137
Okwekunga okwabbaire omu busibe
1 Oku miiga egyʼe Bbabbulooni twatyaime ni tukulumuca amaliga
owetwebukiirye oSayuuni.
2 Eeyo ni twanika amatongoli gaiswe,
oku misaale egiriranirewo,
3 olwʼokubba eeyo abatuwambire batukobere tubembereku.
Ababbaire batugadya ni batulagira tubasangaalyemu nga tubembera;
ni batukoba bati, “Mutwembere olumo oku nyembo egyʼe Sayuuni.”
4 Twezya tutya okwemba enyembo gya Musengwa
omu kyalo ekitali kyaiswe?
5 Owenakwerabira iwe Yerusaalemi,
engalo yange endiiro ebba esaanira okwerabira okukubba otongoli.
6 Olulumi lwange lubba lusaanira kwekwatira ngulu mu munwa,
owentakwebukirya,
era owentatwala oYerusaalemi
okubba eisangaalo lyange okukiraku ebintu ebindi byonabyona.
7 Oo Musengwa, oyebukirye aBeedomu ekibakolere
oku lunaku oYerusaalemi owebakiwambiire,
nga bakoba bati, “Mukisaanyewo,
mukisaanyirewo nakimo paka nʼemisingi!”
8 Inywe abantu bʼe Bbabbulooni balibajigirica.
Wʼenkabi oyo akusasula
olwʼebyotukolere.
9 Wʼenkabi akwata eibyaireryo
nʼalikubba okwibbaale!