ಯೊಹಾನನು ಬರೆದ ಪ್ರಕಟನೆ
ಜುವಾಂವಾಕ್ ಹೊಲ್ಲ್ಯಾ ದರ್ಶನಾಂಚೆ ಪುಸ್ತಕ್
ವಳಕ್
ದರ್ಶನಾಂಚೆ ಪುಸ್ತಕ್ ನವ್ಯಾ ಕರಾರಾಚೆ ಆಕ್ರಿಚೆ ಪುಸ್ತಕ್. ಹೆ ಪುಸ್ತಕ್ ಅಪೊಸ್ತಲ್ ಜುಂವಾವಾಕ್ನಾ ಆಕ್ರಿಕ್ ಕ್ರಿಸ್ತ್ ಜಲಮಲ್ಲ್ಯಾ ಮಾನಾ ಲೈ ಕರುನ್ ನ್ಹವದಾರ್ ಪಾಂಚ್ವೆಚ್ಯಾ ವರ್ಸಾತ್ ಲಿವ್ನ್ ಹೊಲಾ1:1. ತೆನಿ ಜುಂವಾವಾಚಿ ಬರಿ ಖಬರ್ ಅನಿ 3 ಚಿಟಿಯಾ 1, 2, 3 ಜುವಾಂವ್ ಬಿ ಲಿವ್ಲಾ. “ಜುವಾಂವ್ ಜೆಜುಚೊ ಪ್ರೆಮಾಚೊ” ಮನುನ್ ಬಿ ಬಲ್ವುತಾತ್ ಜುವಾಂವ್ 13:23. ಹೆ ದರ್ಶನಾಂಚೆ ಪುಸ್ತಕ್ ತೊ ಜೆಜುಚಿ ಬರಿ ಖಬರ್ ಪರ್ಗಟ್ ಕರುಕ್ ಪಾತ್ಮೊಸ್ ಮನ್ತಲ್ಯಾ ದ್ವಿಪಾತ್ ಬಂದಿ ಹೊವ್ನ್ ಹೊತ್ತ್ಯಾ ಎಳಾರ್ ಲಿವ್ಲಾ ಜು.ದರ್ಶನಾ1:9.
ಜುವಾಂವ್ ದರ್ಶನಾಂಚೆ ಪುಸ್ತಕ್ ಲಿವ್ತಲಿ ಗುರಿ ವಾಚ್ತಲ್ಯಾಕ್ನಿ ಜೆಜು ಕ್ರಿಸ್ತಾಕ್ಡೆ ವಿಶ್ವಾಸಾನ್ ರ್‍ಹಾಯ್ ಸಾರ್ಕೆ ಅನಿ ಜೆಜುಚೊ ಪರ್ತುನ್ ಯೆತಲೊ ಎಳ್ ಜಗ್ಗೊಳ್ ಯೆಲಾ ಮನ್ತಲೊ ಬರೊಸೊ ದಿವ್ಕ್ ಉಮ್ಮೆದ್ ಭರ್ತಲೆ ಹೊಲ್ಲೆ1:3—22:7. ತೆನಿ ಸಾಮಾನ್ಯಾ ಹೊವ್ನ್ ಸಗ್ಳ್ಯಾ ಕ್ರಿಸ್ತಾಂವ್ ವಿಶ್ವಾಸಿಕ್ನಿ ಅನಿ 2 ಅನಿ 3 ವೆಚ್ಯಾ ಪಾಟಾತ್ನಿ ಬಗ್ತಲ್ಯಾ ಸಾರ್ಕೆ ನಿರ್ಧಿಶ್ಟ್ ಸಾತ್ ತಾಂಡ್ಯಾಕ್ನಿ ಲಿವ್ತಾ. ಜುವಾಂವ್ ಅಪ್ನಿ ಲಿವಲ್ಲೆ ಪ್ರವಾದನ್ ಹೊವ್ನ್ ಹಾಯ್ ಮನ್ತಾ 1:1, ಅನಿ ಅಪ್ನಿ ಬಗಟಲ್ಲಿ ಸಂಗ್ತಿಯಾ ವಿವರನ್ ಕರುಕ್ ಹ್ಯಾ ಪುಸ್ತಕಾತ್ ಲೈ ಕಡೆ ಚಿತ್ರಾ ವಾಪರ್‍ತಾ. ಹೆ ಪುಸ್ತಕ್ ಜುನ್ನ್ಯಾ ಕರಾರಾಚ್ಯಾ ಉಲ್ಲ್ಯಾ ಭಾಗಾಂಚ್ಯಾ ನಮುನಿಚ್ ಹಾಯ್, ನಿರ್ಧಿಶ್ಟ್ ಕರುನ್ ಸಾಂಗುಚೆ ಹೊಲ್ಯಾರ್ ಜೆಕರಿಯಾ 6:1-8 ಸಾತ್ ಪೊಂವ್ವೆ ಅನಿ ಸಾತ್ ಆಯ್ದಾನಾ ಬಿ ದೆವಾನ್ ಐಗುಪ್ತಾಕ್ ಶಿಕ್ಷಾ ದಿವ್ಕ್ ಸಾಟ್ನಿ ಧಾಡಲ್ಲ್ಯಾ ತರಾಸಾಕ್ನಿ ಹೊಲಿಕೆ ಹೊವ್ನ್ ಹಾಯ್ ನಿರ್ಗಮನ್ 7— 9 ಪಾಟಾ. ದರ್ಶನಾಂಚೆ ಪುಸ್ತಕ್ ವೆಳಾಚ್ಯಾ ಆಕ್ರಿಚ್ಯಾ ವಿಶಯಾತ್ ಬೊಲ್ತಾ, ತೆ ಜೆಜು ಜಯ್ ಹೊತಾ, ಅನಿ ತೆಚ್ಯಾ ವರ್ತಿ ಕೊನ್ ವಿಶ್ವಾಸ್ ಥವ್ತಾ ತೆನಿ ಸಗ್ಳೆಬಿ ತೆಚ್ಯಾ ವಾಂಗ್ಡಾ ಸದಾ ಸರ್ವತಾಕ್ ಜಿವನ್ ಕರ್ತಾತ್ .ಹೆ ಪುಸ್ತಕ್ ಜೆಜು ಲಗ್ಗುನಾಚ್ ಪರ್ತುನ್ ಯೆತಾ ಮನ್ತಲ್ಯಾಕ್ ತುಮ್ಕಾ ಹುಶ್ಯಾರ್ಕಿ ಅನಿ ಬರೊಸೊ ದಿವ್ನ್ದಿತ್.
ಭಾಗಾ
ಜುವಾಂವ್ ಹ್ಯೊ ಪರ್ವಾದನೆಚೊ ದರ್ಶನ್ ಕೊನಾಕ್ನಾ ಅನಿ ಕಸೊ ಘೆಟ್ಲ್ಯಾನ್ ಮನುನ್ ಸಾಂಗುನ್ಗೆತ್ ಶುರು ಕರ್ಲಾ1:1-20
ತೊ ಸಿದಾ ದೆವಾಕ್ನಾ ಯೆಲ್ಲಿ ಬರಿ ಖಬರ್ ಸಾತ್ ತಾಂಡ್ಯಾಕ್ನಿ ದಿತಾ 1:1—3:22
ಮಾನಾ ತೊ ಸಾತ್ ಛಪ್ಪ್ಯಾಕ್ನಿ ವಿವರನ್ ಕರ್ತಾ 4:1—8:5 ಅನಿ ಸಾತ್ ಪೊಂವ್ವ್ಯಾಂಚ್ಯಾ ವಿಶಯಾತ್ ವಿವರನ್ ಕರ್ತಾ 8:6—11:19
ಮಾನಾ ಜುವಾಂವ್ ಸಾತ್ ಟಕ್ಲ್ಯಾಂಚ್ಯಾ ಮೊಟ್ಯಾ ಸಾಪಾಚ್ಯಾ ವಿರೊದ್ ಝಿಲ್ ಬಾಳ್ಸ್ಯಾಚ್ಯಾ ಹೊರಾಟಾಚ್ಯಾ ವಿಶಯಾತ್ ವಿವರನ್ ಕರ್ತಾ 12:1—14:20
ಮಾನಾ ತೊ ಸಾತ್ ರಾಗಾನ್ ಭರಲ್ಲ್ಯಾ ಆಯ್ದಾನಾಂಚ್ಯಾ ವಿಶಯಾತ್ ಲಿವ್ತಾ15:1—16:18
