25
Is menge Musikiru
1 Mibpilì si David wey is menge peremandar te menge sundaru te menge etew he ebpuun te menge anak ni Asaf, Heman, wey ki Jedutun. Iyan impilìa kandan su wey zan meseysey is lalag te Megbevayà he eduyuǥan te menge alpa, lira, wey menge simbal. Iyan heini menge ngazan dan he impenurat wey is menge terebahu zan:
2 Is ebpuun te menge anak ni Asaf he menge maama: si Zacur, Jose, Netania, wey si Asarela. Midterebahu zan he zizalem te kedumala te amey zan he si Asaf. Idseysey ni Asaf is lalag te Megbevayà emun edsuǥù is hadì.
3 Is ebpuun te menge anak ni Jedutun he menge maama: si Gedalia, Zeri, Jeshaya, Shimei, Hashabia, wey si Matitia, heenem dan langun. Midterebahu zan he zizalem te kedumala te amey zan he si Jedutun. Edseysey sikandan te lalag te Megbevayà he eduyuǥan te alpa, he edumahan te kebpeselamat wey kedalig te Nengazen.
4 Is ebpuun te menge anak ni Heman he menge maama: si Bukia, Matania, Uziel, Shebuel, Jerimot, Hanania, Hanani, Eliata, Gidalti, Romanti Ezer, Joshbekasha, Maloti, Hotir, wey Mahaziot.
5 Iyan heini langun menge anak ni Heman he menenagnà te hadì. Mibeǥayan sikandin te Megbevayà te zengeg pinaaǥi te kebeǥayi kandin te 14 he menge anak he menge maama wey tetelu he menge vahi, sumalà is saad te Megbevayà diyà te kandin.
6 Heini sikandan he menge maama, ne dizalem sikandan te kedumala te amey zan te kedtukar te menge simbal, lira wey alpa te kebpenilbi zan dutun te valey te Megbevayà. Si Asaf, Jedutun, wey si Heman ne zizalem te kedumala te hadì.
7 Sikandan wey is menge kezuzumahi zan, he 288 langun, memetau utew sikandan he musikiru para te Nengazen.
8 Midripa zan para metueni te kada sevaha kandan is terebahu zin, menge vetan-en man etawa menge meǥurang en, menunudlù man etawa ke ebpenginenau pa.
9 Is nehuna he neripahan te pemilya ni Asaf ne iyan si Jose wey is menge anak din he menge maama wey menge kezuzumahi zin; 12 zan langun.
Ne is ikezuwa ne iyan si Gedalia wey is menge anak din wey menge kezuzumahi zin; 12 zan daan.
10 Is iketulu ne iyan si Zacur wey is menge anak din wey menge kezuzumahi zin; 12 zan daan.
11 Is ikeepat ne iyan si Izri wey is menge anak din wey menge kezuzumahi zin; 12 zan daan.
12 Is ikelima ne iyan si Netania wey is menge anak din wey menge kezuzumahi zin; 12 zan daan.
13 Is ikeenem ne iyan si Bukia wey is menge anak din wey menge kezuzumahi zin; 12 zan daan.
14 Is ikepitu ne iyan si Jesarela wey is menge anak din wey menge kezuzumahi zin; 12 zan daan.
15 Is ikewalu ne iyan si Jeshaya wey is menge anak din wey menge kezuzumahi zin; 12 zan daan.
16 Is ikesiyam ne iyan si Matania wey is menge anak din wey menge kezuzumahi zin; 12 zan daan.
17 Is ikesepulù ne iyan si Shimei wey is menge anak din wey menge kezuzumahi zin; 12 zan daan.
18 Is ike-11ne iyan si Azarel wey is menge anak din wey menge kezuzumahi zin; 12 zan daan.
19 Is ike-12 ne iyan si Hashabia wey is menge anak din wey menge kezuzumahi zin; 12 zan daan.
20 Is ike-13 ne iyan si Shebuel wey is menge anak din wey menge kezuzumahi zin; 12 zan daan.
21 Is ike-14 ne iyan si Matitia wey is menge anak din wey menge kezuzumahi zin; 12 zan daan.
22 Is ike-15 ne iyan si Jerimot wey is menge anak din wey menge kezuzumahi zin; 12 zan daan.
23 Is ike-16 ne iyan si Hanania wey is menge anak din wey menge kezuzumahi zin; 12 zan daan.
24 Is ike-17 ne iyan si Joshbekasha wey is menge anak din wey menge kezuzumahi zin; 12 zan daan.
25 Is ike-18 ne iyan si Hanani wey is menge anak din wey menge kezuzumahi zin; 12 zan daan.
26 Is ike-19 ne iyan si Maloti wey is menge anak din wey menge kezuzumahi zin; 12 zan daan.
27 Is ike-20 ne iyan si Eliata wey is menge anak din wey menge kezuzumahi zin; 12 zan daan.
28 Is ike-21 ne iyan si Hotir wey is menge anak din wey menge kezuzumahi zin; 12 zan daan.
29 Is ike-22 ne iyan si Gidalti wey is menge anak din wey menge kezuzumahi zin; 12 zan daan.
30 Is ike-23 ne iyan si Mahaziot wey is menge anak din wey menge kezuzumahi zin; 12 zan daan.
31 Is ike-24 ne iyan si Romanti Ezer wey is menge anak din wey menge kezuzumahi zin; 12 zan daan.