63
ZABULI YA 63
(Zabuli ya Daudi mbuli ya kipindi viyakalile kuluwala lwa Yuda.)
1 Go Imulungu, gweye kwa Imulungu wangu,
na niye nokuzahila kwa moyo wose.
Moyo wangu okusulukila kamba munhu mwene ng'hilu,
nina ng'hilu kamba isi inyalile ilibule mazi.
2 Nikona hanhu hako hong'ala,
nizona nguvu zako na ukulu wako.
3 Kwavija unogelo wako hawishaga unoga kubanza ugima,
na niye nokutogola kwa mulomo wangu.
4 Nokutogola ugima wangu wose,
nokwinula makono gangu na nokupula.
5 Moyo wangu odeng'helela kamba kuja ndiya inogile ng'hani,
kwa deng'ho nokwimbila nhogolwa.
6 Mulusazi lwangu nokukumbuka,
kilo chose nokugelegeza.
7 Kwavija gweye konitaza,
mmbeho ya mabawa gako nokwimba kwa deng'ho.
8 Moyo wangu okugoga gweye,
mkono wako wa ukudila onidahiza.
9 Lakini wose olonda kunikoma niye,
odumbukila hasi mdisimo da ifa.
10 Okomigwa kwa sime,
okuwa ndiya ya mbagile.
11 Lakini mndewa kodeng'helela kwa Imulungu.
Wose oiduwila kwa twaga da Imulungu okwinuligwa,
kwavija milomo ya wavizi yogubikwa.