ಯೊಹಾನನು ಬರೆದ ಮುರನೆಯ ಪತ್ರಿಕೆ
ಜುವಾಂವಾನ್ ಲಿವಲ್ಲಿ ತಿನ್ವೆಚಿ ಚಿಟಿ
ವಳಕ್
ಜುವಾಂವಾನ್ ಲಿವಲ್ಲಿ ತಿನ್ವೆಚಿ ಚಿಟ್ ಅಪೊಸ್ತಲ್ ಜುವಾಂವಾನ್ ಕ್ರಿಸ್ತ್ ಜಲಮಲ್ಲ್ಯಾ ಮಾನಾ ಪನ್ನಾಸ್ ಅನಿ ಸೆಂಬರ್ ವರ್ಸಾಂಚ್ಯಾ ಮದ್ದಿ ಲಿವ್ಲಾ ಜುವಾಂವಾನ್ ಅಪ್ನಿಚ್ ಲಿವಲ್ಲೊ ಮನುನ್ ದಾಕ್ವುನ್ ದಿವ್ಕ್ ನಾ, ಹೆಚ್ಯಾ ಬದ್ಲಾಕ್ ಅಪ್ನಿ ಎಕ್ ಜಾನ್ತೊ ಮಾನುಸ್ ಮನುನ್ ಬಲ್ವುನ್ ಘೆತಾ 1:1. ತೊ ಅಪ್ನಿ ಲಿವಲ್ಲ್ಯಾ ದೊನ್ವೆಚ್ಯಾ ಚಿಟಿತ್ ಸಾಂಗಲ್ಲ್ಯಾ ಸಾರ್ಕೆಚ್ ಸಾಂಗ್ತಾ 1:1. ಜುವಾಂವಾನ್ ಲಿವಲ್ಲಿ ಬರಿ ಖಬರ್ ಅನಿ ತಿನ್ ಚಿಟಿಯಾ ಎಕ್, ದೊನ್, ತಿನ್ ಜುವಾಂವ್ ಹೆ ಎಫೆಸಾತ್ ರ್‍ಹಾತಾನಾ ಲಿವ್ಲಾ.
ಜುವಾಂವ್ ಹಿ ಚಿಟ್ ಗಾಯುಸ್ ಮನ್ತಲ್ಯಾ ನಾವಾಚ್ಯಾ ಎಕ್ ಮಾನ್ಸಾಕ್ ಲಿವ್ತಾ. ತೆನಿ ಗಾಯುಸಾಕ್ ಅಪ್ಲೊ ವಾಂಗ್ಡಿ ಮಟ್ಲಾ, ಅನಿ ತ್ಯಾ ಜಾಗ್ಯಾಕ್ನಾ ಪರ್ಯಾನ್ ಕರ್ತಲ್ಯಾ ಕ್ರಿಸ್ತಾಂವ್ ಭಾವಾಕ್ನಿ ಸತ್ಕಾರ್ ಕರಿಸಾರ್ಕೆ ತೆಕಾ ಸುಚನಾ ದಿತಾ.
ಭಾಗ್
1. ಜುವಾಂವ್ ಅಪ್ಲ್ಯಾ ಚಿಟಿಚಿ ವಳಕ್ ಕರುನ್ ದಿತಾ1:1
2. ಮಾನಾ ತೊ ಗಾಯುಸಾಕ್ ಉಮ್ಮೆದ್ ದಿತಾ ಅನಿ ಭಾವಾಕ್ನಿ ಸತ್ಕಾರ್ ದಾಕ್ವುಕ್ ತೆಂಕಾ ಸುಚನಾ ದಿತಾ 1:2-8
3. ಮಾನಾ ದಿಯೊತ್ರೆಫ್ ಅನಿ ದೆಮೆತ್ರಿ ಮನ್ತಲ್ಯಾ ದೊನ್ ಮಾನ್ಸಾಂಚ್ಯಾ ವಿಶಯಾತ್ ಬೊಲ್ತಾ 1:9-12
4. ಆಕ್ರಿಕ್ ತೊ ಅಪ್ಲಿ ಚಿಟ್ ಮುಗಸ್ತಾ 1:13-14
1
ವಳಕ್
1 ಮಿಯಾ ಜಾನ್ತ್ಯಾನ್,
ಖರೊ ಪ್ರೆಮ್ ಕರ್ತಲ್ಯಾ ಪ್ರಿತಿಚ್ಯಾ ಗಾಯುಸಾಕ್ ಮಾಜ್ಯಾ ವಾಂಗ್ಡಿಯಾಕ್ ಲಿವ್ತಲಿ ಚಿಟ್.
2 ಮಾಜ್ಯಾ ಪ್ರಿತಿಚ್ಯಾ ದೊಸ್ತಾ ತುಜೆ ಸಗ್ಳೆ ಬರೆ ಹೊಂವ್ದಿತ್ ಅನಿ ತುಜೆ ಆರೊಗ್ಯ್ ಬರೆ ರ್‍ಹಾಂವ್ದಿತ್ ತಿಯಾ ಆತ್ಮಿಕ್ ರಿತಿನ್ ಬರೆ ಹಾಸ್ ಮನುನ್ ಮಿಯಾ ಮಾಗ್ನಿ ಕರ್ತಾ, ತಸೆಚ್ ತಿಯಾ ಆರಾಮ್ ರಾ.
