2
1 ತಸೆ ಮನುನ್ ತುಮ್ಚ್ಯಾ ದುಕ್ಕಾತ್ ತುಮ್ಕಾ ಭೆಟ್ತಲೆ ನಕ್ಕೊ ಮನುನ್ ಮಿಯಾ ನಿರ್ದಾರ್ ಕರ್‍ಲಾ.
2 ಮಿಯಾ ತುಮ್ಕಾ ದುಕ್ಕಾತ್ ಘಾಟ್ಲ್ಯಾರ್ ತುಮ್ಚ್ಯಾ ಸಿವಾಯ್ ಮಾಕಾ ಸಮಾದಾನ್ ಸಾಂಗ್ತಲೊ ದುಸ್ರೊ ಕೊನ್ ಹಾಯ್? ಮಾಜ್ಯಾ ವೈನಾ ದುಕ್ಕಾತ್ ಪಡಲ್ಲೆ ತುಮಿಚ್ ಮಾಕಾ ಸಮಾದಾನ್ ಸಾಂಗುಕ್ ಪಾಜೆ ನ್ಹಯ್.
3 ಹೆಚ್ಯಾಸಾಟ್ನಿ ಮಿಯಾ ತುಮ್ಕಾ ಲಿವ್ಕ್ ಲಾಗ್ಲಾ. ಮಿಯಾ ತುಮ್ಚ್ಯಾಕ್ಡೆ ಯೆಲ್ಲ್ಯಾ ತನ್ನಾ ಮಾಕಾ ಕುಶಿ ಹೊಯ್ ಸರ್ಕೆ ಕರ್ತಲ್ಯಾಂಚ್ಯಾಕ್ನಾ ಮಾಕಾ ದುಖ್ ಗಾವ್ತಲೆ ನಕ್ಕೊ ಮನುನ್ ಮಿಯಾ ಲಿವ್ಕ್ ಲಾಗ್ಲಾ. ಕಶ್ಯಾಕ್ ಮಟ್ಲ್ಯಾರ್ ಮಾಜಿ ಕುಶಿಚ್ ತುಮ್ಚಿ ಖುಶಿ ಮನುನ್ ಯವಜ್ತ್ಯಾಶಿ ಮನುನ್ ಮಾಕಾ ಬರೆ ಗೊತ್ತ್ ಹಾಯ್.
4 ತಸೆ ಮನುನ್ ತರಾಸಾತ್ನಾ ಅನಿ ಮನಾಕ್ ಬೆಜಾರ್ ಹೊವ್ನ್ ಅನಿ ಡೊಳ್ಯಾನಿತ್ನಾ ದುಕ್ಕಾ ಗಳ್ವುನ್ ತಿ ಚಿಟಿ ಮಿಯಾ ತುಮ್ಕಾ ಲಿವಲ್ಲೊ, ತುಮ್ಕಾ ದಾಕ್ವುಚೆ ಮನುನ್ ನ್ಹಯ್ ಖಾಲಿ ತುಮ್ಚೆ ವೈರ್ ಮಾಕಾ ಅಸಲ್ಲೊ ಪ್ರೆಮ್ ಕೆವ್ಡೊ ಮನುನ್ ದಾಕ್ವುನ್ ದಿವ್ಕ್ ಮಿಯಾ ಲಿವಲ್ಲೊ.
ಚುಕಲ್ಯಾಕ್ನಿ ಮಾಪಿ
5 ತುಮ್ಚ್ಯಾತ್ಲೆ ಕೊನ್‌ಬಿ ಕೊನಾಕ್‌ಬಿ ದುಕ್ಕಾಕ್ ಕಾರನ್ ದಿಲ್ಲೆ ರ್‍ಹಾಲ್ಯಾರ್ ತೆಚ್ಯಾ ವೈನಾ ಮಾಕಾ ನ್ಹಯ್ ತುಮ್ಕಾ ಸಗ್ಳ್ಯಾಕ್ನಿಬಿ ದುಕ್ಕ್ ಹೊಯ್ ಸಾರ್ಕೊ ಕರ್ತಾ,. ಹೆಚ್ಯಾ ವಿಶಯಾತ್ ಮೊಟೆ ಕರುನ್ ಸಾಂಗುಕ್ ಮಿಯಾ ಚಿಂತಿನಾ.
