11
Axamang Salakkam Xap Matuauadi
1 Baing Toxoratamona harua na Moses ba, “Axamang salakkam taininau muli bagula ngaxap ma mana Pero xaung mana Isip. Kimuya bagula nai mana yungang ba ala sangua titia li. Bungina libu, bagula sukang masup mala.
2 Ubala lipuadi ba luphaingdi bing duxusunga Isipkadi duwa rubina manadi mana yayaunga silba(m)di xaung gol(am)di.”
3 (Toxoratamona libu Isreldi duwa xai Isipdi maxadingia. Xauna, dahatum ba lipua Moses lipu sabanga sibuna mana titia Isip, mana Pero yanamindi maxadinga xaung mana lipudi maxadinga.)
4 Binabu Moses harua ba, “Toxoratamona harua bila li: ‘Bila yambong lia bagula ngala mana Isip hataing longgalo.
5 (Lup) Matuau longgalo duwa Isip bagula dimati. Muga Pero lipua rung mana kabukabu xaitamoxiama ba (lup) matuauna, ila ila laing haing oxata olanggamdi dimunanggi witdi ba (lup) matuaudingdi, xaung morudi (lup) matuaudingdi xauna.
6 Xabanga sabanga bagula sok Isip hataing longgalo. Waleu ma hatata saing ila mari, xabanga tela dali te.
7 Ne liwe mana Isreldi bagula koma tela tuang monga mana lipu tela kimbo asaxa tela te.’ Baing ina naga, bagula axabia ba Toxoratamona hata kubolunoa libu mana Isip xaung Isrel.
8 Yanamim longgalo bagula diri ma rangua nga, digung kiding tuxundi mari maxagia, daharua ba, “Alauba! Ung gugabu lipu longgalo dinaxu maung!’ Kimuya mana alaba bagula ngala.” Sup, baing Moses atindi disala saing sok mala sangua Pero.
9 Baing Toxoratamona harua na Moses ba, “Pero bagula lunguang te, bu axamang haringing ngayuadi dixibuaxibua mana Isip.”
10 Moses Aron tang dilibu axamang haringinadi li Pero maxania, ne Toxoratamona libu Pero toxonoa haring, saing nai mana Isreldi disauya titinoa te.