127
EZabbuli ya Sulemaani ngʼoniinaniina okwaba okusinza omu Yeekaalu.
Anambula oMusengwa tuteganira bwereere
1 OMusengwa singa tayombeka enyumba,
abagyombeka bateganira bwereere.
OMusengwa owaatakuuma ekibuga,
abakikuuma bateganira bwereere.
2 Kibba kinambulamu inywe okulamuka kibbambya,
era ni mugona kinamukuku nga mukalabanira ekyokulya.
OMusengwa abaataka
abawa endoolo.
3 Okubyala abaana kirabo okuzwa eeri oMusengwa,
dala kirabo kinanyerenyeere.
4 Abaana abʼomu buvuvuka,
babba ooti bulaso omu ngalo gyʼomulwani.
5 Wʼenkabi ali nʼomugobagwe
nga gwizwire niibwo,
abalabebe tibamuwangula, owaabba omu mpaka nabo
omunda oku geeti yʼekibuga.