144
Egvu, Dévidi deru
1 T'a jaa Ojejoje, bụ
Agbara-Mkpuma mu ajaja.
Ọo yẹbedua anọduje ezi mu
t'ẹka shihu mu ike l'ọgu.
2 O yeru mu obu; bya abụru
iya bụ a-gbabe-a-dzụru
nke mu.
Ọ bụ iya bụ ụlo-mgbochi mu;
bya abụru iya bụ onye adzọfutaje mu nụ;
mbụ onye egbobutaje mu nụ;
onye mu agbabajẹ l'ime iya; zeeru ndzụ;
bya abụru onye emeje
ụnwu eliphe t'ẹphe nọdu mu l'ẹka.
3 Nggụbe Ojejoje;
?bụ ngụnu bẹ madzụ bụ;
kẹ t'i rivuje iya l'ọriri.
?Bu ngụnu bẹ madzụ mmanu bụ;
kẹ t'i letaje iya ẹnya?
4 Madzụ dụlephu l'ọ bụ udzu ọnu.
Ndzụ iya adụ l'ọ bụ agu oshi, abụje;
ọ -nọo nwanshịi;
a phụ-buhu iya.
5 Nggụbe Ojejoje;
chijanua igwe tarara;
shi l'ẹke ono nyizita;
k'ọphu iphe, bụ ugvu, nọnu
a-wata ọkpo ẹnwuru-ọku.
6 Tụnua egbe-igwe gude
chịkashia ndu ọhogu ngu;
nggu egude akfụ ngu gbagbushia ẹphe.
7 Shinu l'ephekerephe ẹke ono,
ị nọ ono machịa ẹka; dzọfuta mu!
Nafụta mu l'echi eze mini ono.
Nafụta mu l'ẹka ndu ọhodo,
8 ezi-okfu ẹ-te shijedu ọnu;
ndu, amajẹ l'iphe ẹphe eme bụ ụgho;
ẹphe anọdu l'ime iya ria nte ye iya.
9 Mu a-gụru ngu egvu ọphungu;
nggụbe Nchileke.
Yọ bụru ogele, a kparu l'ụdo iri;
bẹ mu a-kụ gude gụaru ngu egvu ono;
10 mbụ nggụbe onye emeje
t'eze lụa ọgu lụ-gbua;
mbụ onye anafụtaje nwozi
iya, bụ Dévidi t'ẹ b'e egude
ogu-mbeke gbua ya.
11 Byiko dzọfutanu mu!
Nafụtanu mu l'ẹka ndu ọhodo,
ezi-okfu ẹ-te shijedu ọnu;
ndu, amajẹ l'iphe ẹphe eme bụ ụgho;
ẹphe anọdu l'ime iya ria nte ye iya.
12 Mee t'ụnwegirima ayi ndu
kẹ unwoke; teke ẹphe bụ
ụnwu-okorọbya;
t'ẹphe vua; shihu ike; l'ọ bụ oshi,
e letaru ẹnya ọkpobe eleta.
Nggu emee ụnwegirima ayi
ndu kẹ ụnwanyi;
t'ẹphe dụ l'ọ bụ ufu-eze,
a kpụru; yọo ma mma;
e gude iya mee ufu-eze.
13 Mekwaaphu tẹ nri,
dụtsua iche iche ji ọba ayi.
Nggu emekwaaphu t'atụru ayi
zụa azụzu nshinu;
k'ọphu oo-gudeje ụnubuku
atụru ka nshinu afa l'afa l'ẹgu iya.
14 Mekwaaphu t'eswi ayi shihu ike;
l'e evu evuvu.
Tẹ kẹ omebyishi mkpụkpu ayi;
ba adụhekwa ọdo.
Tọ dụhe mbụ kẹ ọkpu ayi
lẹ ndzụ laa mkpụkpu ọdo.
Ọphu ọ dụhe iphe e-me
t'a raa ẹjo ẹkwa
l'ogborogbo ụzo ndu ndu-ayi ọdo.
15 Ọnu-ọma bụ kẹ ndu bụ
ẹge ono b'ọ dụ l'ufu ẹphe.
Ọnu-ọma bụ kẹ ndu
Nchileke ẹphe bụ Ojejoje.