3 ತುಜ್ಯಾ ಜಿವನಾತ್ಲಿ ಖರೆಪಾನ್ ಅನಿ ತಿಯಾ ಖರ್ಯಾ ವಾಟೆನ್ ಚಲುಲಾಗ್ಲೆಯ್ ಮನುನ್ ಕ್ರಿಸ್ತಾಕ್ಡೆ ಭಾವ್ ಹೊವ್ನ್ ಹೊತ್ತ್ಯಾ ತಾಂಡ್ಯಾಚ್ಯಾ ಲೊಕಾನಿ ಯೆವ್ನ್ ಮಾಕಾ ಸಾಕ್ಷಿ ದಿಲ್ಯಾನಿ ಹೆಚ್ಯಾ ವೈನಾ ಖುಶಿ ಹೊಲಿ .
4 ಮಾಜಿ ಪೊರಾ ಖರ್‍ಯಾಚ್ಯಾ ವಾಟೆನ್ ಜಿವನ್ ಕರುನ್ಗೆತ್ ಹಾತ್ ಮನ್ತಲೆ ಆಯಿಕ್ತಾನಾ ಮಾಕಾ ಲೈ ಕುಶಿ ಹೊತಾ.
ಗಾಯುಸಾಕ್ ಹೊಗಳ್ತಲೆ
5 ಮಾಜ್ಯಾ ಪ್ರಿತಿಚ್ಯಾ ದೊಸ್ತಾ, ತಿಯಾ ತುಜ್ಯಾ ವಾಂಗುಡ್ಚ್ಯಾ ವಿಶ್ವಾಸಾತ್ ಹೊತ್ತ್ಯಾ ಲೊಕಾಂಚ್ಯಾ ಮದ್ದಿ ಅನಿ ವಿಶ್ವಾಸ್ ನತ್ತ್ಯಾ ಲೊಕಾಂಚ್ಯಾ ಮದ್ದಿ ನಿಯತ್ತಿನ್ ರಾಬುಕ್ ಲಾಗ್ಲೆ.
6 ತೆನಿ ದೆವಾಚ್ಯಾ ತಾಂಡ್ಯಾಕ್ಡೆ ತುಜೆ ಪ್ರೆಮ್ ಕಸ್ಲೊ ಮನ್ತಲೆ ಬೊಲ್ಲ್ಯಾನಿ, ದಯಾ ಕರುನ್ ದೆವಾಚ್ಯಾ ಮನಾಕ್ ಪಾಜೆ ಹೊಲ್ಲ್ಯಾ ವಾಟೆನ್ ಚಲುಕ್ ತೆಂಕಾ ಮಜತ್ ಕರ್.
7 ಕಶ್ಯಾಕ್ ಮಟ್ಲ್ಯಾರ್, ತೆನಿ ಜಾತಾನಾ ವಿಶ್ವಾಸ್ ಕರಿನಸಲ್ಲ್ಯಾ ಲೊಕಾಂಚ್ಯಾಕ್ನಾ ಕಸ್ಲಿಬಿ ಮಜತ್ ಗಾವ್ಚೆ ಮನುನ್ ಆಶಾ ಕರಿನಸ್ತಾನಾ ಕ್ರಿಸ್ತಾಚ್ಯಾ ನಾವಾನ್ ಪ್ರಯಾನ್ ಕರ್ತಾತ್.
8 ಅಸೆ ರ್‍ಹಾತಾನಾ ಅಮಿ ಹ್ಯಾ ಲೊಕಾಕ್ನಿ ಮಜತ್ ಕರ್ತಲೊ ಅಮ್ಚೊ ಖಾಯ್ದೊ. ಹೆಚ್ಯಾ ವೈನಾ ಖರೆ ಕಾಯ್ ಹಾಯ್ ತೆ ಪ್ರಚಾರ್ ಕರ್ತಲ್ಯಾ ಕಾಮಾಕ್ ಅಮಿಬಿ ತೆಂಚ್ಯಾ ವಾಂಗ್ಡಾ ಎಕ್ ಹೊತಾಂವ್.
ದಿಯೊತ್ರೆಫ್ ಅನಿ ದೆಮೆತ್ರಿ
9 ಮಿಯಾ ದೆವಾಚ್ಯಾ ತಾಂಡ್ಯಾಕ್ ಎಕ್ ಚಿಟ್ ಲಿವಲ್ಲೊ. ದಿಯೊತ್ರೆಫ್ ಮನ್ತಲೊ ಮಿಯಾ ಸಾಂಗ್ತಲೆ ಆಯ್ಕಿನಾ. ಕಶ್ಯಾಕ್ ಮಟ್ಲ್ಯಾರ್ ತೊ ಅಪ್ನಿಚ್ ಮುಖ್ಯ್ ಯಜಮಾನ್ ಹೊವ್ನ್ ರ್‍ಹಾವ್ಚೆ ಮನುನ್ ಆಶಾ ಕರ್ತಾ.