ಮಾನಾ ಜುವಾಂವ್ ಸರ್ಗಾರ್ ದೆವ್ ಅಪ್ಲ್ಯಾ ದುಸ್ಮಾನಾಂಚ್ಯಾ ವಿರೊದ್ ಕಸೊ ಜಯ್ ಹೊತಾ ಮನ್ತಲೆ ವಿವರನ್ ಕರ್ತಾ 17:1—20:15
ಆಕ್ರಿಕ್ ತೊ ಯೆತಲೆ ಹೊತ್ಯಾ ನ್ಹವ್ವೊ ಸರ್ಗ್ ಅನಿ ನ್ಹವಿ ಜಿಮಿನ್ ಯೆತಲ್ಯಾ ವಿಶಯಾತ್ ವಿವರನ್ ಕರ್ತಾ 21:1—22:21
1
1 ಹ್ಯಾ ಪುಸ್ತಕಾತ್ ಜೆಜು ಕ್ರಿಸ್ತಾನ್ ದಾಕ್ವುನ್ ದಿಲ್ಲೆ ಸಗ್ಳೆ ಲಿವ್ನ್ ಥವಲ್ಲೆ ಹಾಯ್. ಅಪ್ನಾಚ್ಯಾ ಸೆವಕಾಕ್ನಿ ಕಾಯ್-ಕಾಯ್ ಲಗ್ಗುನಾಚ್ ಘಡ್ನಾರ್ ಹಾಯ್ ಮನುನ್ ದಾಕ್ವುಸಾಟ್ನಿ ಕ್ರಿಸ್ತಾನ್ ದೆವ್‍ದುತಾಕ್ ಧಾಡುನ್ ಅಪ್ನಾಚ್ಯಾ ಸೆವಕಾಕ್ ಜುವಾಂವಾಕ್ ಹೆ ಸಗ್ಳೆ ಕಳ್ವುಲ್ಯಾನ್.
2 ಅನಿ ಜುವಾಂವಾಕ್ ಅಪ್ನಿ ಕಾಯ್-ಕಾಯ್ ಬಗಟ್ಲ್ಯಾನಾಯ್ ತೆ ಸಗ್ಳೆ ಸಾಂಗಟ್ಲ್ಯಾನಾಯ್. ಹಿ ಎಕ್ ದೆವಾಕ್ನಾ ಯೆಲ್ಲಿ ಖಬರ್ ಅನಿ ಜೆಜು ಕ್ರಿಸ್ತಾನ್ ದಾಕ್ವುನ್ ದಿಲ್ಲಿ ಖರಿ ಸಂಗತ್.
3 ಹೆ ಪುಸ್ತಕ್ ವಾಚ್ವುತಲ್ಯಾಚೆ ಕೌಡೆ ಬರೆ, ಅನಿ ಹ್ಯಾ ಪ್ರವಾದ್ ಕರುನ್ ಸಾಂಗಲ್ಲ್ಯಾ ಗೊಸ್ಟಿಯಾ ಆಯ್ಕುನ್ ಹ್ಯಾ ಪುಸ್ತಕಾತ್ ಲಿವಲ್ಲ್ಯಾ ಗೊಸ್ಟಿಯಾಂಚ್ಯಾ ಸರ್ಕೆ ಚಲ್ತಲ್ಯಾಚೆ ಕೌಡೆ ಬರೆ! ಹಿ ಸಗ್ಳಿ ವಿಶಯಾ ಘಡ್ತಲೊ ಎಳ್ ಜಗ್ಗೊಳ್ ಯೆವ್ನ್ ಪಾವಲ್ಲೊ ಹಾಯ್.
ಸಾತ್ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ನಿ ನಮಸ್ಕಾರ್
4 ಜುವಾಂವಾಕ್ ಆಸಿಯಾ ಮನ್ತಲ್ಯಾ ಪ್ರಾಂತ್ಯಾಚ್ಯಾ ಸಾತ್ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ನಿ ಲಿವ್ತಲೆ.