6 ತುಮಿ ಸಗ್ಳ್ಯಾನಿ ಮಿಳುನ್ ದಿಲ್ಲಿ ಶಿಕ್ಷಾ ತೆಕಾ ಫಿರೆ.
7 ಅತ್ತಾ ತುಮಿ ತೆಕಾ ಮಾಪ್ ಕರುನ್ ಅನಿ ತೆಕಾ ಧೈರೊ ದಿವ್ಕ್ ಪಾಜೆ, ನಾ ಹೊಲ್ಯಾರ್ ಲೈ ಬೆಜಾರಾತ್ ಪಡುನ್ ತೊ ದುಕ್ಕಾತ್ ರ್‍ಹಾಯ್ಲ್.
8 ತಸೆ ಮನುನ್ ತೆಚೊ ತುಮ್ಕಾ ಖರೆಚ್ ಪ್ರೆಮ್ ಹಾಯ್ ಮನುನ್ ತುಮಿ ದಾಕ್ವುನ್ ದಿವ್ಚೆ ಮನುನ್ ಮಿಯಾ ತುಮ್ಚ್ಯಾಕ್ಡೆ ಮಾಗ್ತಾ.
9 ಮಿಯಾ ದಿಲ್ಲ್ಯಾ ಸಗ್ಳ್ಯಾ ಸಂಗ್ತಿಯಾ ತುಮಿ ಖಾಲ್ತಿ ಹೊವ್ನ್ ಪಾಳ್ತ್ಯಾಶಿ ಕಾಯ್ ನಾ ಮನುನ್ ತುಮ್ಚಿ ಪರಿಕ್ಷಾ ಕರುಕ್ ಮನುನ್ ಮಿಯಾ ತುಮ್ಕಾ ತಿ ಚಿಟ್ ಲಿವಲ್ಲೊ.
10 ಜೆ ಕೊನಾಕ್ ತುಮಿ ಮಾಪ್ ಕರ್ತ್ಯಾಶಿ ತೆಕಾ ಮಿಯಾಬಿ ಮಾಪ್ ಕರ್ತಾ. ಮಿಯಾ ಜೆ ಖಲೆ ಮಾಪ್ ಕರುಚೆ ಮನುನ್ ಹೊತ್ತೆ ಮಾಪ್ ಕರುನ್ ಹೊಲಾ ಹೊಲ್ಯಾರ್ ತೆ ತುಮ್ಚ್ಯಾಸಾಟ್ನಿ ಕ್ರಿಸ್ತಾಚ್ಯಾ ಇದ್ರಾಕ್ ಮಿಯಾ ಮಾಪ್ ಕರ್‍ಲಾ.
11 ಅಶೆಚ್ ಸೈತಾನಾಕ್ ಅಮ್ಚ್ಯಾ ವರ್‍ತಿ ಜಿಕುಕ್ ಹೊಯ್ನಾ; ಕಶ್ಯಾಕ್ ಮಟ್ಲ್ಯಾರ್, ತೆಚ್ಯಾ ಯವ್ಜನ್ಯಾ ಕಾಯ್ ಮನುನ್ ಅಮ್ಕಾ ಗೊತ್ತ್ ಹಾಯ್.
ತ್ರೊವಾಸ್ ಮನ್ತಲ್ಯಾ ಗಾವಾಕ್ ಪಾವ್ಲುಚೊ ಪರ್ಯಾನ್
12 ಕ್ರಿಸ್ತಾಚಿ ಬರಿ ಖಬರ್ ಪರ್‍ಚಾರ್ ಕರುಕ್ ಮಿಯಾ ತ್ರೊವಾಸಾತ್ ಗೆಲ್ಲ್ಯಾ ತನ್ನಾ, ಥೈ ಕಾಮ್ ಸುರು ಕರುಕ್ ಧನಿಯಾನ್ ಮಾಕಾ ಬರೊ ಅವ್ಕಾಸ್ ದಿಲ್ಯಾನ್.
