15
O Iesu ut in nanai na wain
O Iesu i watungi lena, “Iau ut in nanai na wain mulus, ma o Tita i a tene tamtamabat tagun a kinobot na wain. +I ser tau ru a kum kanokano rop nin un iau ra ka det ser wu, ma i ser burup det ra det ser wu, sur det in wu a susut na wino. Mot sa talapor, kibino una wasiso ra a sa watung tari tamot. Mot in laun un iau, ma iau an laun un mot. Ka mot in wu ra ka mot laun un iau, elar nama kano wain ken wu oros ra ken patop unin nanai ino.
“Iau ut in nanai na wain, ma mot a kum kanokano. Osi ra i laun un iau, ma iau a laun uni, in wu a susut na wino. Ikut ra mot laun gisen gusun iau, ka mot in pam lar pas tu utna. +Ra taio ken laun un iau, i elar nama kano duwai, ra di woro ru i ra numur in marang. Din ubek tomo det, ma din woro det una sungun, sur det in nangon rop tiro iai. Ra mot in laun un iau, ma anung a wasiso in laun un mot, mot in saring iau sur tu utna ra mot nemi, ra din pitari ut torom mot.
+“Ra mot in wu a susut na wimot, o Tita in los a minamar, ma a wimot in ese i lena mot anung a kum nat na ususer mulus. O Tita i nem iau, lenkutkai ra a nem mot. Mot in laun una nung a marmaris. 10  +Ra mot in mur anung a kum warkurai, mot in laun una nung a marmaris, elar nam iau, a mur a kum warkurai anun o Tita, ra a laun una nun a marmaris.
11 “A watung a kum wasiso ri tamot, sur anung a gasgas in kis un mot, ma anumot a gasgas in bukus una numot a nilaun. 12  +Iri anung a warkurai torom mot lena, mot in nem etetalai mot, elar nami ra a nem mot. 13  +Ra taio in pitar ru anun a nilaun sur in mat sur a kum paspasano, anun a marmaris i labo sakit. Katu marmaris anun taio i elar nami. 14  +Ra mot in mur anung a kum warkurai, mot a kum paspasang. 15 Kan watung mot melet mo lena a kum tultul, uni a tultul ke tasman a utna ra anun a labino i pami. Ikut a watung mot lena a kum paspasang, uni a sa watung rop tar a kum wasiso tamot ra a longoro i tan o Tita. 16 Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang. 17  +Mot in nem etetalai mot. Iri anung a warkurai torom mot.
A taro tagun a rakrakon bual det in nget mot
18 “Ra a taro tagun a rakrakon bual det in nget mot, mot in nuk pasi lena det sa nget mugu tar iau. 19  +Ra mot anun a rakrakon bual, a rakrakon bual in nem mot elar nam mot anunu. Ikut mot awu sur anun a rakrakon bual, a sa pilok pas mot gusuni. Iri a kibino ra i nget mot. 20  +Mot in nuk pas a wasiso ra a sa watung tari tamot lena, ‘A tultul ke labo taun anun a labino.’ Ra det ban laulau iau, det in ban laulau mot kai. Ra det mur anung a wasiso, det in muri kai anumot a wasiso. 21 Det in ban laulau mot kibino una risang, uni ka det tasman o naro ra i tulu ru iau urin.
22 “Ra gunuk kan nanpat ma kan wasiso torom det, ka din takun det una nundet a kum sakino petutna, ma det in langolango ut. Ikut uniri, katu wasiso anundet sur det in wasiso bat det nami gusun anundet a sakino petutna. 23  +Osi ra i nget iau, i ngeti utkai o Tita. 24 A sa pam tar a kum utna na ukisin ra kataio in pam lar pasi. Ra gunuk kan pam tar a kum utna na ukisin ra nisandet, ka din takun det una nundet a kum sakino petutna, ma det in langolango ut. Ma iri, det sa tama tar a kum utna na ukisin ra a sa pam tari, ikut det nget mir rop nam o Tita. 25  +Di pami lenri, sur din pam sot pas a wasiso ra di sa tumus tari una Buk na Warkurai lena, ‘Det nget iau, ma katu kibino.’ Sng 35:19
26  +“An tulu ru a Tene Warut torom mot tagisapat tan o Tita, i a Tokodos na Nion ra in upuaso a lingmulus. Ra in nanpat in wasiso puaso un iau. 27 Ma mot kai mot in wasiso puaso un iau, uni mot kis tomo nam iau turpasi una turturkibin ina nung a pinapam tuk uniri.
+ 15:2 Mt 3:10 + 15:6 Mt 7:19; 13:42 + 15:8 Mt 5:16 + 15:10 Jn 14:15; 1 Jon 2:5 + 15:12 Jn 13:34 + 15:13 Jn 10:11; 1 Jon 3:16 + 15:14 Mt 12:50 + 15:17 Jn 13:34 + 15:19 Jn 17:14 + 15:20 Jn 13:16 + 15:23 Lk 10:16 + 15:25 Sng 69:4 + 15:26 Jn 14:26