7
เนฮะมี ดุฮ โม ป ตัตเตียง เยรูซาเลม
1 เญือม เอีจ ฟวยจ ยุฮ ฮุ ฆรุง เวียง เซ, อาึ ดุฮ รเวือะ ฆรุง เซ เตือง โอยจ อื. ดุฮ โรฮ ปุย ละ ซ แปน อื ป มอง โตะ รเวือะ, ไม่ โม ป เชีย, ไม่ โม เลวี ละ ซ เกือฮ ยุฮ กัน ตัม กัน ลัง ยุฮ อื.
2 อาึ ดุฮ โรฮ ปรเมะ ลอา ปุย แปน ป ตัตเตียง เยรูซาเลม, มัฮ ฮานานี ป มัฮ เอียกปุ อาึ, ไม่ ฮานันยา ป มัฮ ฮัวนา นึง ปอม ตฮัน เซ. ฮานันยา เซ มัฮ ปุย เนอึม รพาวม, ไม่ มัฮ อื ปุย นัปทื เนอึม พะจาว โฮฮ ฮา ปุย ไฮญ.
3 อาึ อัฮ ละ ปุย ลอา เซ ตอก เฮี, “ปุ เกือฮ รเวือะ ฆรุง เวียง เยรูซาเลม เซ โบฮ กา เฆียง โซะ กอยจ. เมือ กปู อื ไมจ โรฮ เปอะ ซอง รเวือะ เซ ไม่ ดุฮ เปอะ ควน ซแก อื กา เฆียง โอก เอีญ โม ป มอง ญัม เซ. ไมจ โรฮ เปอะ ดุฮ อาึง ปุย ไน เวียง เยรูซาเลม เกือฮ แปน ป มอง ญัม ไน เวียง เซ เลี่ป อื. เกือฮ อาวต นึง นาตี ลัง อาวต แตะ ง่อน, เกือฮ มอง ญัม นึง โบ เญือะ โกะ แตะ ไอฮ ง่อน,” อัฮ เซ ละ.
4 เวียง เยรูซาเลม เซ มัฮ เมือง ระ เมือง เวือฮ. ปุย อาวต นึง อื ปังเมอ รมัฮ. ป เอีจ โฮลฮ ยุฮ เญือะ ม่า แตะ นึง อื ปุ โรฮ ดิ โฮวน.
มอยฮ โม ป เอีญ เน่อึม แปน แตะ ครา
5 เญือม เซ พะจาว โบว รพาวม อาึ เกือฮ อาึ กอก ปุย โพรม. ป กอก เกอะ เซ มัฮ โม ฮัวนา ปุย, ไม่ โม จาว นาที, ไม่ โม ลัปซด่อน นึง อื, ละ ซ เกือฮ โฮลฮ โจต เซน แตะ ตัม จัตเจือ แตะ ไอฮ โครยญ โฆะ อื. เญือม เซ อาึ ยุ นังซื ควน โจต ปุย มอยฮ ปุย นึง, มัฮ มอยฮ โม ป เอีญ โฮน รกา นึง อื. นังซื เซ ไซฮ ปุย อาึง ตอก เฮี.
6 โม เฮี มัฮ โม ป เอีญ เน่อึม แปน แตะ ครา นึง เมือง บ่าบี่โลน, เอีญ ฮอยจ นึง เวียง เยรูซาเลม ไม่ เมือง ยูด่า. ลอต อาวต นึง ย่วง โกะ แตะ ไอฮ เตือง ไพ เตือง มัน. จัตเจือ อื เอีจ โฮลฮ แปน ครา นึง เมือง บ่าบี่โลน เซ, เน่อึม เญือม โฮมวต กซัต เนบู่คัตเนซา โรวก โฮ.
7 ป มัฮ ฮัวนา โม เซ มัฮ เซรูบ่าเบ่น, เยชูอา, เนฮะมี, อาซาริยา, ราอามิยา, นาฮะมานี, มอเด่ไค, บิ่นชัน, มิตเปเรต, บิ่กไว, เนฮุม, ไม่ บ่าอานา.
