Salmo 61
61
Kararag Ay Mankedaw Si Panalakniban Diyos
1 Apo, dengngem kod nan adawag ko,
patgam koma din kararag ko.
2 Isnan addawi ay ili, kedkedawek di badang mo
sin timpo ay madisdismayaak, Apo.
Omiey ka si nakayang ay bato
3 tan sik-a di salaknib ko,
nabaked ay pankamangak ay adi makasag-en di kalaban ko.
4 Ipalobos mo koma ay manteeak sin beey mo
sin intiro ay biyag ko.
Somalaknib ka koma sin payak mo.
5 Tan din karik yan inawat mo
yan idawat mon sak-en di bindisyon mo
ay awaten di mandayaw en sik-a, Apo.
6 Din biyag di ari, paandoem koma.
7 Babaen sin panangayowan mo, manturay komas eng-enggana.
Salaknibam komas sisya, Apo,
babaen sin kinamatalek mo
ya adi manbalbaliw ay layad mo.
8 Asiak kanayon ay mankanta ay mangidayaw en sik-a
ya innagew ay tongpalek din inkarik en sik-a.