ಯೂದನು ಬರೆದ ಪತ್ರಿಕೆ
ಜುದಾನ್ ಲಿವಲ್ಲಿ ಚಿಟಿ
ವಳಕ್
ಜುದಾನ್ ಲಿವಲ್ಲಿ ಚಿಟ್ ಜುದ್ ಮನ್ತಲ್ಯಾ ಮಾನ್ಸಾನ್ ಲಿವ್ಲ್ಯಾನ್. ಜುದ್ ಅಪ್ನಾಕುಚ್ ಅಪ್ನಿ “ಜೆಜು ಕ್ರಿಸ್ತಾಚ್ಯಾ ಭಾವಾ ಜಾಕೊಬಾಚೊ ಭಾವ್” ಮನುನ್ ಅಪ್ಲಿ ಒಳಕ್ ಸಾಂಗ್ತಾ. ತಸೆ ಹೊವ್ನ್ ತೊ ಜೆಜುಚ್ಯಾ ಭಾವಾನಿತ್ಲೊ ಎಕ್ಲೊ ಮನುನ್ ವಿಶ್ವಾಸ್ ಕರುಕ್ ಹೊತಾ. 1. ಹಿ ಚಿಟ್ ಎಕ್ ನಿರ್ದಿಶ್ಟ್ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ ಲಿವ್ನ್ ಹೊಲಾಕಿ ಕಾಯ್ ಮನ್ತಲಿ ಅಮ್ಕಾ ಗೊತ್ತ್ ನಾ. ಅನಿ ಜುನ್ನ್ಯಾ ಕರಾರಾಚಿ ಉಲ್ಲಿ ಸಂಗ್ತಿಯಾ ಹ್ಯಾ ಚಿಟಿತ್ ದಿಸುನ್ ಯೆತಲೆ ಬಗ್ತಾನಾ ಹಿ ಚಿಟಿ ವಾಚ್ನಾರಿ ಲೊಕಾ ಜುದೆವ್ ಧರ್ಮಾಚಿ ಮನುನ್ ಹೊತಾ. ಜಾಲಾರ್ಬಿ ಜುದ್ ಹಿ ಚಿಟಿ ದೆವಾಚ್ಯಾ ಪ್ರಿತಿಚ್ಯಾ ಅನಿ ಜೆಜು ಕ್ರಿಸ್ತಾಸಾಟಿ ಥವಲ್ಲ್ಯಾ ಲೊಕಾಕ್ನಿ ಉದ್ದೆಸುನ್ ಲಿವ್ಲ್ಯಾನ್. ಜುದ್ 1. ಹಿ ಚಿಟ್ ಲೈ ಕರುನ್ ಕ್ರಿಸ್ತ್ ಜಲ್ಮುನ್ ಹೊಲ್ಲ್ಯಾ ಮಾನಾ ಸುಮಾರ್ ಸಾಟ್ವೆಚ್ಯಾ ವರ್ಸಾತ್ ಲಿವ್ನ್ ಹೊಲಾ. ಹಿ ಚಿಟ್ ಲಿವ್ತಲೊ ಉದ್ದೆಶ್, ಝುಟಿ ಶಿಕಾಪಾ ಶಿಕ್ವುತಲ್ಯಾಚ್ಯಾ ವೈನಾ ಚುಕೆಚ್ಯಾ ವಾಟೆಕ್ ಜಾವ್ಚೆ ನ್ಹಯ್ ಮನ್ತಲ್ಯಾಸಾಟ್ನಿ ಸಗ್ಳ್ಯಾ ವಿಶ್ವಾಸಾತ್ ಹೊತ್ತ್ಯಾ ಲೊಕಾಕ್ನಿ ಉಶಾರ್ಕಿ ದಿತಲೆ. (ಜುದ್ 4). ತೆನಿ ಅಪ್ಲ್ಯಾ ಬೊಲ್ನ್ಯಾಕ್ನಿ ಬಳ್ ದಿವ್ಕ್ ಸಾಟ್ನಿ ಜುನ್ಯಾ ಕರಾರಾಚಿ ಗೊಸ್ಟಿಯಾ ವಾಪರ್ಲಾತ್ . ಹಿ ಚಿಟ್ ಪೆದ್ರುಚ್ಯಾ ದೊನ್ವೆಚ್ಯಾ ಚಿಟಿತ್ ಹೊತ್ತ್ಯಾ ಸಾರ್ಕೆ ಝುಟ್ಯಾ ಶಿಕಾಪಾ ಶಿಕ್ವುತಲ್ಯಾಂಚ್ಯಾ ವಿರೊದ್ ಹುಶ್ಯಾರ್ಕಿ, ದೆವಾಚೊ ಧುತ್ ಅನಿ ಸೊದೊಮ್ ಗೊಮೊರ್ ಶಾರಾಂಚೆ ವಿಶಯ್ ಹ್ಯಾ ಚಿಟಿಕ್ ಬಗುಕ್ ಗಾವ್ತಾತ್. ಜುದ್1:4, ದೊನ್ ಪೆದ್ರು1:1
ಭಾಗಾ
1. ಜುದ್ ಅದ್ದಿ ಅಪ್ಲ್ಯಾ ವಾಚ್ತಲ್ಯಾ ಲೊಕಾಕ್ನಿ ದಾಕ್ವುನ್ ದಿತಾ. ಜುದ್ 1:1,2
2 .ತೆಚ್ಯಾ ಮಾನಾ ತೊ ಝುಟ್ಯಾ ಶಿಕಾಪಾ ಶಿಕ್ವುತಲ್ಯಾಂಚ್ಯಾ ವಿರೊದ್ ತೆಂಕಾ ಹುಶ್ಯಾರ್ಕಿ ದಿವ್ಕಲಾಗಲ್ಲೆ ಕಾರನ್ ಸಾಂಗ್ತಾ. ಜುದ್ 1:3,4.
3. ತೆಚ್ಯಾ ಮಾನಾ ಜುನ್ಯಾ ಕರಾರಾತ್ಲ್ಯಾ ಲೊಕಾಂಚ್ಯಾ ಅನಿ ಘಟನಾಂಚ್ಯಾ ಉದಾರ್ನೆಂಚ್ಯಾ ವೈನಾ ಸಾಂಗ್ತಾ 1:5-16
4. ಮಾನಾ ತೊ ಹ್ಯಾ ಹುಶಾರ್ಕಿಕ್ ತೆಂಚಿ ಪ್ರತಿಕ್ರಿಯಾ ಕಾಯ್ ರ್‍ಹಾವ್ಚೆ ಮನ್ತಲೆ ಸಾಂಗ್ತಾ. ಜುದ್ 1:17-23
5. ಆಕ್ರಿಕ್ ದೆವಾಕ್ ಸುತ್ತಿ ಕರಿತ್ ಅಪ್ಲಿ ಚಿಟ್ ಮುಗಸ್ತಾ.1:24,25
1
ವಳಕ್
1 ಜೆಜು ಕ್ರಿಸ್ತಾಚೊ ಸೆವಕ್ ಅನಿ ಜಾಕೊಬಾಚ್ಯಾ ಭಾವಾ ಜುದಾನ್ ದೆವಾಚ್ಯಾ ಪ್ರೆಮಾತ್ ಅನಿ ಜೆಜು ಕ್ರಿಸ್ತಾಸಾಟ್ನಿ ರಾಕುನ್ ಥವಲ್ಲ್ಯಾಕ್ನಿ ಲಿವ್ತಲಿ ಚಿಟ್.
2 ದಯಾ, ಶಾಂತಿ ಅನಿ ಪ್ರೆಮ್ ತುಮ್ಚ್ಯಾ ಮದ್ದಿ ಭರ್ಪುರ್ ಹೊಂವ್ದಿತ್.
