ಇಬ್ರಿಯರಿಗೆ ಬರೆದ ಪತ್ರಿಕೆ
ಹೆಬ್ರೆವಾಕ್ನಿ ಲಿವಲ್ಲಿ ಚಿಟಿ
ವಳಕ್
ಹೆಬ್ರೆವಾಕ್ನಿ ಲಿವಲ್ಲೆ ಪುಸ್ತಕ್ ಎಕ್ ಉಮ್ಮೆದ್ ಭರ್‍ತಲಿ ಚಿಟ್ ಹೊವ್ನ್ ಹಾಯ್, ಜೆಜುನ್ ಜುನ್ನ್ಯಾ ಕರಾರಾತ್ಲಿ ಲೈ ಪ್ರವಾದಾ ಕಸಿ ಫುರಾ ಕರ್ಲ್ಯಾನ್ ಮನ್ತಲೆ ದಾಕ್ವುನ್ ದಿತಾ. ಹೆ ಶಿಕಾಪಾಚ್ಯಾ ನಮನಿ ಲಿವಲ್ಲೆ ಹಾಯ್, ಹ್ಯಾತುರ್ ಜೆಜುನ್ ಜುನ್ನ್ಯಾ ಕರಾರಾತ್ ಪ್ರವಾದನ್ ಅನಿ ಜುದೆವಾಂಚ್ಯಾ ಮೊಟ್ಯಾ ಯಾಜಕಾಚೆ ಕಾಮ್ ಕಸೆ ಫುರಾ ಕರ್ಲ್ಯಾನ್ ಮನ್ತಲ್ಯಾಕ್ ಸಾಟಾಕಿಂತಾಬಿ ಜಾಸ್ತಿಚೆ ಜುನ್ನ್ಯಾ ಕರಾರಾತ್ಲಿ ಉದಾರನ್ ಹಾತ್ ಹೆಚ್ಯಾ ವೈನಾ ಹಿ ವಿಶಯಾ ಸಮಾ ದಿಸುನ್ ಯೆತಾತ್.ಹ್ಯಾ ಕಾರನಾ ಸಾಟ್ನಿ ಹೆ ಪುಸ್ತಕ್ ಜುದೆವಾಂಚ್ಯಾ ವಿಶ್ವಾಸಿ ಲೊಕಾಕ್ನಿ ಉಮ್ಮೆದ್ ದಿತಲೆ ಪುಸ್ತಕ್ ಮನುನ್ ಹೊತಾ. ಜೆಜುನ್ ಖಾಯ್ದೆ ಕಸೆ ಫುರಾ ಕರ್ಲ್ಯಾನ್ ಅನಿ ತೆಚ್ಯಾ ವೈನಾ ಯಾಜಕಾಕ್ನಿ ಅನಿ ಕನ್ನಾಬಿ ಬಲಿ ಭೆಟ್ವುತಲೆ ಗರಜ್ ನಾ ಮನ್ತಲೆ ಹೆಬ್ರೆವಾಂಚೆ ಪುಸ್ತಕ್ ದಾಕ್ವುನ್ ದಿತಾ, ಸಗ್ಳ್ಯಾ ಯೆಳಾ ಸಾಟ್ನಿ ಜೆಜುನ್ ಎಗ್ದಾಚ್ ಸಗ್ಳ್ಯಾ ಪಾಪಾಂಚ್ಯಾ ಸಾಟ್ನಿ ಬಲಿ ಹೊಲೊ. ದೆವಾಚೆರ್ ಬರೊಸೊ ಥವ್ಕ್ ಅನಿ ತೆಕಾ ಕಾರನ್ ಹೊತಲ್ಯಾ ಜೆಜುಕ್ರಿಸ್ತಾಚ್ಯಾ ಫಾಟ್ನಾ ಜಾವ್ಚೆ ಮನುನ್ ಹೆಬ್ರೆವಾಂಚೆ ಪುಸ್ತಕ್ ಅತ್ತಾಚ್ಯಾ ಅಮ್ಚ್ಯಾ ಕಾಲಾಚ್ಯಾ ವಿಶ್ವಾಸಿ ಲೊಕಾಕ್ನಿಬಿ ಉಮ್ಮೆದ್ ಭರಿ ಸಾರ್ಕೆ ಕರ್ತಾ. 12:2.
