33
Mwanza wa kulawa Misili mbaka Moabu
1 Azino azo zing'hambi ziwekile Waizilaeli viwasegele mwiisi ya Misili mna gamabumbila gao kwa kulongozwa na Musa na Haluni.
2 Musa kajandika twaga da kila hanhu kuwekile ing'hambi, kulawa ng'hambi imoja mbaka iyagwe, kwa kulagizwa na Mndewa Imulungu.
3 Waizilaeli wasegela kudibuga da Lamesesi mna isiku ya longo na tano ya mwezi wa ichanduso, siku imoja toka Pasaka. Wasegela kwa kugangamala mgameso gawa Misili wose,
4 awo wakalile owazika iwana wose wa chaudele wa kimbigalo wakomigwe na Mndewa Imulungu, kwavija vivija Mndewa Imulungu kaikoboza na imilungu yao yose.
5 Avo, Waizilaeli wasegela Lamesesi weka ng'hambi ako Sukoti.
6 Kulawa Sukoti weka ng'hambi yao ako Etamu, mwiingema ya uluwala.
7 Kulawa Etamu wabweleganya mbaka Pi Hahiloti, umwambu wa kudilawila zuwa wa Baali Sefoni, weka ng'hambi yao behi na Migidoli.
8 Kulawa Pi Hahiloti waloka ibahali ya Shamu mbaka kuluwala lwa Etamu, wagendelela na mwanza kwa siku ndatu na weka ng'hambi yao ako Mala.
9 Kulawa Mala wachola mbaka Elimu, ako Elimu kukala na mbwibwi za mazi longo na mbili, na mitende malongo saba, weka ng'hambi yao hanhu aho.
10 Kulawa Elimu weka ng'hambi yao behi na bahali ya Shamu.
11 Kulawa bahali ya Shamu, weka ng'hambi yao kuluwala lwa Sini.
12 Kulawa kuluwala lwa Sini weka ng'hambi yao ako Dofika.
13 Kulawa Dofika weka ng'hambi yao ako Alushi.
14 Kulawa Alushi weka ng'hambi yao ako Lefidimu, kuko kukala kuduhu mazi ga kung'wa.
15 Kulawa Lefidimu weka ng'hambi yao ako kuluwala lwa Sinai.
16 Kulawa kuluwala lwa Sinai weka ng'hambi yao ako Kibiloti Hataava.
17 Kulawa Kibiloti Hataava weka ng'hambi yao ako Haseloti.
18 Kulawa Haseloti weka ng'hambi yao ako Litima.
19 Kulawa Litima weka ng'hambi yao ako Limoni Pelesi.
20 Kulawa Limoni Pelesi weka ng'hambi yao ako Libina.
21 Kulawa Libina weka ng'hambi yao ako Lisa.
22 Kulawa Lisa weka ng'hambi yao ako Keheleta.
23 Kulawa Keheleta weka ng'hambi yao ako kulugongo lwa Shefeli.
24 Kulawa kulugongo lwa Shefeli weka ng'hambi yao ako Halada.
25 Kulawa Halada weka ng'hambi yao ako Makeloti.
26 Kulawa Makeloti weka ng'hambi yao ako Tahati.
27 Kulawa Tahati weka ng'hambi yao ako Tela.
28 Kulawa Tela weka ng'hambi yao ako Mitika.
29 Kulawa Mitika weka ng'hambi yao ako Hashimona.
30 Kulawa Hashimona weka ng'hambi yao ako Moseloti.
31 Kulawa Moseloti weka ng'hambi yao ako Bene Yakani.
32 Kulawa Bene Yakani weka ng'hambi yao ako Holi Hagidigadi.
33 Kulawa Holi Hagidigadi weka ng'hambi yao ako Yotibata.
34 Kulawa Yotibata weka ng'hambi yao ako Abilona.
35 Kulawa Abilona weka ng'hambi yao ako Esioni Gebeli.
36 Kulawa Esioni Gebeli weka ng'hambi yao ako kuluwala lwa Sini vivija kokemigwa Kadeshi.
37 Kulawa Kadeshi weka ng'hambi yao ako kulugongo lwa Holi, mna imbaka ya isi ya Edomu.
38 Kwa kulagizwa na Mndewa Imulungu, Haluni imulava nhosa kakwela kulugongo lwa Holi na kafila kuko, kuna isiku ya ichanduso ya mwezi wa tano, mwaka wa malongo mane toka Waizilaeli viwasegele mwiisi ya Misili.
39 Haluni viyafile ako kulugongo lwa Holi kakala na miyaka gana dimoja na malongo mabili na ndatu.
40 Mndewa wa Aladi, Mkanaani yakalile ako Negebu mwiisi ya Kanaani kapata usenga kamba Waizilaeli wamnzila okwiza.
41 Kulawa kulugongo lwa Holi, Waizilaeli weka ng'hambi yao ako Salimona.
42 Kulawa Salimona weka ng'hambi yao ako Punoni.
43 Kulawa Punoni weka ng'hambi yao ako Oboti.
44 Kulawa Oboti weka ng'hambi yao ako Iye Abalimu kuna imbaka ya Moabu.
45 Kulawa Iye Abalimu weka ng'hambi yao ako Diboni Gadi.
46 Kulawa Diboni Gadi weka ng'hambi yao ako Alimoni Dibilataimu.
47 Kulawa Alimoni Dibilataimu weka ng'hambi yao ako kuvigongo va Abalimu behi na lugongo lwa Nebo.
48 Kulawa kuvigongo va Abalimu wagendelela na mwanza na weka ng'hambi yao ako kudibawe da Moabu, behi na lwanda lwa Yolidani uilola na buga da Yeliko dikalile umwambu wa ulwanda.
49 Weka ng'hambi yao behi na lwanda lwa Yolidani hagati ya Beti Yeshimoti na Abeli Shitimu ako kudibawe da Moabu.
Malagizo ga Mndewa Imulungu mbuli ya kuisola isi ya Kanaani
50 Kulawa kuko kudibawe da Moabu, behi na lwanda lwa Yolidani uilola na buga da Yeliko dikalile umwambu wa ulwanda, Mndewa Imulungu kamulongela Musa,
51 “Walongele Waizilaeli kamba vonda muloke lwanda lwa Yolidani na kwingila mwiisi ya Kanaani,
52 wawingeni wenekae wose wa isi ayo. Mugakindule mabwe gao gose na iminyago yao ya zuma na muhabomole kila hanhu hao ha kutambikila.
53 Muisole isi ayo na mukale mumo kwavija niye niwagwelela iwe yenu.
54 Na moigola isi ayo kwa kubwanha simbi kamba iwanhu viweli, isi ing'hulu kwa kabila dili na wanhu wengi na isi indodo kwa kabila dili na wanhu wadodo.
55 Lakini kamba tanhu hamuwawinga iwenekae wa isi ayo, avo awo onda muwaleke okuwa kamba vibanzi mgameso genu hebu kamba miba mzimbavu zenu, na owagaza ng'hani.
56 Kamba hamuwawinga, niye nowatendela mweye kamba vinigelegeze kuwatendela hewo.”