131
EZabbuli ya Dawudi ngʼoniinaniina okwaba okusinza omu Yeekaalu.
Obwesigwa nʼobwikaikani eeri oMusengwa
1 Oo Musengwa, tindi wʼamalala,
tineekudumbalya,
tineeniinianiinirya ku bintu ebintayezya,
waire ku bintu ebimbitiriraku okubitegeera.
2 Wazira omwoyo gwange gwikaikana, ni nsirika
ooti mwana ogubazirisirye owaikaikana,
ngʼali omu kifubba kya maaye. Dala ngʼomwana ogubazirisirye owaikaikana, zena ntyo wenteereire.
3 Oo Isirairi, osuubirenge mu Musengwa
okuzwa atyanu okutuuca emirembe gyonagyona.