ಹೆಬ್ರೆವಾಕ್ನಿ ಲಿವಲ್ಲೆ ಪುಸ್ತಕ್ ಕೊನಿ ಲಿವ್ಲಾ ಮನ್ತಲೆ ಕೊನಾಕ್ಬಿ ಗೊತ್ತ್ ನಾ.ಖರೆ ಶಿಕಲಿ ಲೊಕಾ ಅಪೊಸ್ತಲ್ ಹೊವ್ನ್ ಹೊತ್ತೊ ಪಾವ್ಲು,ಲುಕ್ ನಾತರ್ ಬಾರ್ನಾಬಸ್ ಹೆನಿ ಹೊವ್ಕ್ ಫಿರೆ ಮನುನ್ ಸಲಹಾ ದಿತ್ಯಾತ್. ಹೆ ಲಿವಲ್ಲೊ ಎಳ್ ಖಲೊ ಮನ್ತಲೆ ಗೊತ್ತ್ ನಾ ಖರೆ ಕ್ರಿಸ್ತ್ ಜಲಮಲ್ಲ್ಯಾ ಮಾನಾ ಸತ್ತರ್ ವರ್ಸಾಚ್ಯಾ ಅದ್ದಿಚ್ ಲಿವಲ್ಲೆ ಹಾಯ್ ಮನುನ್ ವಿಶ್ವಾಸ್ ಕರ್ತಾಂವ್ ಸತ್ತರ್ ವರ್ಸಾತ್ ಜೆರುಜಲೆಮ್ ಶಾರಾಕ್ ನಾಸ್ ಕರಲೆ ಹೊತ್ತೆ ಖರೆ ಹಿ ಚಿಟ್ ಲಿವ್ತಲೊ ಜೆರುಜಲೆಮ್ ನಾಶ್ ಕರುನ್ ಹೊತಾ ಮನ್ತಲ್ಯಾ ರಿತಿನ್ ಬೊಲ್ತಾ. ಹೆ ಹಿಬ್ರು ಪುಸ್ತಕ್ ರೊಮ್ ಶಾರಾತ್ ರಾವ್ನ್ ಲಿವಲ್ಲೆ ಹಾಯ್ ಮನ್ತಾ13:24 ಅನಿ ಲೈ ದೆವಾಚ್ಯಾ ತಾಂಡ್ಯಾತ್ನಿ ಪಗ್ಳುನ್ ಹೊಲಾ.
ಭಾಗ್
1. ಲಿವ್ತಲ್ಯಾನ್ ದೆವಾಚೆ ಫಿಡೆ ಹೊತಲೆ ಹೊತ್ತ್ಯಾಚ್ಯಾ ವಿಶಯಾತ್ ಸಾಂಗ್ಲ್ಯಾನ್, ಅನಿ ದೆವಾಚ್ಯಾ ದುತಾಂಚ್ಯಾಕಿಂತಾಬಿ ಶ್ರೆಸ್ಟ್ ಮನುನ್ ದಾಕ್ವುನ್ ದಿತಾ1:1—4:13
ಮಾನಾಸರ್ ತೊ ಜರುಜಲೆಮಾಚ್ಯಾ ದೆವಾಚ್ಯಾ ಗುಡಿತ್ ಸೆವಾಕರ್ತಲ್ಯಾ ಯಾಜಕಾಂಚ್ಯಾನ್‍ಬಿ ಜೆಜು ಮೊಟೊ ಮನುನ್ ದಾಕ್ವುನ್ ದಿತಾ4:14—7:28.
