61
Eeri akubbembera abembi. Ebivuga ebyʼenkosi. EZabbuli ya Dawudi.
OKibbumba niiye ekiirukiro kyange
1 Oo Kibbumba, owulisisye nga nkwekungirira,
owulire okusaba kwange.
2 Nkweta okumbeera nga nsinzirira e tali kumpi,
era nga mpoiremu eisuubi.
Ontwale ombise e ngulu okwibbaale eriwanvu.
3 Ekyo kityo olwʼokubba niiwe ekiirukiro kyange,
era olugaga olwʼamaani olunkuuma eeri abalabe bange.
4 Onganye mbenge omu weemayo enaku gyʼobwomi bwange gyonagyona.
Onganye neebisenge ansi wʼebiyayabyo.
5 Oo Kibbumba, owuliire obweyamo bwange,
era ompaire ebyobusika ebyogabira abakutya.
6 Oyongereyo enaku gyʼobwomi bwa kabaka,
awangaale emyanka nʼemyanka.
7 Omuganye afuge ngʼali omu bukuumibwo emirembe nʼemirembe.
Ekisaakyo nʼobwesigwabwo, bimukuumenge.
8 Kale nayembanga okukuwuuja emirembe gyonagyona,
nga wentuukirirya obweyamo bwange nabuli lunaku.