126
EZabbuli ngʼoniinaniina okwaba okusinza omu Yeekaalu.
Esaala yʼokwiryawo enkabi
1 OMusengwa oweyairiryewo eidembe lya Sayuuni,
twabbaire ooti tuloota.
2 Twasekere ino
ni twemba olwʼeisangaalo.
Awo abanamawanga ni bakoba bati,
“OMusengwa abakoleire ebikulu!”
3 OMusengwa atukoleire ebikulu,
era tuli basangaali.
4 Oo Musengwa oiryewo enkabi gyaiswe,
ngʼoikendi owairya amaizi omu miiga gyʼomwidungu oNegevu.
5 Abo ibo abasigira omu maliga,
balikungula nga basangaala.
6 Iye oyo ayaba ngʼali mu maliga
ngʼatwala ensigo okusiga,
yalikanga ngʼayemba olwʼeisangaalo,
ngʼaira nʼamakungula.