ಜೆಜು ಮೊಯ್ಜೆಚ್ಯಾ ವೈನಾ ಅಪ್ನಾಚ್ಯಾ ಲೊಕಾಂಚ್ಯಾ ವಾಂಗ್ಡಾ ಕರಲ್ಯಾ ಜುನ್ನ್ಯಾ ಕರಾರಾಚ್ಯಾ ಕಿಂತಾಬಿ ಜೆಜುಚಿ ಸೆವಾ ಕರ್ತಲೆ ಕಾಮ್ ಮೊಟೆ ಮನುನ್ ದಾಕ್ವುನ್ ದಿತಾ8:1—10:31
ಜೆಜು ಸಗ್ಳ್ಯಾ ನಮನಿ ಮೊಟೊ ಮನುನ್ ವಿವರನ್ ಕರಲ್ಯಾ ಮಾನಾ ಲಿವಲ್ಲೊ ಲೈ ನಮನಿಚಿ ಪ್ರಾಯೊಗಿಕ್ ಮಾರ್ಗ್ ದರ್ಶನಾ ದಿತಾ 10:32—13:17.
ಆಕ್ರಿಕ್ ಲಿವ್ತಲೊ ಉಲ್ಲಿ ಉಮ್ಮೆದಿಚಿ ಗೊಸ್ಟಿಯಾ ಸಾಂಗುನ್ ನಮಸ್ಕಾರ್ ಮನುನ್ಗೆತ್ ಚಿಟ್ ಮುಗಸ್ತಾ 13:18-25
1
ದೆವಾಚಿ ಗೊಸ್ಟಿಯಾ ತೆಚ್ಯಾ ಲೆಕಾಚ್ಯಾ ವೈನಾ
1 ಅದ್ಲ್ಯಾ ಎಳಾತ್ ದೆವಾನ್ ಅಮ್ಚ್ಯಾ ಪುರ್ವಜಾಂಚ್ಯಾ ವಾಂಗ್ಡಾ ಸುಮಾರ್ ಎಳಾರ್ ದುಸ್ರ್ಯಾ-ದುಸ್ರ್ಯಾ ತರಾನ್ ಪ್ರವಾದ್ಯಾಂಚ್ಯಾ ಮುಖಾಂತರ್ ಬೊಲ್ಲ್ಯಾನ್.
2 ಖರೆ ಹ್ಯಾ ಆಕ್ರಿಚ್ಯಾ ದಿಸಾತ್ನಿ ದೆವಾನ್ ಅಪ್ನಾಚ್ಯಾ ಲೆಕಾಚ್ಯಾ ಮುಖಾಂತರ್ ಬೊಲ್ಲ್ಯಾನ್. ಹ್ಯಾ ಲೆಕಾಚ್ಯಾ ವೈನಾಚ್ ದೆವಾನ್ ಸಗ್ಳೊ ಜಗ್ ರಚ್ಲ್ಯಾನ್. ರಚುನ್ ಹೊಲ್ಲೆ ಸಗ್ಳ್ಯಾಚ್ಯಾ ವೈರ್ ಆಕ್ರಿಕ್ ಎಕ್ಲ್ಯಾಕ್ ಅದಿಕಾರ್ ದಿವ್ಕ್ ಮನುನ್ ದೆವಾನ್ ಎಚುನ್ ಕಾಡಲ್ಲೊ ಹ್ಯೊಚ್ ತೊ.
3 ತೊ ಲೆಕ್ ಅಪ್ಲ್ಯಾ ಬಾಬಾಚ್ಯಾಚ್ ಮಹಿಮೆಚೊ ಉಜ್ವೊಡ್ ಅನಿ ತೆಚ್ಯಾ ರುಪಾಚೊ ಸಗ್ಳೊ ಪ್ರತಿರುಪ್ ಹೊವ್ನ್ ಹಾಯ್; ತೊ ಅಪ್ನಾಚ್ಯಾ ಘಟ್‍ಮುಟ್ಟ್ ಗೊಸ್ಟಿಯಾನಿ ಸಗ್ಳಿ ಸೃಸ್ಟಿ ಚಾಲ್ವುನ್ ಘೆವ್ನ್ ಜಾತಾ, ಮಾನುಸ್‍ ಜಾತಿಚೊ ಪಾಪ್ ಧುವ್ನ್ ಕಾಡುನ್ ಹೊಲ್ಲ್ಯಾ ತನ್ನಾ ತೊ ಸರ್ಗಾರ್ ಮಹಿಮೆವಂತ್ ದೆವಾಚ್ಯಾ ಉಜ್ವ್ಯಾ ಭಾಜುಕ್ ಬಸ್ಲಾ.
