15
EZabbuli ya Dawudi.
Ogubaikirirya omu weema eya Kibbumba
Oo Musengwa, naani eyaingiranga omu Weemayo?
Naani eyatyamanga oku lusozirwo olutukulye?
 
Niiye oyo onambulaku ekyokumunenya,
akola ebituuce,
era atumula ebyʼamazima.
Era atatumula ebyakalebule,
atakola abaliranwabe ebibalumya,
era atatumula ekibbikibbi oku bainaye.
Era niiye oyo anyooma ababbibabbi,
neye awa ekitiisya abo abatya oMusengwa.
Niiye oyo atuukirirya ekyalayiire,
era atacuuka nʼowekubba kufiirwa.
Niiye oyo akoopa abantu empiiya nga tasasulisya amagoba,
era ataikirirya enguzi okusibirirya kwoyo abulaku omusango.
 
Nabuli akola ebyo, yaabbanga mucaati
emirembe gyonagyona.