ಝುಟಿ ಶಿಕಾಪಾ ಶಿಕ್ವುತಲಿ ಲೊಕಾ
3 ಮಾಜ್ಯಾ ಪ್ರೆಮಾಚ್ಯಾನು, ಅಮಿ ಸಗ್ಳೆ ವಾಟುನ್ ಘೆಟಲ್ಲ್ಯಾ ಸುಟ್ಕೆಚ್ಯಾ ವಿಶಯಾತ್ ತುಮ್ಕಾ ಲಿವ್ಚೆ ಮನುನ್ ಮಿಯಾ ಉಮ್ಮೆದಿನ್ ತಯಾರಿ ಕರ್ತಾನಾ, ಸಗ್ಳ್ಯಾ ದೆವಾಚ್ಯಾ ಲೊಕಾಕ್ನಿ ಲೈ ತರಾಸಾನ್ ಎಗ್ದಾಚ್ ದಿಲ್ಲ್ಯಾ ವಿಶ್ವಾಸಾಚ್ಯಾ ವಿಶಯಾತ್ ತುಮ್ಚ್ಯಾಕ್ಡೆ ವಿನಂತಿ ಕರ್ತಲೆ ಗರ್ಜೆಚೆ ಮನುನ್ ಮಾಕಾ ದಿಸ್ಲೆ.
4 ಕಶ್ಯಾಕ್ ಮಟ್ಲ್ಯಾರ್, ಉಲ್ಲಿ ದೆವಸ್ಪಾನ್ ನಸಲ್ಲಿ ಲೊಕಾ ಅಮ್ಚ್ಯಾ ಮದ್ದಿ ಚುಕುನ್ ಯೆವ್ನ್ ಗುಸ್ಲಾತ್, ತೆಂಚಿ ಬುರ್ಶಿ ವಾಟಾ ದಾಕ್ವುಸಾಟ್ನಿ ಅಮ್ಚ್ಯಾ ದೆವಾಚ್ಯಾ ಕುರ್ಪೆಚ್ಯಾ ಬಾತ್ಮಿಚ್ಯಾ ವಿಶಯಾತ್ ತೆನಿ ಚುಕ್ ಸಾಂಗ್ತಾತ್. ಅನಿ ತೆನಿ ಜೆಜು ಕ್ರಿಸ್ತಾಕ್ ಅಮ್ಚ್ಯಾ ಗುರುಕ್ ಅನಿ ಧನಿಯಾಕ್ ತಿರಸ್ಕಾರ್ ಕರ್ಲಾತ್. ಲೈ ದಿಸಾ ಫಾಟಿ ತೆಂಕಾ ಗಾವ್ತಲ್ಲ್ಯಾ ಶಿಕ್ಷೆಚ್ಯಾ ವಿಶಯಾತ್ ಪವಿತ್ರ್ ಪುಸ್ತಕಾತ್ ಸಾಂಗಲ್ಲೆ ಹಾಯ್.
5 ತುಮ್ಕಾ ಅದ್ದಿಚ್ ಗೊತ್ತ್ ಹಾಯ್ ಜಾಲ್ಯಾರ್ಬಿ ಉಲ್ಲ್ಯಾ ಫಾಟ್ಲ್ಯಾ ಸಂಗ್ತಿಯಾ ಮಿಯಾ ತುಮ್ಕಾ ಯಾದ್ ಕರುಕ್ ಆಶಾ ಕರ್ತಾ, ಧನಿಯಾನ್ ಆಪ್ಲ್ಯಾ ಲೊಕಾಕ್ನಿ ಇಜಿಪ್ತ್ ದೆಶಾತ್ನಾ ಭಾಯ್ರ್ ಹಾನುನ್ ಬಚಾವ್ ಕರಲ್ಲೆ ಯಾದ್ ಕರುನ್ ಘೆವಾ. ಖರೆ ಮಾನಾ ಧನಿಯಾನ್ ವಿಶ್ವಾಸ್ ಕರಿನಸಲ್ಲ್ಯಾ ಲೊಕಾಕ್ನಿ ನಾಸ್ ಕರ್ಲ್ಯಾನ್.
