130
EZabbuli ngʼoniinaniina okwaba okusinza omu Yeekaalu.
Okusaba oMusengwa obubbeeri
1 Oo Musengwa, nakwekungirira olwʼokubba ndi omu bugosi bubitiriri.
2 Oo Musengwa, owulire okwegairira kwange.
Otege amatwi
eeri okukunga kwange olwʼobubbeeri.
3 Oo Musengwa, singa otubalira ebikole byaiswe ebibbibibbi,
naani eyandiwunukire omusango?
4 Neye iwe osoniya,
nʼolwekyo bakuwa ekitiisya.
5 Nkuumirira oMusengwa, mmukuumirira
era neesiga kibonokye.
6 Nkuumirira oMusengwa
okukiraku abakuumi obwebakuuma obwire okuca,
dala okukiraku abakuumi obwebakuuma obwire okuca.
7 Oo Isirairi weesigenge Musengwa,
olwʼokubba oMusengwa ali nʼokutaka okutakoma,
era nabuli kiseera mutegeke okukununula.
8 Iye yalinunula oIsirairi
okuzwa omu bibbibibbi byabwe byonabyona.