13
ཝང༌སྲུལ༌པའེ༌ ཝང༌ངི༌ ཡོག༌ག༌ དུག༌ཤིག༌།
13:1 ནེ༌ 7
1 ཁྱོ༌ཞའ༌ ཚང༌མ༌ ཝང༌སྲུལ༌པ༌གུན༌ནི༌ ཝང༌ངི༌ ཡོག༌ག༌ དུག༌གོས༌། དཀོན༌མཆོག༌གི༌ ལྡམ༌མ༌ ཛད༌ཁན༌བོ༌ མན༌པ༌, ཡང༌ ཝང༌ཞིག༌ མེད༌ཏེ༌ ཨིན༌ནོག༌། དག༌ས༌ ཝང༌སྲུལ༌ཨིན༌ ཡོད༌ཁན༌གུན༌ དཀོན༌མཆོག༌གི༌ ལྡམ༌མ༌ ཛད༌ཏེ༌ ཨིན༌ནོག༌།
2 ཏེ༌བོའེ༌ཕིའ༌ སུ༌ཞིག༌གི༌ ཝང༌སྲུལ༌པ༌གུན༌ནི༌ གྱབ༌གལ༌ ཅོའད༌ན༌, ཁོང༌གུན༌ནི༌ དཀོན༌མཆོག༌གི༌ ལྡམ༌མ༌ ཛད༌ཁན༌བོའེ༌ གྱབ༌གལ༌ ཅོས༌ཏེ༌ ཨིན༌ནོག༌, ཡང༌ ཏེ༌ཟུག༌ ཅོ༌ཁན༌གུན༌ལ༌ ཆད༌པ༌ ཕོག༌ཨིན༌།
3 ཝང༌སྲུལ༌ཁན༌གུན༌ནི༌ ཟང༌པོ༌ ཅོ༌ཁན༌གུན༌ནི༌ ནང༌ང༌ མན༌པ༌, ངན༌པ༌ ཅོ༌ཁན༌གུན༌ནི༌ ནང༌ང༌ ཇིགས༌ནང༌ ཁྱོང༌ང༌ནོག༌། ཁྱོ༌ཞའ༌ ཝང༌སྲུལ༌ཁན༌གུན༌ནི༌ ཀ༌ནེ༌ ཇིགས༌ནང༌ མེད༌པ༌ དུག༌ཉིན༌ རག༌ག༌? ཟང༌པོ༌ ཨིན༌ཁན༌བོ༌ ཅོ༌ཤིག༌, ཏེ༌ནེ༌ ཁོང༌གུན༌ནི༌ ཁྱོ༌ཞ༌གུན༌ལ༌ རྩི༌ཝ༌ ཅོ༌ཨིན༌།
4 ཁོང༌གུན༌ དཀོན༌མཆོག༌གི༌ ཞབ༌སྟོག༌པ༌ ཁྱོ༌ཞ༌གུན༌ལ༌ ཕན༌ཐོགས༌ ཅོ༌ཅེས༌ལ༌ ཀལ༌ལ༌ ཛད༌ཁན༌གུན༌ ཨིན༌ནོག༌། གལ༌ཏེས༌ ཁྱོ༌ཞ༌གུན༌ནི༌ ངན༌པ༌ ལས༌ ཅོའད༌ན༌ ཇིགས༌གོས༌, ཅིའ༌ཟེར༌ན༌ ཁོང༌གུན༌ལ༌ ཆད༌པ༌ ཏང༌ཅེས༌སི༌ ཝང༌ ཡོད༌ཏེ༌ ཨིན༌ནོག༌། ཁོང༌གུན༌ དཀོན༌མཆོག༌གི༌ ཞབ༌སྟོག༌པ༌, ངན༌པ༌ ཅོ༌ཁན༌གུན༌ལ༌ ཆད༌པ༌ ཏང༌ང༌ལ༌ ལམ༌ཅུག༌ཁན༌གུན༌ ཨིན༌ནོག༌།
5 ཏེ༌བོའེ༌ཕིའ༌ ཁྱོ༌ཞ༌གུན༌ནི༌ ཆད༌པ༌ནེ༌ ཐར༌ཅེས༌ ཅིག༌པོ༌ མན༌པ༌, རང༌ངི༌ སེམས༌སི༌ ནང༌ང༌ ནོངས༌ མེད༌ཅེས༌སི༌ ཕིའ༌ ཁོང༌གུན༌ནི༌ ཝང༌ངི༌ ཡོག༌ག༌ དུག༌གོས༌།