ಜೆ ಹಾಯ್, ಫಾಟಿಬಿ ಹೊತ್ತೊ ಅನಿ ಅನಿ ಫಿಡೆ ಯೆತಲೊ ಹಾಯ್ ತ್ಯಾ ದೆವಾಕ್ನಾ ಅನಿ ಸಿವಾಸನಾಚ್ಯಾ ಇದ್ರಾಕ್ ಅಸಲ್ಲೆ ಸಾತ್ ಆತ್ಮ್ಯಾಂಚ್ಯಾಕ್ನಾ ತುಮ್ಕಾ ಕುರ್ಪಾ ಅನಿ ಶಾಂತಿ ಗಾವುಂದಿತ್ ,
5 ಅನಿ ಜೆಜುಕ್ರಿಸ್ತಾಕ್ನಾಬಿ, ತೊ ಖರಿ ಸಾಕ್ಷಿ, ಮರಲ್ಲ್ಯಾನಿತ್ನಾ ಝಿತ್ತೊ ಹೊವ್ನ್ ಉಟಲ್ಲ್ಯಾನಿತ್ನಿ ಸಗ್ಳ್ಯಾನ್ ಪಯ್ಲೆಚೊ ತೊಚ್, ಅನಿ ತೊಚ್ ಹ್ಯಾ ಜಗಾತ್ಲ್ಯಾ ಸಗ್ಳ್ಯಾ ರಾಜಾಂಚ್ಯಾ ವರ್ತಿ ಅದಿಕಾರ್ಬಿ ಚಾಲ್ವುತಾ, ತೊ ಅಮ್ಚೊ ಪ್ರೆಮ್ ಕರ್ತಾ, ಅನಿ ಅಪ್ನಿಚ್ ಮರುನ್ ಅಪ್ನಾಚಿ ಬಲಿ ದಿಲ್ಲ್ಯಾ ವೈನಾ ತೆನಿ ಅಮ್ಕಾ ಅಮ್ಚ್ಯಾ ಪಾಪಾನಿತ್ನಾ ಸೊಡ್ವುಲ್ಯಾನಾಯ್.
6 ಅನಿ ತೆನಿ ಅಮ್ಕಾ ಅಪ್ನಾಚ್ಯಾ ದೆವಾ ಅನಿ ಬಾಬಾಚಿ ಸೆವಾ ಕರ್‍ತಲ್ಯಾ ಯಾಜಕಾಂಚೊ ರಾಜ್ ಕರ್‍ಲ್ಯಾನಾಯ್, ಮಹಿಮಾ ಅನಿ ಸಗ್ಳ್ಯಾನ್ ಮೊಟೊ ಅದಿಕಾರ್ ಸದಾ ಸರ್ವತಾಕ್ ಜೆಜು ಕ್ರಿಸ್ತಾಚೊಚ್ ತಸೆಚ್ ಹೊಂವ್ದಿತ್.
7 “ಬಗಾ, ತೊ ಮೊಡಾಂಚ್ಯಾ ವರ್ತಿ ಯೆವ್‍ಲಾಲಾ! ಹರಿಎಕ್ಲೊ ತೆಕಾ ಬಗ್ತಾ, ತೆಕಾ ಭೊಚಲ್ಲೊ ಸೈತ್ ತೆಕಾ ಬಗ್ತಾ” ಹ್ಯಾ ಜಗಾತ್ನಿ ಸಗ್ಳಿ ಲೊಕಾ ತೆಕಾ ಲಾಗುನ್ ಮರಗ್ತ್ಯಾತ್, ಹೆ ಖರೆಚ್ ಖರೆ!
8 ಜೊ ಹಾಯ್, ಜೊ ಹೊತ್ತೊ ಅನಿ ಅನಿಫಿಡೆ ಯೆತಲೊ ಹಾಯ್ ತೊ ಸರ್ವ ಶಕ್ತಿಮಾನ್ ದೆವ್ ಮನ್ತಾ, “ಜೊ ಹಾಯ್, ಜೊ ಹೊತ್ತೊ, ಅನಿ ಫಿಡೆ ಯೆತಲೊ ಸಗ್ಳ್ಯಾನ್ ಮೊಟೊ ದೆವ್” ಆರಂಬ್ ಅನಿ ಅಂತ್ ಮಿಯಾಚ್.
ಕ್ರಿಸ್ತಾಚೆ ಎಕ್ ದರ್ಶನ್
9 ಮಿಯಾ ಜುವಾಂವ್ ತುಮ್ಚೊಚ್ ಭಾವ್, ಕ್ರಿಸ್ತಾಚ್ಯಾ ರಾಜ್ವಾಡ್ಯಾಸಾಟಿ ಘಟ್ ಮನಾನಿ ತರಾಸ್ ಸೊಸ್ತಲ್ಯಾ ಜೆಜುಜ್ಯಾ ವಾಟೆನ್ ಚಲ್ತಲ್ಯಾನಿತ್ಲೊ ಎಕ್ಲೊ ತುಮ್ಚೊ ವಾಂಗ್ಡಿ. ದೆವಾಚ್ಯಾ ಗೊಸ್ಟಿಯಾ ಅನಿ ಜೆಜುನ್ ಮಾಕಾ ದಾಕ್ವುನ್ ದಿಲ್ಲೆ ಖರೆ ಮಿಯಾ ಲೊಕಾಕ್ನಿ ಪ್ರಚಾರ್ ಕರುಕ್ ಲಾಗಲ್ಲೊ, ತೆಚೆಸಾಟ್ನಿ ಮಾಕಾ ಸಮುಂದರಾಚ್ಯಾ ಮದ್ದಿ ಅಸಲ್ಲ್ಯಾ ಪಾತ್ಮೊಸ್ ಮನ್ತಲ್ಯಾ ಜಾಗ್ಯಾರ್ ಥವಲ್ಲೆ ಹೊತ್ತೆ.