6 ಅನಿ ಅಪ್ನಾಚೊ ಹುದ್ದೊ ಸಂಬಾಳುನ್ ಘೆವ್ನ್ ರ್‍ಹಾತಲೆ ಸೊಡುನ್, ಅಪ್ನಿ ರ್‍ಹಾತಲೊ ಜಾಗೊ ಕಳ್ದುನ್ ಘೆಟಲ್ಲ್ಯಾ ದೆವಾಚ್ಯಾ ದುತಾಕ್ನಿ ಮೊಟ್ಯಾ ಝಡ್ತಿ ಕರ್‍ತಲ್ಲ್ಯಾ ದಿಸಾಸಾಟ್ನಿ; ದಾಟ್ಲ್ಯಾ ಕಾಳ್ಕಾತ್ ಖೊಲಾತ್, ಕನ್ನಾಚ್ ತುಟಿನಸಲ್ಲ್ಯಾ ಸರ್ಪೊಳ್ಯಾನಿ ಭಾಂದುನ್ ಥವಲ್ಲೆ ಹಾಯ್.
7 ಸೊದೊಮ್, ಗೊಮೊರ್ ಅನಿ ತೆಚ್ಯಾ ಆಜುಬಾಜುಕ್ ಹೊತ್ತ್ಯಾ ಶಾರಾಕ್ನಿ ಯಾದ್ ಕರುನ್ ಘೆವಾ, ಥೈತ್ಲ್ಯಾ ಲೊಕಾನಿಬಿ ತ್ಯಾ ದೆವಾಚ್ಯಾ ದುತಾಂಚ್ಯಾ ಸಾರ್ಕೆ ಅನೈತಿಕ್ ಶಾರಿರಿಕ್ ಸಮಂದ್ ಅನಿ ಸ್ವಭಾವಾ ಸಾರ್ಕೆ ಕರಿನಸ್ತಾನಾ ರ್‍ಹಾತಲೆ, ಪೊಜ್ಡೆಪಾನ್ ಕರ್ಲ್ಯಾನಿ. ಅಸೆ ತೆನಿ ಸಗ್ಳ್ಯಾಕ್ನಿ ಎಕ್ ಹುಶಾರ್ಕಿಚ್ಯಾ ರುಪಾತ್ ಕನ್ನಾಚ್ ಇಜಿನಸಲ್ಲ್ಯಾ ಆಗಿಚ್ಯಾ ಶಿಕ್ಷಾತ್ ಪಡ್ಲ್ಯಾನಿ.
8 ತಸೆಚ್ ತೆಂಚಿ ದರ್ಶನಾಚ್ ತೆಂಕಾ ವಾಟ್ ದಾಕ್ವುತ್ಯಾತ್ ಅಪ್ಲ್ಯಾ ಪಾಪಾನಿಚ್ ಅಪ್ನಾಕ್ ಅಶುದ್ದ್ ಕರುನ್ ಘೆತಾತ್. ತೆನಿ ಧನಿಯಾಚೊ ಅಧಿಕಾರ್ ತಿರಸ್ಕಾರ್ ಕರ್ತಾತ್, ಮೊಟ್ಯಾ ಮಹಿಮೆಚ್ಯಾ ದೆವಾಚ್ಯಾ ದುತಾಂಚ್ಯಾ ವಿರೊದ್ ಹೊವ್ನ್ ಬುರ್ಶೆಚ್ ಸಾಂಗ್ತಾತ್.
9 ಮುಖ್ಯ್ ದೆವಾಚ್ಯಾ ದುತಾ ಮಿಂಗೆಲಾನ್ ಮೊಯ್ಜೆಚ್ಯಾ ಮಡ್ಯಾಚ್ಯಾ ವಿಶಯಾತ್ ಸೈತಾನಾಚ್ಯಾ ವಾಂಗ್ಡಾ ವಾದ್ ಖೆಳ್ತಾನಾ, ತೆನಿ ತೆಕಾ ಬರೆ ಬುರ್ಶೆ ಬೊಲುನ್ ತೆಕಾ ತೆಚಿ ಮರ್ಯಾದ್ ಕಾಡುಕ್ ಧೈರೊ ಕರುಕ್ ನಾ, ತೆನಿ ತೆಕಾ,“ಧನಿ ತುಕಾ ಗದ್ಮುಂದಿತ್,” ಮಟ್ಲ್ಯಾನ್.