6 ཏེན༌ན༌ གྱུན༌ཚན༌བོའེ༌ ཕིའ༌ ཁྱོ༌ཞ༌གུན༌ནི༌ ཁྲལ༌གུན༌ ཤལ༌ལ༌ནོག༌, ཅིའ༌ཟེར༌ན༌ ཝང༌སྲུལ༌ཁན༌གུན༌ དཀོན༌མཆོག༌གི༌ ཞབ༌སྟོག༌པ༌ ཨིན༌ནོག༌, ཡང༌ ཏེ༌གུན༌ནི༌ ཏུས༌ གང༌པོ༌ མི༌གུན༌ནི༌ ཞབ༌སྟོག༌གི༌ ཕིའ༌ ཏང༌ང༌ནོག༌།
7 ཝང༌སྲུལ༌ཁན༌ ཚང༌མའ༌ ཏང༌གོ༌ཤེས༌སི༌ འོས༌པ༌ ཨིན༌ཁན༌བོ༌ ཏོང༌ཤིག༌, སྤེར༌ན༌ ཁྲལ༌ ཤལ༌གོས༌ ཡོད༌ན༌ ཤོལ༌ཤིག༌, ཞན༌ཡང༌ པེ༌ནེ༌ ཤལ༌གོ༌ཤེས༌གུན༌ ཡོད༌ན༌ ཤོལ༌ཤིག༌, རྩི༌ཝ༌ དང༌ ཀུས༌པ༌ ཏང༌གོ༌ཤེས༌ཅན༌གུན༌ལ༌ རྩི༌ཝ༌ དང༌ ཀུས༌པ༌ ཏོང༌ཤིག༌།
དཀོན༌མཆོག༌གི༌ སྒོས༌དོམ༌ ཚང༌མ༌ ཅེས༌པའེ༌ གྲུབ༌ ཅུག༌ག༌ནོག༌།
13:8 ནེ༌ 14
8 ཅིག༌ དང༌ ཅིག༌གི༌ པར༌ལ༌ ཅེས༌པ༌ ཅོ༌ཅེས༌པོ༌ མན༌པ༌, ཞན༌ཡང༌ བུ༌ལོན༌ཞིག༌ ལུས༌ མ༌གོས༌, ཅིའ༌ཟེར༌ན༌ ཞན༌མ༌གུན༌ལ༌ ཅེས༌པ༌ ཅོ༌ཁན༌ནི༌ མི༌བོའེ༌ ཁྲིམས༌གུན༌ དྲན༌དྲ༌ གྲུབ༌ཅུགས༌ཏེ༌ ཨིན༌ནོག༌།
9 བཀའ༌རྒྱ༌གུན༌ ནི༌: "རང༌ངི༌ ཞིད༌མད༌ མན༌པ༌ ཞན༌མ༌ ཉམ༌པོ༌ ལུས༌བྲེལ༌ མ༌ཅོ༌," "མི༌སད༌ མ༌གོས༌," "རྐུ༌ མ༌གོས༌," "ཞན༌མའ༌ ཡོད༌ཁན༌བོའེ༌ དོད༌པ༌ ཅོ༌ མ༌གོས༌," ཏེ༌གུན༌ དང༌ ཞན༌ཡང༌ བཀའ༌རྒྱ༌ ཚང༌མའ༌ འི༌ བཀའ༌རྒྱ༌ ཅིག༌པོའེ༌ ནང༌ང༌ དོར༌ལྡུས༌ཏེ༌ ཨིན༌ནོག༌, "རང༌ང༌ ཅམས༌པ༌ ཅོ༌ཁན༌ ཙོགས༌ ཁྱོ༌རང༌ངི༌ ཁྱིམ༌ཚེས༌པའང༌ ཅམས༌པ༌ ཅོས༌། "