10 ಧನಿಯಾಚ್ಯಾ ದಿಸಿ ಮಿಯಾ ಪವಿತ್ರ್ ಆತ್ಮ್ಯಾನ್ ಭರ್‍ಲೊ, ಅನಿ ಮಾಕಾ ಎಕ್ ಮೊಟೊ ಧನ್ ಆಯ್ಕೊ ಯೆಲೊ, ತೊ ಅವಾಜ್ ಎಕ್ ಮೊಟ್ಯಾ ಪಂವ್ಯಾಚ್ಯಾ ಅವಾಜಾ ಸರ್ಕೊ ಯೆವ್‍ಲಾಗಲ್ಲೊ, ತೊ ಮಾಜ್ಯಾ ಫಾಟಿಕ್ಡೆ ಬೊಲುಲಾಗಲ್ಲೊ.
11 ತೆನಿ, “ತಿಯಾ ಕಾಯ್ ಬಗುಲೆ ತೆ ಸಗ್ಳೆ ಎಕ್ ಪುಸ್ತಕಾತ್ ಲಿವ್ನ್ ಘೆ, ಅನಿ ಹ್ಯಾ ಸಾತ್ ಶಾರಾನಿತ್ಲ್ಯಾ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ನಿ ತೆ ಧಾಡುನ್ ದಿ.” ಮಟ್ಲ್ಯಾನ್. ತಿ ಶಾರಾ ಹಿ - ಎಫೆಜ್, ಸ್ಮಿರ್‍ನಾ, ಪೆರ್‍ಗಾಮನ್, ಥೈಟಿರಾ, ಸಾರ್ದಿಸ್, ಫಿಲಾದಾಲ್ಫಿಯಾ, ಅನಿ ಲವೊದಿಸಿಯಾ.
12 ಮಾಜೆಕ್ನಾ ಕೊನ್ ಬೊಲುಲಾ ಮನುನ್ ಬಗುಸಾಟ್ನಿ ಮಿಯಾ ಫಾಟಿ ಪರತ್ಲೊ, ತನ್ನಾ ಮಿಯಾ ಸಾತ್ ಸೊನ್ಯಾಚೆ ದಿವೆ ಲಾವ್ತಲೆ ಖಾಂಬೆ ಬಗಟ್ಲೊ.
13 ಪರತಲ್ಲ್ಯಾ ತನ್ನಾ ಸಾತ್ ದಿವೆ ಥವ್ತಲೆ ಖಾಂಬೆ ಅನಿ ತೆಂಚ್ಯಾ ಮದ್ದಿ ಮಾನ್ಸಾಚ್ಯಾ ಸರ್ಕೊ ಎಕ್ಲೊ ಹೊತ್ತೊ. ತೆನಿ ಅಪ್ನಾಚ್ಯಾ ಪಾಂಯಾಕ್ನಿ ಜಾವ್ನ್ ಲಾಗಿ ಸರ್ಕೊ ಲಾಂಬ್ಲೊ ಝಗೊ ನೆಸಲ್ಲ್ಯಾನ್, ಅನಿ ತೆಚ್ಯಾ ಹಿರ್‍ದ್ಯಾರ್ ಎಕ್ ಸೊನ್ಯಾಚೊ ಪಟ್ಟೊ ಹೊತ್ತೊ.
14 ತೆಚಿ ಕೆಸಾ ಫ್ರಾಂಡ್ರ್ಯಾ ಬಕ್ರ್ಯಾಂಚ್ಯಾ ಕೆಸಾಂಚ್ಯಾ ಸರ್ಕಿ, ನಾಹೊಲ್ಯಾರ್ ಭರ್‍ಪಾಚ್ಯಾ ಸರ್ಕಿ ಫಾಂಡ್ರಿ ಖಡ್ಡ್ ಹೊತ್ತಿ.