10 ಖರೆ ಹಿ ಲೊಕಾ ಅಪ್ನಾಕ್ ಗೊತ್ತ್ ನಸಲ್ಲ್ಯಾ ವಿಶಯಾತ್ ನಿಂದ್ಯಾ ಕರ್ತಾತ್, ಅನಿ ಅಪ್ನಿಬಿ ಬುದ್ದ್ ನಸಲ್ಲ್ಯಾ ಜನಾವರಾ ಸಾರ್ಕೆ ಕಸೆ ಹಾಯ್ ತಸೆ ಕಾಯ್ಬಿ ಕಳ್ವುನ್ ಘೆತ್ಯಾತ್, ಅನಿ ತೆಚ್ಯಾ ವೈನಾ ಅಪ್ನಾಕ್ನಿಚ್ ಜಾಳ್ವುನ್ ನಾಸ್ ಕರುನ್ ಘೆತಾತ್.
11 ತೆಂಚಿ ಗತ್ ಕಾಯ್ ಸಾಂಗು! ತೆನಿ ಕಾಯಿನಾಚಿ ವಾಟ್ ಧರ್ಲ್ಯಾನಾತ್, ಕಮ್ವುತಲ್ಯಾ ಆಶೆಸಾಟ್ನಿ ಪುರಾ ಮಾಪಾನ್ ಬಾಲಾಮಾನ್ ಕರಲ್ಲ್ಯಾ ಸಾರ್ಕೆ ಚುಕ್ ಕರ್ಲ್ಯಾನಿ. ಅನಿ ತೆನಿ ಕೊರಾ ಮನ್ತಲ್ಯಾ ಮಾನ್ಸಾಚ್ಯಾ ಸಾರ್ಕೆ ಹುರ್ಪಾಟಿ ಬೊಲ್ಲ್ಯಾನಿ ಅನಿ ತೆಚೆ ಸಾರ್ಕೆಚ್ ನಾಸ್ ಹೊವ್ನ್ ಗೆಲ್ಯಾನಿ.
12 ಹೆನಿ ತುಮ್ಚ್ಯಾ ಎಕ್ವಟಾಚೆ ಜೆವ್ನಾತ್ ತುಮ್ಚ್ಯಾ ವಾಂಗ್ಡಾ ಕಾಯ್ ಬಿ ಭಿಂಯೆ ನಸ್ತಾನಾ ಖಾತಾತ್ ಫಿತಾತ್ ಅನಿ ಅಪ್ನಾಚಿ ಪೊಟಾ ಭರುನ್ಗೆತಾತ್, ತೆನಿ ವಾರ್ಯಾಚ್ಯಾ ವಾಂಗ್ಡಾ ಹುಡುನ್ ಜಾತಲ್ಲ್ಯಾ ಪಾನಿ ನಸಲ್ಲ್ಯಾ ಮೊಡಾಂಚ್ಯಾ ಸಾರ್ಕೆ, ತೆನಿ ಕಾಲಾ ಕಾಲಾಕ್ ಫಳ್ ದಿನಸಲ್ಲ್ಯಾ ಝಾಡಾ ಸಾರ್ಕೆ, ಮುಳಾ ಸಮೆತ್ ಉಪ್ಳುನ್ ಪಡಲ್ಲ್ಯಾ ವಾಳುನ್ ಗೆಲ್ಲ್ಯಾ ಝಾಡಾ ಸಾರ್ಕೆ.
