2
Moses Hayauxinganoa
1 Bila bungina baguba, Bakbakka Libai lup tela xap Libai haing tela bila haininoa,
2 saing gamona saing hayau gara lup tela. Bagu ba gara xai sibuna, baing yameng sanga mana sobak tuwa.
3 Ne sanga ba yameng muli te, binabu xap daba tela disusu mana axamang tela bila rambuk, saing taga ginangindi xaung kolta xaung xai susuna. Baing gam garua mari mana saing ta maluxu’m rambukdi Langga Nail rubinia.
4 Ne hamunganoa li singia bu bagu baraxinta bagula sok mana.
5 Baing Pero nanuhanginoa ri mala (mana) langga bu sugu, saing haining oxatamdi dahaxa lang rubinia. Baing bagu dabua oti liwe mana rambukdi, binabu soxi haining oxatama (mala) ba xap ma.
6 Xaxa saing bagu gara kambagina ba, ina tang. Usi saing harua ba, “Si! Alali Hibru garang kambaging tela.”
7 Baing gara hamunganoa xusunga Pero nanuhanginoa ba, “Ubo ba ngala ngaxap Hibru haing tela ba sina su na gara kambaginoa maung?”
8 Haxuya ba, “Sangau, ula.” Binabu haing nanunoa ila xap gara kambaging bauna.
9 Pero nanuhanginoa harua na ba, “Oxop gara kambagina li mala saing (uwasa mana) usina su na manga, saing nga ba bagula ngagimgung.” Binabu hainga xap gara kambaginoa saing sina su na.
10 Bungina garua tubu monga, bauna xap mala rangua Pero nanuhanginoa saing sok garanoa. Uxu yanoa Moses, harua ba, “Ngaxai mahaing sangua langa.”
Moses Luki Mala Mana Midian
11 Moses tubu masup, baing xadap tela sok mala mana longga ing sibung bakbaging Hibrudi duwa mana, saing bagu dimakasa buk (baru). Bagu Isip tela tahataha Hibru tela, ing sibung bakbaging tela.
12 Bagu (mauli) mala ma, ne (bagu) lipu tela te, binabu taha Isipka ba mati saing yameng sangganoa ulangulangia.
13 Buragina, baing sok mala muli saing bagu Hibru luwa tang dahaung. Xusunga lipua mauxangang namua ba, “Baruta utaha riama Hibru li?”
14 Lipua haxuya ba, “Gaxarea mogung ba uwa etua mam bila yanamimam xaung lipuximam suxuyangam? Baruta? Bola ubo ba ung nga bila ung Isipka ba?” Baing Moses maxuwa saing hatum ba, “Si! Kubolugua ngalibu lipudi daxabia baing.”
15 Bungina Pero lungu naxuyanga ba, sai daxangua ba ung Moses, ne Moses giti mala sangua Pero saing ila ba wa titia Midian.
Moses sok Midian, baing rung mari lang bangguming tela rubinia.
16 Tauna, Midian lipu hananiangam tela wa, nanuhanging 7. Baing dima bu daxai langa mahaing ba xu asaxa minandi bu tibuding morundi dinung.
17 Ning lipu sipsip wasanganam teladi dima duxudi mala. Binabu Moses mesa hauli haing nanundi saing xu lang mana morudingdi.
18 Bungina haing nanunadi digoxoya mala rangua tibudinga Reuel, xusungadi ba, “Agoxoya ma sap hatata baru?”
19 Dahaxuya ba, “Isip tela hauliam bu lipu sipsip wasanganamdi sanga ba duxuam mala te. Xauna, xai langa mahaing mam saing sina na moruradi.”
20 Xusunga nanuhangindi ba, “Ne, wa bi? Baruta ayunga wa la ba? Ala axusunga ba ma xang rangua kira.”
21 Moses nai mana wa rangua lipua ba. Kimuya sina nanuhanginoa Sipora na Moses ba yau.
22 Sipora hayau gara lup tela, saing Moses uxu yanoa ba Gersom, namua na harua ba, “Ngasok lobu mana titia ngayua te.”
23 Niani teladi disup, baing Isip(di) xaitamoxidinga mati. Isreldi digudi mana salaga daxap oxatading olanggamia, saing daxaba. Daxaba doa sibuna mana haulingua namua na duwa lipu oxata olanggamdi, saing xabangadinga haing mala rangua Urana.
24 Urana lungudi digudi saing hatumia muli haruangua hau rangua Ebraham, Aisak xaung Yekop.
25 Binabu Urana bagu (mana) Isreldi saing usidi.