26
Urana Xahinoa
1 “Utongtongia xahigua mana imang xai sibung 10. Uyauyaudi xaung yau mutuxu monga, sikokop xaung sabuxana, xaung kerubim babundi lipu bisanganama raga manadi.
2 Imang longgalo bing sabangading taininau. Maxaxayading mita 12 xaung tubungading mita luwa.
3 Uraga imang luwadi luwadi hiliadinga disigi, saing ulibu taininau mana imang luwadi luwadi hiliadinga teladi.
4 Utongtongia rima raxuamdi mana imanga mutuxu monga mana imang siginga kimuam rubinoa. Bila balau utongtongia rima raxuamdi mana imang siginga kimuam tela rubinoa.
5 Utongtongia rima raxuam 50 mana imang siginga rubing tela xaung 50 mana tela bu duwa riading riading.
6 Baing utongtongia raxu gol 50 saing usigi imangdi bu xahia urungina.
7 “Utongtongia imang 11 mana meme buxana bu kaukau xahia.
8 Imang 11 bagudili bing sabangading taininau. Maxaxayading mita 13 xaung tubungading mita luwa.
9 Uraga imang luwadi luwadi hiliadinga disigi bu disok taininau, xaung imang 6 teladi bu disok taininau. Imanga 6 bing uluki liwe ma kaukauina xahi maxania.
10 Utongtongia rima raxuam 50 mana imang siginga kimuam rubinoa. Bila balau utongtongia rima raxuam 50 mana imang siginga kimuam tela rubinoa.
11 Baing utongtongia raxu bras 50 saing usigi imangdi bu xahia urungina.
12 Baing xahi imanging hataing maxaxayanganoa wa olang, imang hataina ba wauyu, bing ngelia mari xahi ubunia.
13 Imangindi bagula didali xahi ragunoa sentimita 50 hataing hataina. Hataina wauyu bagula ngelia mari mana xahi rubindi bu kaukaudi.
14 Utongtongia moki luwa muli bu dikaukau xahia. Tela bing sipsip monindi sanggadingdi usamidi sabuxana. Tela etua mana alaba bing asaxa sanggang xai sibundi (dimagoxidi).
15 “Utongtongia xahi barotindi mana xaiya akasa.
16 Ramang hataing taining tainina bing maxaxayanganoa mita luwadi luwadi xaung tubunganoa sentimita 66.
17 Taining tainina bing muxumuxung luwa wa hawa mana rubing rubinoa, bu urang ramangdi disigi riading riading. Utongtongia xahi ramang hataing taining tainina bila balau.
18 Utongtongia ramang tuandi mana xahia: ramang tuang 20 mana rubing bukang,
19 xaung utongtongia namu silba 40 dila hawa mana ramang tuandi, namu luwa hawa mana ramang tuang taining tainina sanga mana muxumuxung luwa, saing namu luwa hawa mana ramang tuang tela sanga mana muxumuxung luwa.
20 Bila balau utongtongia ramang tuang 20 mana hataing tela, rubing kanggua,
21 xaung namuxiding silba 40, namu luwa hawa mana ramang tuang tela, namu luwa hawa mana ramang tuang tela.
22 Utongtongia ramang tuang 6 mana ubunoa, rubing yuwaxa,
23 xaung utongtongia ramang tuang luwa mana yoyoandi ubunia.
24 Mana yoyoang luwadi li bing usigi hawa haing mala etua mana rimang raxuamdi. Dingtang duwa bila ba.
25 Binabu bagula ramang tuang 8 xaung namu silba 16 duwa, luwa hawa mana ramang tuang taining tainina.
26 “Xauna, utongtongia xai sigingamdi mana xaiya akasa: Luwadi luwadi hiliadinga mana xahi ramang tuandi duwa mana rubing tela,
27 luwadi luwadi hiliadinga mana rubing tela, xaung luwadi luwadi hiliadinga mana ramang tuandi duwa sangga yuwaxa, mana xahi ubunia.
28 Xai sigingam liama bing ila ramang subinganoa mala mana subinganoa lia mana ramang tuandi.
29 Uhip gol mana ramang tuandi xaung utongtongia rima raxuamdi bu usimbaxang xai sigingamdi maluxu manadi. Xauna, uhip gol mana xai sigingamdi.
30 “Urang xahia mali sanga mana babua ngahatanga naung bimbia.
31 “Utongtongia imang soxautingama mana imang xai sibuna uraga mana yau mugixingamdi: mutuxu monga, sikokop xaung sabuxana. Lipu ubung bisamanam tela bing raga xai sibuna keribumdi babudingdi mana.
32 Ungelia xaung gauyak goldi mana tuxa luwadi luwadi utongtongiadi mana xaiya akasa xaung uhipdi mana gol xaung urangdi mali mana namu silba luwadi luwadi.
33 Ungelia imang soxautingama mari mana raxudi xaung uta bokis hanaunaungama imang ubunia. Imanga bagula soxauti Urana Yabang Maringina mana Urana Yabang Maringing Sibuna.
34 Etua mana bokis hanaunaungama wa Urana Yabang Maringing Sibunia bing uta xuanoa, longga diruma siba mari mana bu Urana yunga lipudi kuboluding diandi.
35 Uta kabukabu salanga hananianganam imanga sabasabia mana xahi rubing kanggua, saing uta kabukabu nagunggama hataina, mana xahi rubing bukang.
36 “Mana xahi xuanoa bing utongtongia imanga mana imang xai sibuna uraga mana yau mugixingamdi: mutuxu monga, sikokop xaung sabuxana. Lipu ragangam bing raga.
37 Utongtongia gauyak goldi mana imang baguli xaung tuxa luwadi luwadi hiliadinga mana xaiya akasa uhipdi mana gol. Xauna, utongtongia namu bras luwadi luwadi hiliadinga manadi.