10 ಮಿಯಾ ಯೆಲೊ ತರ್ ತೊ ಕರುಲಾಗಲ್ಲ್ಯಾ ಬುರ್ಶ್ಯಾ ಕಾಮಾಚ್ಯಾ ವಿಶಯಾತ್ ಸಗ್ಳೆ ಸೊಡ್ಸುನ್ ಸಾಂಗ್ತಾ. ತೊ ಅಮ್ಚ್ಯಾ ವಿಶಯಾತ್ ಬುರ್ಶಿ ಅನಿ ಝುಟಿ ಸಂಗ್ತಿಯಾ ಸಾಂಗ್ತಾ. ಖರೆ ತವ್ಡೆಚ್ ನಸ್ತಾನಾ ಕ್ರಿಸ್ತಾಚಿ ಸೆವಾ ಕರುಲಾಗಲ್ಲ್ಯಾ ತ್ಯಾ ಭಾವಾಕ್ನಿ ಮಜತ್ ಕರ್ತಲೆಬಿ ತೊ ಮಾನಿನಾ, ಅನಿ ತ್ಯಾ ಭಾವಾಕ್ನಿ ಮಜತ್ ಕರುಚೆ ಮನುನ್ ಫಿಡೆ ಯೆಲ್ಲ್ಯಾ ಲೊಕಾಕ್ನಿ ತೊ ಆಡ್ವುತಾ ಅನಿ ತಿ ಲೊಕಾ ತಾಂಡೊ ಸೊಡುನ್ ಜಾಯ್ ಸಾರ್ಕೆ ಕರುಕ್ ಲಾಗ್ಲಾ ಮನಿ.
11 ಮಾಜ್ಯಾ ಪ್ರಿತಿಚ್ಯಾ ದೊಸ್ತಾ, ತಿಯಾ ಅಸೆ ಕರಿ ನಸ್ತಾನಾ ಬರ್ಯಾ ವಾಟೆನ್ ಚಲ್, ಬರ್ಯಾ ವಾಟೆನ್ ಚಲ್ತಲೊ ದೆವಾಚೊ , ಕೊನ್ ವಾಯ್ಟ್ ಕರ್ತಾ ತೆನಿ ದೆವಾಕ್ ಬಗಟ್ಲೊ ನಾ.
12 ದೆಮೆತ್ರಿ ಮನ್ತಲ್ಯಾ ಮಾನ್ಸಾಚ್ಯಾ ವಿಶಯಾತ್ ಬರೆ ಬೊಲ್ತ್ಯಾತ್, ಅನಿ ತೊ ಅಪ್ನಿಚ್ ಸಾಕ್ಷಿ ದಿತಾ, ಅನಿ ಅಮಿಬಿ ಸಾಕ್ಷಿ ದಿತಾಂವ್ ಅನಿ ಅಮಿ ಸಾಂಗ್ತಲೆ ಖರೆ ತೆಚ್ಯಾ ವಾಂಗ್ಡಾ ಮಿಳ್ವುತಾಂವ್. ಅಮಿ ಸಾಂಗ್ತಲೆ ಖರೆ ಮನುನ್ ತುಕಾ ಗೊತ್ತ್ ಹಾಯ್.
ಆಕ್ರಿಚೊ ನಮಸ್ಕಾರ್
13 ಮಿಯಾ ತುಕಾ ಅನಿ ಲೈ ಲಿವ್ತಲೆ ಹಾಯ್, ಖರೆ ಹೆ ಸಗ್ಳೆ ಪೆನ್ನಾನ್ ಅನಿ ಶಾಯಿನ್ ಲಿವ್ಕ್ ಮಾಕಾ ಮನ್ ನಾ.
14 ಲಗ್ಗುನಾ ಮಿಯಾ ತುಜ್ಯಾಕ್ಡೆ ಯೆತಾ ಮನುನ್ ಮಿಯಾ ಬರೊಸೊ ಕರ್ತಾ; ತನ್ನಾ ಅಮಿ ದೊಗೆ ಜಾನಾ ಮಿಳುನ್ ಬೊಲುವ್ವಾ.
15 ಶಾಂತಿ ತುಜ್ಯಾ ವಾಂಗ್ಡಾ ರ್‍ಹಾಂವ್ದಿತ್, ಸಗ್ಳಿ ತುಜಿ ದೊಸ್ತಾ ತುಕಾ ನಮಸ್ಕಾರ್ ಸಾಂಗ್ತಾತ್ ಅನಿ ಸಗ್ಳ್ಯಾ ದೊಸ್ತಾಕ್ನಿ ಹರ್ ಎಕ್ಲ್ಯಾಚ್ಯಾ ನಾವಾನ್ಬಿ ಇಚಾರ್ಲಾ ಮನುನ್ ಸಾಂಗ್.