25
देवापुढे मानव न्यायी ठरत नाही असे बिल्ददचे म्हणणे
1 नंतर बिल्दद शूहीने उत्तर दिले व तो म्हणाला,
2 “अधीकार चालवणे व भीती दाखवणे हे देवाकडेच आहे,
तो स्वर्गाच्या उच्च स्थानामध्ये शांती राखतो.
3 त्याच्या सैन्याची मोजणी करीता येईल काय?
कोणावर त्याचा प्रकाश पडत नाही?
4 मनुष्य देवापुढे नितीमान कसा ठरेल?
स्त्रीपासुन जन्मलेला निर्मळ कसा ठरेल, व त्यास स्विकारले जाईल.
5 पाहा, त्याच्या दृष्टीने चंद्र सुध्दा तेजोमय नाही.
त्याच्या दृष्टीला तारे देखील पवित्र वाटत नाहीत.
6 मग मनुष्य किती कमी आहे, एखाद्या अळीप्रमाणे आहे. तो जंतूप्रमाणे आहे.”