85
ZABULI YA 85
(Kwa kilanja, Zabuli ya wanhu wa ulelo wa Kola.)
1 Gweye Mndewa Imulungu,
kulagusa ganogile kwa isi yako,
kumbwezela Yakobo ganogile gake.
2 Kugela kumgongo nzambi za wanhu zako,
kuzilohola nzambi zao zose.
3 Kuikimila ng'hasiliki yako yose,
kuleka kugevuzika kwako.
4 Utubweze kabili gweye Imulungu mkombola wetu,
usegese ng'hasiliki yako kumwetu.
5 Vino, kotugevuzikila milele?
Kogendeleza ng'hasiliki yako kwa ulelo wetu wose?
6 Vino, hutubweza kabili,
avo iwanhu wako wakudeng'helele?
7 Utulagusile unogelo wako hawishaga,
gweye Mndewa Imulungu utugwelele ukombola wako.
8 Notegeleza goyolonga Imulungu yeli Mndewa Imulungu,
kalagiza tindiwalo jake kwa iwanhu zake wang'alile,
lakini sikuwabwelele ubozi.
9 Ona ukombola wake wa behi na awo omdumba,
ili ukulu wake usigale mwiisi yetu.
10 Unogelo hawishaga na kutamanilwa voiting'hana,
haki na tindiwalo voilamusa kwa kuinonela.
11 Kutamanilwa kozuka kulawa mwiisi,
haki yolola hasi kulawa kuulanga.
12 Ona, Mndewa Imulungu, kalava kinhu kinogile,
isi yetu yolela ndiya yake.
13 Haki yolongola kuulongozi,
na kutenda nzila kwa kutausa kwake.