13 ಖರೆ ಮಾಜೊ ವಾಂಗ್ಡಿ ಭಾವ್ ತಿತ್ ಮಾಕಾ ಥೈ ಗಾವುಕ್ನಾ ಮನುನ್ ಮಾಜ್ಯಾ ಮನಾಕ್ ಬೆಜಾರ್ ಹೊಲೊ. ತಸೆ ಮನುನ್ ಥೈ ಲೊಕಾಕ್ನಿ ಜಾವ್ನ್ ಯೆತಾ ಮನುನ್ ಸಾಂಗುನ್ ಮಿಯಾ ಮೆಸಿದೊನಿಯಾಕ್ ಜಾವುಕ್ ಲಾಗ್ಲೊ.
ಕ್ರಿಸ್ತಾಚ್ಯಾ ವೈನಾ ಜಿಕ್
14 ಖರೆ ದೆವಾಕ್ ಧನ್ಯವಾದ್; ತೊ ಅಮ್ಕಾ ಕ್ರಿಸ್ತಾಚ್ಯಾ ಎಕ್ವಟ್ಟಾ ವೈನಾ ಅಪ್ನಾಚ್ಯಾ ಜಿಕೆಚ್ಯಾ ಮೆರ್ವನ್ಗಿತ್ ಚಾಲ್ವುತಾ ಅನಿ ಅಮ್ಚ್ಯಾ ವೈನಾ ಕ್ರಿಸ್ತಾಚ್ಯಾ ವಳ್ಕಿಚಿ ಬರಿ ವಾಸ್ ಸಗ್ಳ್ಯಾಕ್ಡೆ ಫರ್ಗಟಿ ಸಾರ್ಕೆ ಕರ್ತಾ.
15 ಸುಟ್ಕೆಚ್ಯಾ ವಾಟೆರ್ ಹೊತ್ತ್ಯಾಕ್ನಿ ಅನಿ ತಸೆಚ್ ನಾಸಾಚ್ಯಾ ವಾಟೆರ್ ಚಲ್ತಲ್ಯಾಕ್ನಿಬಿ, ದೆವಾಚ್ಯಾ ಇದ್ರಾಕ್ ಅಮಿ ಕ್ರಿಸ್ತಾಚ್ಯಾ ವೈನಾ ಭೆಟ್ವಲ್ಲಿ ಧುಪಾಚಿ ಬರಿ ವಾಸ್ ಹೊವ್ನ್ ಹಾಂವ್.
16 ನಾಸಾಕ್ ಜಾತಲ್ಯಾಕ್ನಿ ಅಮಿ ಮರಾನ್ ಹಾನ್ತಲಿ ಬುರ್ಶಿ ವಾಸ್ ಹೊವ್ನಗೆತ್ ಜಾತಾವ್, ಖರೆ ಜಿವ್ ರಾಕ್ತಲ್ಯಾಕ್ನಿ ಜಿವ್ ದಿತಲಿ ಬರಿ ವಾಸ್ ದಿವ್ನಗೆತ್ ಜಾತಾವ್.
17 ಲೈ ಲೊಕಾ ಕರ್ತಾತ್ ತಶೆ ಅಮಿ ಕಾಯ್ ದೆವಾಚ್ಯಾ ಗೊಸ್ಟಿಚೊ ಯಾಪಾರ್ ಧಂಧೊ ಕರಿನಾವ್. ದೆವಾನುಚ್ ಅಮ್ಕಾ ಎಚುನ್ ನೆಮಲ್ಲೆ ಹಾಯ್ ಅನಿ ತೆಂಚ್ಯಾ ಇದ್ರಾಕ್ ಕ್ರಿಸ್ತಾಚ್ಯಾ ಎಕ್ವಟ್ಟಾತ್ ಅಮಿ ಖರೆ ಅಸಲ್ಲೆಚ್ ಬೊಲ್ತಾಂವ್.