15 ತೆಚೆ ಡೊಳೆ ಪೆಟ್ತಲ್ಯಾ ಆಗಿ ಸಾರ್ಕೆ ಹೊತ್ತೆ,ಅನಿ ತೆಚೆ ಪಾಂಯೆ ಭಟ್ಟಿತ್ ಘಾಲುನ್ ಬರೆ ಕರುನ್ ಕಾಡಲ್ಲ್ಯಾ ಅನಿ ಪವಿತ್ರ್ ಕರಲ್ಲ್ಯಾ ಪಿತ್ಳಿಚ್ಯಾ ತಾಮ್ಯಾಚ್ಯಾ ಸಾರ್ಕೆ ಹೊತ್ತೆ, ಅನಿ ತೆಚೊ ಧನ್ ಮಟ್ಲ್ಯಾರ್ ದಬ್‍ದಬ್ಯಾಚ್ಯಾ ಅವಾಜಾ ಸರ್ಕೊ.
16 ತೆನಿ ಅಪ್ನಾಚ್ಯಾ ಉಜ್ವ್ಯಾ ಹಾತಿತ್ ಸಾತ್ ಚಿಕ್ಕಿಯಾ ಧರಲ್ಲ್ಯಾನ್ ಅನಿ ತ್ಯೆಚ್ಯಾ ತೊಂಡಾತ್ನಾ ಎಕ್ ದೊನ್ ಬಾಜುನ್ ದಾರ್ ಹೊತ್ತೊ ಕೊಯ್ತೊ ಭಾಯ್ರ್ ಯೆಲೊ, ತೆಚೆ ತೊಂಡ್ ಮಟ್ಲ್ಯಾರ್ ದಿಸ್ ದೊಪಾರ್ಚೆ ಕಸೊ ದಿಸ್ತಾ ಬಗ್ ತಸೆ ಝಳ್‍ಝಳಿತ್ ದಿಸಿ.
17 ತೆಕಾ ಬಗಟಲ್ಲ್ಯಾ ತನ್ನಾ ಮರಲ್ಲ್ಯಾ ಸರ್ಕೊ ಹೊವ್ನ್ ಮಿಯಾ ತ್ಯೆಚ್ಯಾ ಪಾಂಯಾತ್ನಿ ಪಡ್ಲೊ, ತೆನಿ ಅಪ್ನಾಚೊ ಹಾತ್ ಮಾಜೆ ವರ್ತಿ ಥವ್ಲ್ಯಾನ್ ಅನಿ, ಭಿಂವ್‍ನಕೊ ಮಿಯಾಚ್ ಆರಂಬ್ ಅನಿ ಅಂತ್.
18 ಮಿಯಾ ಝಿತ್ತೊ ಹಾಂವ್! ಮಿಯಾ ಮರಲ್ಲೊ, ಖರೆ ಅತ್ತಾ ಮಿಯಾ ಸದಾ ಸರ್ವತಾಕ್ ಝಿತ್ತೊ ಹಾಂವ್. ಮರ್ನಾಚೊ ಅನಿ ಪಾತಾಳಾಚೊ ಅಧಿಕಾರ್ ಮಾಜ್ಯಾ ಹಾತಿತ್ ಹಾಯ್
19 ತಸೆ ಮನುನ್ ಅತ್ತಾ ಬಗಟಲ್ಲೆ ಅನಿ ಅನಿಫಿಡೆ ಬಗ್ತಲೆ ಸಗ್ಳೆ ಲಿವ್ನ್ ಘೆ.
20 ಮಾಜ್ಯಾ ಉಜ್ವ್ಯಾ ಹಾತಿತ್ ಅಸಲ್ಲ್ಯಾ ಸಾತ್ ಚಿಕ್ಕಿಯಾಂಚೊ ಅನಿ ಸಾತ್ ಸೊನ್ಯಾಚ್ಯಾ ದಿವ್ಯಾಂಚ್ಯಾ ಖಾಂಬ್ಯಾಂಚೊ ಖರೊ ಅರ್ತ್ ಕಾಯ್ ಮಟ್ಲ್ಯಾರ್, ಸಾತ್ ಚಿಕ್ಕಿಯಾ ಸಾತ್ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಂಚಿ ದೆವ್‍ದುತಾ, ಅನಿ ಸಾತ್ ದಿವೆ ಮಟ್ಲ್ಯಾರ್ ಸಾತ್ ದೆವಾಚ್ಯಾ ಲೊಕಾಂಚ್ಯಾ ತಾಂಡೆ. ಮನುನ್ ಸಾಂಗಟ್ಲ್ಯಾನ್.