ದೆವಾಚ್ಯಾ ಲೆಕಾಚೆ ಮೊಟೆಪಾನ್
4 ಲೆಕ್ ದೆವಾಚ್ಯಾ ದುತಾಂಚ್ಯಾನಿಬಿ ಮೊಟೊ, ದೆವಾನ್ ದೆವ್‍ದುತಾಂನಿಬಿ ಮೊಟೆ ನಾವ್ ತೆಕಾ ದಿಲ್ಲೆ ಹಾಯ್.
5 ಕಶ್ಯಾಕ್ ಮಟ್ಲ್ಯಾರ್, ದೆವಾನ್ ಅಪ್ನಾಚ್ಯಾ ದುತಾನಿತ್ಲ್ಯಾ
ಕೊನಾಕ್ಬಿ, “ತಿಯಾ ಮಾಜೊ ಲೆಕ್ ;
ಆಜ್ ಮಿಯಾ ತುಜೊ ಬಾಬಾ ಹೊಲಾ” ಮನುನ್ ಕನ್ನಾಚ್ ಮನುಕ್ ನಾ.
ನಾಹೊಲ್ಯಾರ್ ದೆವ್ ಖಲ್ಯಾಬಿ ದೆವ್‍ದುತಾಚ್ಯಾ ವಿಶಯಾತ್,“
ಮಿಯಾ ತೆಜೊ ಬಾಬಾ ಹೊತಾ,
ಅನಿ ತೊ ಮಾಜೊ ಲೆಕ್ ಹೊತಾ.” ಮನುನ್ ಮನುಕ್ ನಾ.
6 ಖರೆ ದೆವ್ ಅಪ್ನಾಚ್ಯಾ ಪಯ್ಲೆ ಜಲಮಲ್ಯಾ ಲೆಕಾಕ್ ಘೆವ್ನ್ ಯೆಲ್ಲ್ಯಾ ತನ್ನಾ ತೆನಿ ಮಟ್ಲ್ಯಾನ್,
ತೊ ಹ್ಯಾ ಜಗಾತ್ ಧಾಡ್ನಾರ್ ಹೊತ್ತೊ ತನ್ನಾ,
ದೆವಾನ್,“ದೆವಾಚ್ಯಾ ಸಗ್ಳ್ಯಾ ದುತಾನಿ ತೆಕಾ ಆರಾದನ್ ಕರುಕ್ ಪಾಜೆ” ಮಟ್ಲ್ಯಾನ್.
7 ಖರೆ ದೆವ್‍ದುತಾಂಚ್ಯಾ ವಿಶಯಾತ್ ದೆವ್ ಮನ್ತಾ,
“ದೆವ್ ಅಪ್ನಾಚ್ಯಾ ದುತಾಕ್ನಿ ವಾರ್ಯಾ ಸಾರ್ಕೆ ಕರ್ತಾ,
ಅನಿ ಅಪ್ನಾಚ್ಯಾ ಸೆವಕಾಕ್ನಿ ಪೆಟ್ತಲ್ಯಾ ಅಗಿ ಸಾರ್ಕೆ ಕರ್ತಾ.”
8 ಖರೆ ಲೆಕಾಚ್ಯಾ ವಿಶಯಾತ್ ತೊ ಮನ್ತಾ,
“ಯೆ ದೆವಾ ತುಜೊ ರಾಜ್ ಸದಾ ಸರ್ವತಾ ಪತರ್ ರ್‍ಹಾತಾ!
ತಿಯಾ ತುಜ್ಯಾ ಲೊಕಾಂಚ್ಯಾ ವರ್ತಿ ನಿತಿಚೊ ರಾಜ್ ಚಾಲ್ವುತೆಯ್”.
9 ತಿಯಾ ಖಲೆ ಸಮಾ ಹಾಯ್ ತೆಚೊ ಪ್ರೆಮ್ ಕರ್ತೆಯ್,
ಅನಿ ಚುಕ್ ಅಸಲ್ಲ್ಯಾಚೊ ತಿಯಾ ಪ್ರೆಮ್ ಕರಿನ್ಹಯ್.