13 ತನಿ ಅಪ್ನಾಚಿ ಮರ್ಯಾದ್ಗೆಡಿ ಕಾಮಾಚ್ಯಾ ವೈನಾ ಸಮುಂದರಾಚ್ಯಾ ಮೊಟ್ಯಾ ಭಯಾನಕ್ ಭುರುಕ್ ಭರಲ್ಲ್ಯಾ ಲಾಟಾಂಚ್ಯಾ ಸಾರ್ಕೆ,ತೆಂಚ್ಯಾಸಾಟಿ ದೆವಾನ್ ಸದಾ ಸರ್ವತಾಕ್ ಎಕ್ ದಾಟ್ ಕಾಳ್ಕಾತ್ ಜಾಗೊ ರಾಕುನ್ ಥವಲ್ಲೊ ಹಾಯ್.
14 ಆದಾಮಾಚ್ಯಾ ಸಾತ್ವ್ಯಾ ಪಿಳ್ಗಿಚೊ ಹಾನೊಕ್ ಹ್ಯಾ ಲೊಕಾಂಚ್ಯಾ ವಿಶಯಾತ್ ಅಸೆ ಮನ್ತಾ,“ಹೆ ಬಗ್ ಧನಿ ಧಾ ಹಜಾರಾನ್ ಹಜಾರ್ ಪವಿತ್ರ್ ದೆವಾಚ್ಯಾ ದುತಾಂಚ್ಯಾ ವಾಂಗ್ಡಾ ಯೆತಾ.”
15 ದೆವಸ್ಪಾನ್ ನಸಲ್ಲ್ಯಾ ವಾಟೆನ್ ಜಾವ್ನ್ ದೆವಸ್ಪಾನಾನ್ ನಸಲ್ಲಿ ಕಾಮಾ ಕರಲ್ಲ್ಯಾ ಹರ್ ಎಕ್ಲ್ಯಾಕ್, ಅನಿ ಅಪ್ನಾಚ್ಯಾ ವಿರೊದ್ ಬೊಲುನ್ ಕರಲ್ಲ್ಯಾ ಖಟೊರ್ ಕಾಮಾಚ್ಯಾ ಸಾಟ್ನಿ ತೊ ತೆಂಕಾ ಚುಕಿದಾರ್ ಮನುನ್ ಕರ್ತಾ.
16 ಹಿ ಚುಕ್ ಶಿಕಾಪಾ ಶಿಕ್ವುತಲಿ ಲೊಕಾ ದುಸ್ರ್ಯಾಕ್ನಿ ದೊಶ್ ದಿತ್ಯಾತ್, ತೆನಿ ಅಪ್ನಾಚ್ಯಾ ಬುರ್ಶ್ಯಾ ಆಶಾಂಚ್ಯಾ ಸಾರ್ಕೆ ಚಲ್ತಾತ್ ಅನಿ ಅಪ್ನಾಚ್ಯಾ ಫಾಯ್ದ್ಯಾ ಸಾಟ್ನಿ ದುಶ್ರ್ಯಾಂಚಿ ಬಡಾಯ್ ಬೊಲುನ್ ದಾಕ್ವುತ್ಯಾತ್.
ಉಶಾರ್ಕಿ ಅನಿ ಸುಚನಾ
17 ಮಾಜ್ಯಾ ಪ್ರಿತಿಚ್ಯಾನು, ಅಮ್ಚ್ಯಾ ಧನಿಯಾ ಜೆಜು ಕ್ರಿಸ್ತಾಚ್ಯಾ ಅಪೊಸ್ತಲಾನಿ ತುಮ್ಕಾ ಅದ್ದಿ ಕಾಯ್ ಸಾಂಗಲ್ಲ್ಯಾನಿ ಮನ್ತಲೆ ಯಾದ್ ಕರುನ್ ಘೆವಾ.
18 ಆಕ್ರಿಚ್ಯಾ ವೆಳಾರ್ ತುಮ್ಕಾ ಎಡ್ಸಡ್ತಲಿ,ಅನಿ ದೆವಾಕ್ ವಿರೊದ್ ಕರ್ತಲಿ ಲೊಕಾ ರ್‍ಹಾತ್ಯಾತ್,
19 ಹಿ ಲೊಕಾ ಹ್ಯಾ ಜಗಾಚಿ ಲೊಕಾತ್ನಿ ಭೆದ್‍ಭಾವ್ ಯೆವ್ಕ್ ಕಾರನ್ ಹೊತಾತ್, ತೆನಿ ಹ್ಯಾ ಜಗಾಚ್ಯಾ ಆಶಾಚ್ಯಾ ಪರ್ಕಾರ್ ಚಲ್ತಾತ್, ತೆಂಚ್ಯಾಕ್ಡೆ ಪವಿತ್ರ್ ಆತ್ಮೊ ನಾ.
