128
EZabbuli ngʼoniinaniina okwaba okusinza omu Yeekaalu.
Enkabi gyʼabagondera oMusengwa
Wʼenkabi iye oyo atya oMusengwa.
Oyo atambulira omu manzirage!
Walirya oku bibala bya lwotalwo,
walibba wʼenkabi nʼebisa byalibba bibyo.
Omu kisitokyo, omukaliwo yalibba ooti muzabbibbu
ogubala eino.
Abaanabo balibba bangi ooti masaga agʼomusaale omuzaituuni
nga beeruguuliriirye ekiinulokyo.
Dala omuntu atya oMusengwa
atyo waasuna enkabi.
 
OMusengwa akuwe enkabi ngʼasinzirira omu Sayuuni,
nsaba obone oYerusaalemi ngʼakulaakulana,
enaku gyonagyona egyʼobwomibwo;
era owangaale obone oku baizukulubo.
 
Eidembe libbe okwIsirairi.