8-25 โม เฮี มัฮ มอยฮ โม อิซราเอน ป เอีญ เน่อึม แปน แตะ ครา ไม่ เมาะ ไก เซน อื ตัม ซฆลาวม อื เตือง ไพ เตือง มัน.
| ซฆลาวม ปาโรต นึง อื ไก | 2,172 ปุย |
| ซฆลาวม เชฟาทิยา ไก | 372 ปุย |
| ซฆลาวม อารา ไก | 652 ปุย |
| ซฆลาวม ปาฮัต-โมอัป ป มัฮ จัตเจือ เยชูวา ไม่ โยอัป ไก | 2,818 ปุย |
| ซฆลาวม เอลัม ไก | 1,254 ปุย |
| ซฆลาวม ซัตทู ไก | 845 ปุย |
| ซฆลาวม ซักไค ไก | 760 ปุย |
| ซฆลาวม บิ่นนุย ไก | 648 ปุย |
| ซฆลาวม เบ่ไบ่ ไก | 628 ปุย |
| ซฆลาวม อัตกัต ไก | 2,322 ปุย |
| ซฆลาวม อาโด่นีคัม | 667 ปุย |
| ซฆลาวม บิ่กไว ไก | 2,067 ปุย |
| ซฆลาวม อาดิ่น ไก | 655 ปุย |
| ซฆลาวม อาเทอ (มอยฮ อื ติ อื มัฮ เฮเซคียา) ไก | 98 ปุย |
| ซฆลาวม ฮาชุม ไก | 328 ปุย |
| ซฆลาวม เบ่ไซ ไก | 324 ปุย |
| ซฆลาวม ฮาริป ไก | 112 ปุย |
| ซฆลาวม กิเบ่โอน ไก | 95 ปุย |
26-38 โม จัตเจือ ปุย อาวต ย่วง โม เฮี เอีญ โรฮ ไม่ อื.
| ปุย ย่วง เบ่ตเลเฮม ไม่ เนโทฟา ไก | 188 ปุย |
| ปุย ย่วง อานาโทต ไก | 128 ปุย |
| ปุย ย่วง เบ่ตอัตมาเวต ไก | 42 ปุย |
| ปุย ย่วง คีริยัต-เยอาริม, เคฟีรา ไม่ เบ่เอโรต ไก | 743 ปุย |
| ปุย ย่วง รามา ไม่ เกบ่า ไก | 621 ปุย |
| ปุย ย่วง มิกมัต ไก | 122 ปุย |
| ปุย ย่วง เบ่ตเอน ไม่ ย่วง ไอ ไก | 123 ปุย |
| ปุย ย่วง เนโบ่ ตา ติ โดฮ อื ไก | 52 ปุย |
| ปุย ย่วง เอลัม ตา ติ โดฮ อื ไก | 1,254 ปุย |
| ปุย ย่วง ฮาริม ไก | 320 ปุย |
| ปุย ย่วง เยรีโค ไก | 345 ปุย |
| ปุย ย่วง โลต ไม่ ฮาดิ่ต ไม่ โอโน ไก | 721 ปุย |
| ปุย ย่วง เซนาอา ไก | 3,930 ปุย |
39-42 มอยฮ ปุย โม เฮี มัฮ มอยฮ ซฆลาวม โม ซตุ ป เอีญ เน่อึม แปน แตะ ครา เซ.
| ซฆลาวม เยด่ายา ป มัฮ จัตเจือ เยชูอา ไก | 973 ปุย |
| ซฆลาวม อิมเมอ นึง อื ไก | 1,052 ปุย |
| ซฆลาวม ปาตเฮอ นึง อื ไก | 1,247 ปุย |
| ซฆลาวม ฮาริม นึง อื ไก | 1,017 ปุย |
43-45 ป เอีญ เน่อึม แปน แตะ ครา เซ ป มัฮ โม เลวี นึง อื มัฮ ตอก เฮี,
| ซฆลาวม เยชูอา ไม่ คัตมีเอน ป มัฮ จัตเจือ โฮด่าวิยา ไก | 74 ปุย |
| โม นักโด่นตรี อาวต นึง วิฮัน เซ ป มัฮ จัตเจือ อาซัป ไก | 148 ปุย |
| ป มอง ญัม นึง วิฮัน เซ ป มัฮ จัตเจือ ชันลุม ไม่ อาเทอ, ไม่ ทันโมน, อักคุป, ฮาทิทา, ไม่ โชไบ่ ไก | 138 ปุย |
46-56 ป เอีญ เน่อึม แปน แตะ ครา เซ ป มัฮ ป รซอฮ นึง วิฮัน นึง อื มัฮ ซฆลาวม ปุย โม เฮี,
ซีฮะ, ฮาซูฟา, ทัปบ่าโอต,
เคโรต, ซีอา, พาโด่น,
เลบ่านา, ฮากาบ่า, ชันไม,
ฮานัน, กิตเด่น, กาฮา,
เรอายา, เรซีน, เนโคด่า,
กัตซัม, อุตซา, ปาเซอา,
เบ่ไซ, เมอูนิม, เนฟูซิม,
บั่กบุ่ก, ฮาคูฟา, ฮารฮุน,
บั่ตลิต, เมฮิด่า, ฮารชา,
บ่ารโคต, ซิเซรา, เทมา,
เนซิยา ไม่ ฮาทิฟา.
