25
Musi bapa ŋic jaŋere ʒâŋe biri
1 Eme Dawidi â giere micne jaŋe Asafa â Hemaŋ â Jedutuŋ jaŋere ŋokâfâc tucne jaŋe gita kulele â woŋgâŋhec findaŋdâŋ muhuc juniŋte bâwosâec‐jopambiŋ wâc. Eme gie i bambiŋ ŋic i jaŋere ʒâŋe biri ʒiŋuc:
2 Asafare ŋokâfâc jaŋeraonec ine ʒiŋuc: Ʒakuru, Josefe, Netania â Asarela. Ŋic i jaŋe Asafare rurumaŋko juhuc ŋicwofuŋte mumutâcko findaŋdâŋ mumbiŋ.
3 Eme Jedutuŋ ŋokâfâc‐ticne jaŋeraonec ine ʒiŋuc: Gedalia, Zeri, Jesaja, Simei, Hasabia â Matitia. Jaŋe 6‐zi mamac‐jeŋic Jedutuŋte rurumaŋko juhuc kulelehec findaŋdâŋ muhuc Wofuŋ daŋge mumuteŋ ecnembiŋ.
4 Eme Hemaŋte ŋokâfâc jaŋeraonec ine Bukia, Matania, Uʒiele, Sebuele â Jerimoti, Hanania, Hanani, Eliata, Gidaleti â Romamati‐Eʒe, Josebekasa, Maloti, Hotiri â Mahaʒio.
5 Ŋic i jaŋe ŋicwofuŋte findaŋdâŋ mumu ŋic Hemaŋ ere ŋokâfâc. Jaŋe Anutuzi Hemaŋ bafahareocte mupaŋkecnewec irec sâcko fuarâ jumbiŋ. Hemaŋ e Anutuzi ŋokâfâcne 14 â otâfâcne jahec â moc tahackewec.
6 Jaŋe ʒeŋgoma mamac‐jeŋicte rurumaŋko juhuc musio Wofuŋte ufuŋko woŋgâŋ â gita kulelehec Anuture ufuŋko gie bahuc jumbiŋ. Eme Asafa â Jedutuŋ â Hemaŋ jaŋe ine ŋicwofuŋte mumutâcko jumbiŋ.
7 Eme jaŋe â qomâfâc‐jeŋic Wofuŋ gae hecnehuc juniŋte qazu‐jarepie mana‐hâmombiŋ jaŋere qâqâhâc ʒare i 288.
8 Jaŋe kâcɋene â piticne, qaqazu â wosaekicne mâmâc gie‐jeŋicte ɋâsâi qambiŋ.
9 Eme bâbâni jâmbâŋ Asafare ʒâŋeo ɋâsâi qapie Josefe âke fuawec. Izi mocwâc qapie Gedalia â ŋokâ qomâfâcne 12 jaŋe âke fuac‐jopawec.
10 Eme mocwâc qapie Ʒakuru â ŋokâ qomâfâcne 12 jaŋe âke fuac‐jopawec.
11 Eme mocwâc qapie Iziri â ŋokâ qomâfâcne 12 jaŋe âke fuac‐jopawec.
12 Izi mocwâc qapie Netania â ŋokâ qomâfâcne 12 jaŋe âke fuac‐jopawec.
13 Eme mocwâc harierâ qapie Bukia â ŋokâ qomâfâcne 12 jaŋe âke fuac‐jopawec.
14 Eme ʒuhuckerâ mocwâc qapie Jesarela â ŋokâ qomâfâcne 12 jaŋe âke fuac‐jopawec.
15 Izi mocwâc qapie Jesaja â ŋokâ qomâfâcne 12 jaŋe âke fuac‐jopawec.
16 Eme mocwâc qapie Matania â ŋokâ qomâfâcne 12 jaŋe âke fuac‐jopawec.
17 Eme ʒuhuckerâ mocwâc qapie Simei â ŋokâ qomâfâcne 12 jaŋe âke fuac‐jopawec.
18 Ehame mocwâc qapie Aʒarele â ŋokâ qomâfâcne 12 jaŋe âke fuac‐jopawec.
19 Eme ʒuhuckerâ qapie Hasabia â ŋokâ qomâfâcne 12 jaŋe âke fuac‐jopawec.
20 Eme mocwâc qapie Subaele â ŋokâ qomâfâcne 12 jaŋe âke fuac‐jopawec.
21 Eme mocwâc qapie Matitia â ŋokâ qomâfâcne 12 jaŋe âke fuac‐jopawec.
22 Izi ʒuhuckerâ qapie Jeremoti â ŋokâ qomâfâcne 12 jaŋe âke fuac‐jopawec.
23 Eme mocwâc qapie Hanania â ŋokâ qomâfâcne 12 jaŋe âke fuac‐jopawec.
24 Izi ʒuhuckerâ qapie Josebekasa â ŋokâ qomâfâcne 12 jaŋe âke fuac‐jopawec.
25 Eme mocwâc qapie Hanani â ŋokâ qomâfâcne 12 jaŋe âke fuac‐jopawec.
26 Eme ʒuhuckerâ qapie Maloti â ŋokâ qomâfâcne 12 jaŋe âke fuac‐jopawec.
27 Eme mocwâc qapie Eliata â ŋokâ qomâfâcne 12 jaŋe âke fuac‐jopawec.
28 Eme ʒuhuckerâ qapie Hotiri â ŋokâ qomâfâcne 12 jaŋe âke fuac‐jopawec.
29 Eme ʒuhuckerâ mocwâc qapie Gidaleti â ŋokâ qomâfâcne 12 jaŋe âke fuac‐jopawec.
30 Eme mocwâc qapie Mahaʒio â ŋokâ qomâfâcne 12 jaŋe âke fuac‐jopawec.
31 Izi tatarane qapie Romamati‐Eʒe â ŋokâ qomâfâcne 12 jaŋe âke fuac‐jopawec.