ತೆಚ್ಯಾ ಸಾಟಿಚ್ ದೆವಾನ್, “ತುಜ್ಯಾ ದೆವಾನ್ ತುಕಾ ಎಚುನ್ ಕಾಡ್ಲ್ಯಾನಾಯ್,
ಅನಿ ತುಜ್ಯಾ ವಾಂಗ್ಡಿಯಾಕ್ನಿ ದಿಲ್ಲ್ಯಾಚ್ಯಾನ್ಕಿ ಮೊಟ್ಯಾ ಗೌರವಾಚಿ ಖುಶಿ ತುಕಾ ದಿಲ್ಯಾನಾಯ್”.
10 ದೆವ್ ಅಸೆಬಿ ಮನ್ತಾ,“ತಿಯಾ ಧನಿಯಾ,
ಸಗ್ಳ್ಯಾನ್ ಪಯ್ಲೆ ಜಿಮಿನ್ ರಚ್ಲೆಯ್ ಅನಿ ಖುದ್ದ್
ತುಜ್ಯಾಚ್ ಹಾತಾನಿ ತಿಯಾ ಮಳ್ಬಾಕ್ನಿ ಬಿ ರಚ್ಲೆಯ್,
11 ಜಿಮಿನ್ ಅನಿ ಮಳಬ್ ನಾ ಪತ್ತೊ ಹೊವ್ನ್ ಜಾತಾತ್, ಖರೆ ತಿಯಾ ತಸೊಚ್ ರ್‍ಹಾತೆಯ್,
ತಿ ಸಗ್ಳಿ ಕಪ್ಡ್ಯಾಚ್ಯಾ ಸಾರ್ಕೆ ಜುನ್ನಿ ಹೊವ್ನ್ ಪಿಂಜುನ್ ಜಾತಾತ್.
12 ಎಕ್ ಝಗ್ಯಾ ಸಾಕೆ ತಿಯಾ ತೆಂಕಾ ಮಡಚ್ತೆಯ್,
ಅನಿ ತಿ ಬದ್ಲುನ್ ಕಪ್ಡ್ಯಾ ಸಾರ್ಕೆ ಹೊತಾತ್.
ಖರೆ ತಿಯಾ ಕನ್ನಾಬಿ ಕಸೊ ಹಾಸ್ ತಸೊಚ್ ರ್‍ಹಾತೆಯ್,
ಅನಿ ತುಜ್ಯಾ ಜಿವನಾಕ್ ಅಂತುಚ್ ನಾ”.
13 ದೆವಾನ್ ಕನ್ನಾಬಿ ಅಪ್ನಾಚ್ಯಾ ಖಲ್ಯಾಬಿ ದುತಾಕ್ನಿ,
“ತುಜ್ಯಾ ದುಸ್ಮನಾಕ್ನಿ ತುಜ್ಯಾ ಪಾಯ್ ಥವ್ತಲ್ಯಾ ಮ್ಹನಿಚ್ಯಾ ಬುಡಿ ಹಾನಿ ಪತರ್ ಹಿತ್ತೆ ಮಾಜ್ಯಾ ಉಜ್ವ್ಯಾ ಬಾಜುಕ್ ಬಸ್”
ಮನುಕ್ ನಾ.
14 ತಸೆಹೊಲ್ಯಾರ್, ದೆವ್‍ದುತಾ ಕೊನ್ ಹೊವ್ನ್ ಹಾತ್ ತೆನಿ ದೆವಾಚಿ ಸೆವಾ ಕರ್ತಲೆ ಅನಿ ಜೆ ಕೊನ್ ಸುಟ್ಕಾ ಸ್ವಿಕಾರ್ ಕರ್ತಾ ತೆಂಕಾ ಮಜತ್ ಕರುಕ್ ಮನುನ್ ದೆವಾನ್ ಧಾಡುನ್ ದಿಲ್ಲೊ ಆತ್ಮೊ ತೊ.