129
EZabbuli ngʼoniinaniina okwaba okusinza omu Yeekaalu.
Okusaba kwʼaBaisirairi olwa balabe
1 Bangadirye ino okuzwa omu butobuto bwange,
oleke oIsirairi akobe ati,
2 “Bangadirye ino okuzwa omu butobuto bwange,
neye nandi ni bampangula.
3 Bantemulyagire omugongo gwonagwona, ni bagusuuca
ooti matinde agebakabaire nʼenkumbi yʼente.
4 Neye oMusengwa mutuukirirye;
akutulyagire enjegere gyʼababbibabbi nʼantaisulya.”
5 Oleke abo bonabona abacaawa oSayuuni
babakanjirirye nga baswaire.
6 Oleke babbe ooti isubi erimera e ngulu oku nyumba,
erikala nga likaali okukula.
7 Oyo alisala, mpaawo ekyayerya omu kigalabaayokye,
nʼoyo alisala talyerya kadi mu kigalo.
8 Era nʼabo ababitawo tibamukoba bati,
“OMusengwa akuwe enkabi.
Tukuwa enkabi omu liina lya Musengwa.”