57-59 โม กวนไจ ซาโลมอน ป เอีญ เน่อึม แปน แตะ ครา เซ มัฮ ตอก เฮี, มัฮ ซฆลาวม โซไท, โซเฟเรต, เปรีด่า, ยาอาลา, ด่ารโคน, กิตเด่น, เชฟาทิยา, ฮัตทิน, โปเคเรต-ฮัตซาบ่าอิม, ไม่ ซฆลาวม อาโมน.
60 โม ป ลัง ยุฮ กัน นึง วิฮัน ไม่ โม กวนไจ กซัต ซาโลมอน เซ ไก 392 ปุย.
61-62 โนก ฮา เซ ไก แม ปุย 642 ปุย, มัฮ ปุย ไน ซฆลาวม เด่ลายา, โทบี่อา, ไม่ เนโคด่า. มัฮ ป ฮอยจ เน่อึม ย่วง เทนเมลา, เทนฮันชา, เครุป, อัตโด่น, ไม่ อิมเมอ, ปังเมอ โอ ปุย ยุง ที มัฮ อื โม อิซราเอน ไม่ โอ อื มัฮ.
63-64 ป มัฮ ซฆลาวม โม ซตุ ป โอ อื ไก มอยฮ นึง นังซื โจต ปุย อาึง มอยฮ ปุย นึง อื เซ มัฮ ซฆลาวม ปุย โม เฮี. มัฮ โฮบ่ายา, ฮักโคต, ไม่ บ่าซีไล. จัตเจือ ไพรม ซตุ บ่าซีไล เซ ติ ปุย เยอ, เอีจ ไอฮ กวน รโปวน ซฆลาวม บ่าซีไล ปุย กิเลอัต เซ แปน ปุย เญือะ แตะ, ลอต เอิน เมีญ จัตเจือ แตะ ตัม มอยฮ โปะ แตะ เซ. ปุย โม เซ โฮลฮ ปุย ตัต มอยฮ อื โอก ฮา โม ซตุ เซ, นึง โอ ปุย แจง แน นึง มัฮ อื จัตเจือ โม ซตุ. ลอต เอิน ปุย เมีญ มัฮ ปุย ทัมมด่า ฆาื อื.
65 เญือม เซ ป มัฮ จาวเมือง ยุฮ โม ยิว เซ อัฮ เฮี ละ อื, “ปุย โม เฮี เกียฮ โซม ปอน โตว โอเอีฮ ทไว ปุย ละ พะจาว, ไน ติ เจน กา เฆียง ไฮมญ โม ซตุ โอเอีฮ ละ อื นึง อุริม ไม่ ทุมิม เซ,” อัฮ เซ.
66-69 เซน ปุย ป เอีญ เน่อึม แปน แตะ ครา เซ เตือง โอยจ อื ไก 42,360 ปุย. มัฮ โม กวนไจ รเมะ กวนไจ รโปวน 7,337 ปุย. ป มัฮ โม นักโด่นตรี เตือง ปรเมะ ปรโปวน อื ไก 245 ปุย. บรอง ยุฮ อื ไก 736 ตัว. ลอ ยุฮ อื ไก 245 ตัว. อุต ยุฮ อื ไก 435 ตัว. บรัง ยุฮ อื ไก 6,720 ตัว.
70-72 ไก โฮวน ปุย ป ทไว ไคร มาื ละ เฌาะ ยุฮ ปุย วิฮัน เซ. ป มัฮ จาวเมือง เซ เรอึม อื นึง ไคร ติ เปือน เลียน ด่าริก ไม่ เชือม โบลง 50 ไบ่, ไม่ ลปิ โม ซตุ เซ 530 ปลัฮ.
ป มัฮ ฮัวนา ไน ซฆลาวม อาวต อื เซ ง่อน อื ทไว ไคร ยุฮ แตะ ละ อื 20,000 เลียน ด่าริก. มัฮ แม มาื นัมนัก พามัน เมาะ 1,500 กิโลกรัม.
โม ปุย ไฮญ นึง อื เกือฮ โรฮ ไคร 20,000 เลียน ด่าริก. มัฮ แม มาื นัมนัก พามัน เมาะ 1,300 กิโลกรัม. มัฮ แม ลปิ โม ซตุ 67 ปลัฮ.
73 เญือม เซ ป มัฮ โม ซตุ ไม่ โม เลวี, โม ป มอง ญัม, โม นัก โด่นตรี, โม ป ยุฮ กัน นึง วิฮัน เซ, ไม่ โม ลัปซด่อน เมาะ ป มัฮ โม อิซราเอน เตือง โอยจ อื, ลอต ยุฮ เญือะ อาวต คราว โซม แตะ นึง เมือง ยูด่า เซ, เตือง ย่วง ระ ย่วง แตวะ นึง อื.