20 ಖರೆ ಪ್ರಿತಿಚ್ಯಾನು, ತುಮಿ ತುಮ್ಚ್ಯಾ ಲೈ ಪವಿತ್ರ್ ವಿಶ್ವಾಸಾತ್ ವೈರ್ ವಾಡುನ್ಗೆತ್ ಜಾವಾ. ಪವಿತ್ರ್ ಆತ್ಮ್ಯಾಚ್ಯಾ ಬಳಾನ್ ಮಾಗ್ನಿ ಕರಾ,
21 ಧನಿ ಜೆಜು ಕ್ರಿಸ್ತ್ ಅಪ್ನಾಚ್ಯಾ ದಯೆಚ್ಯಾ ವೈನಾ ಕನ್ನಾಚ್ ಮರಾನ್ ನಸಲ್ಲೆ ಜಿವನ್ ದಿತಲ್ಯಾಕ್ ರಾಕುನ್ ಅಸಲ್ಲ್ಯಾ ಬಾಸೆನ್ ತುಮ್ಕಾಚ್ ತುಮಿ ದೆವಾಚ್ಯಾ ಪ್ರೆಮಾತ್ ಥವ್ನ್ ಘೆವಾ,
22 ಸಂಶೆವ್ ಹೊತ್ತ್ಯಾ ಲೊಕಾಕ್ನಿ ದಯಾ ದಾಕ್ವಾ.
23 ಆಗಿಚ್ಯಾ ತೊಂಡಾತ್ ಹೊತ್ತ್ಯಾಕ್ನಿ ವೊಡುನ್ ಘೆವ್ನ್ ತೆಂಕಾ ಆಗಿತ್ನಾ ಹುರ್ವುನ್ ಘೆವಾ. ಭಿಂಯಾ ವೈನಾ ದಯಾ ದಾಕ್ವಾ ಖರೆ ಆಂಗಾ ಮಾಸಾಚ್ಯಾ ಚಲ್ನುಕಿ ವೈನಾ ಮ್ಹೆಳಲ್ಲೆ ಕಪ್ಡೆ ಧುರ್ ಕರಾ.
ಆಕ್ರಿಚಿ ಆಶಿರ್ವಾದ್
24 ಅತ್ತಾ ತುಮ್ಕಾ ತುಮಿ ಪಡಿನಸ್ತಾನಾ ರಾಕ್ತಲ್ಯಾ, ಅನಿ ಅಪ್ನಾಚ್ಯಾ ಮಹಿಮೆಚ್ಯಾ ಹಾಜಿರ್ಪಾನಾತ್ ಖುಶಿನ್ ಕಾಯ್ಬಿ ಚುಕ್ ನಸಲ್ಲಿ ಲೊಕಾ ಕರುನ್ ಥವ್ತಲ್ಯಾ,
25 ತ್ಯಾ ಅಮ್ಕಾ ರಾಕ್ತಲ್ಯಾ ಎಕ್ಲ್ಯಾಚ್ ದೆವಾಕ್, ಜೆಜು ಕ್ರಿಸ್ತಾ ಅಮ್ಚ್ಯಾ ಧನಿಯಾಚ್ಯಾ ವೈನಾ ಮಹಿಮಾ, ವೈಭವ್, ರಾಜ್ವಟ್ಕಿ ಅನಿ ಅಧಿಕಾರ್ , ಅದ್ದಿ, ಅತ್ತಾ ಅನಿ ಸದಾ ಸರ್ವತಾಕ್ ತೆಕಾಚ್ ರ್‍ಹಾಂವ್ದಿತ್, ಆಮೆನ್!