona ni bakola ebibbibibbi.
Oo Musengwa okolere abo abasa ebisa,
abo abʼemyoyo emirongoole.
Neye abo abakwata enzira gyabwe encaamu,
oMusengwa yababonerezeranga aamo nʼababbibabbi.
 
Eidembe libbe okwIsirairi.