10 ཅམས༌པའེ༌, ཞན༌མ༌ ནོད༌པ༌ སྐྱལ༌ལ༌ མ༌ནོག༌ སོང༌པ༌སང༌, ཅམས༌པའེ༌ དཀོན༌མཆོག༌གི༌ ཁྲིམས༌སི༌ སྒོས༌དོམ༌གུན༌ དྲན༌དྲ༌ གྲུབ༌ ཅུག༌ག༌ནོག༌།
11 ཏེ༌ཟུག༌ ཅོ༌ཅེས༌པོ༌ མང༌ང༌ ཁག༌ཅན༌ ཨིན༌ནོག༌། ཏུས༌པོ༌ བུད༌ཨིན༌ ཆའ༌ཁན༌ ཡང༌ ཁྱོ༌ཞའ༌ གོར༌ཏེ༌ ཨིན༌ཁན༌བོ༌ ཁྱོ༌ཞ༌གུན༌ལ༌ གྱུས༌ཨིན༌ནོག༌། ཉིད༌ནེ༌ ལོང༌ཤིག༌, ཅིའ༌ཟེར༌ན༌ གོ༌མ༌ ང༌ཏི༌ ཏད༌པ༌ ཅོ༌ཁན༌ནི༌ ཏུས༌པོའེ༌ སང༌, དག༌ས༌ ང༌དང༌གུན༌ ཐར༌པ༌བོའེ༌ མང༌ང༌ ཉེ༌མོའ༌ ལེབས༌ཏེ༌ ཨིན༌ནོག༌།
12 ཚན༌བོ༌ བུད༌ ཚར༌ཀྱིས༌ སོང༌ཏེ༌ ཐར༌པའེ༌ ཞག༌པོ༌ གྱོགས༌པ༌ ལེབ༌ཅེས༌ ཡོད༌ པ༌སང༌, ཁྱོ༌ཞ༌གུན༌ནི༌ མུན༌གྲིག༌གི༌ ལས༌གུན༌ ཕངས༌ཏེ༌ འོད༌དི༌ ལྡང༌ཤན༌ མག༌ཆའ༌གུན༌ གོན༌ཤིག༌།
13 ང༌དང༌གུན༌ ཉི༌མ༌ ལྡང༌ཤན༌ནི༌ ཨིན༌ཅེས༌པོའེ༌, ང༌དང༌གུན༌ནི༌ མི༌ཚེ༌ ལག༌མོ༌ཞིག༌ ཕུད༌ཤིག༌། སྤེར༌ན༌ གྲོན༌ཏང༌ཨིན༌ ར༌རོས༌ཤེས༌སི༌ ཟས༌གུན༌ ལེན༌ཏེ༌ ཀྲན༌བ༌ སྟོར༌ མི༌ཅུག༌ཅེས༌ དང༌ ཆང༌ མང༌པོ༌ ཐུངས༌ཏེ༌ ར༌ མི༌རོས༌ཤེས༌, ལུས༌བྲེལ༌ ངན༌པ༌ དང༌ འོས༌པའེ༌ ལུས༌བྲེལ༌ལི༌ ཚད༌ནེ༌ ཐལ༌ཏེ༌ མི༌ཅོ༌ཅེས༌, ཛིང༌མོ༌ མི༌ཏང༌ཅེས༌ དང༌ རྩིག༌ མི༌རྩིག༌ཅེས༌།
14 ཏེ༌བོའེ༌ ཚབས༌ལ༌, ཁྱོ༌ཞའ༌ རང༌དང༌རང༌ང༌ གཙོ༌བོ༌ ཡེ༌ཤུ༌ མ༌ཤི༌ཀའེ༌ སྕོད༌པ༌གུན༌ ཀོས༌ལག༌ ཙོགས༌ལ༌ གོན༌ཤིག༌, ཡང༌ སྡིག༌པའེ༌ དོད༌པ༌གུན༌ ཀ༌ཟུག༌གི༌ དྲན༌དྲའ༌ གྲུབ༌ཅུག༌ཅེས༌སི༌ སམ༌བ༌ ཁྱོ༌ཞའེ༌ ནང༌ང༌ ཡོང༌ མ༌ཅུག༌ཤིག༌།