25
Hananiangadi Mana Urana Xahinoa
1 Toxoratamona harua na Moses ba,
2 “Ubala Isreldi ba daxap yahangadi ma nanga. Oxop yahangadi rangua lipu gaxarea gamodingdi dimesa ba disinadi nanga.
3 Oxop yahangadi na bila li ranguadi: gol, silba, xaung bras,
4 yau mutuxu monga, sikokop, xaung sabuxana, xaung imang xai sibundi, xaung imang meme buxanamdi,
5 sipsip moning sanggandi diburi saminga sabuxana manadi, xaung asaxa sanggang xai sibundi (dimagoxidi), xaiya akasa,
6 guxenga olip mana nagungdi, axamang saminamdi mana guxenga sabaxayanganamdi xaung mana bunuxuyang saminam,
7 xaung siang oniks xaung siang giminak sabanggam teladi mana atagadi mana lipu hananiangam imanging gamogamuam xaung imanging ringringinam.
8 “Ubala lipuadi ba ditongtongia xahigua manga, bu ngawa liwe manadi.
9 Atongtongia xahia li xaung xalingindi taxa mana babua bagula ngahatanga naung.
Bokis Hanaunaungama
10 “Ubaladi ba ditongtongia bokis mana xaiya akasa, maxaxayanganoa sentimita 110, tubunganoa sentimita 66, xaung haing sentimita 66.
11 Uhip gol sigixingang sibuna mana lunoa xaung sabasabanoa, saing utaga gol hataing maxaxaya taxiya mana rubinoa.
12 Utongtongia raxu gol luwadi luwadi mana saing utagadi mana king luwadi luwadi. Raxu luwa hataing tela, raxu luwa hataing tela.
13 Utongtongia xai luwa mana xaiya akasa saing ahip gol mana dingtang.
14 Usimbaxang xaiyadi ba maluxuʼm raxudi duwa bokisia rubinoa bu uhau.
15 Xaiyadi ba bing duwauyu bokisia raxunia. Labu uniadiu tai.
16 Sup, baing uta siang hanaunaungamdi bagula ngasinadi naung ba maluxu bokisia.
17 “Baing utongtongia bokisia xuanoa mana gol sigixingang sibuna, long kubolu diang sisianganama. Maxaxayanganoa sentimita 110 xaung tubunganoa sentimita 66.
18 Baing utaha subingang luwa xaung hama bu utongtongia kerubim babung luwa xuang hataing hataina.
19 Utongtongia kerubim tela hataina, kerubim tela hataina. Utongtongia xaung xuanoa mana gol hataing taininau.
20 Bagula kerubimdi banggitongidingdi diraria mala etua mana long kubolu diang sisianganama, ramramodingdi dibagu dingtang, dibagu mari mana xuanoa.
21 Uta siang hanaunaungamdi bagula ngasinadi naung maluxuʼm bokisia, saing usiti bokisia xuania.
22 La ba, etua mana xuanoa, liwe mana kerubim luwa tang duwa mana bokis hanaunaunga haungama ba, bagula ngagugunia ranguaung xaung ngasina tabinangagua longgalo naung mana Isreldi disu manadi.
Kabukabu Salanga Hananianganam
23 “Ubaladi ba ditongtongia kabukabu mana xaiya akasa, maxaxayanganoa sentimita 88, tubunganoa sentimita 66, xaung haing sentimita 66.
24 Uhip gol sigixingang sibuna mana saing utaga gol hataing maxaxaya taxiya mana rubinoa.
25 Xauna, utongtongia gol hataina maxaxayanganoa sentimita 8 taxiya etuama bila gamgaminga, saing utaga gol hataing maxaxaya tela mana hataina li.
26 Utongtongia raxu gol luwadi luwadi mana kabukabua saing utagadi mana yoyoang luwadi luwadi, longgadi kindi duwa mana ba.
27 Raxuadi utagadi haxek mana kabukabu etuama rubinoa bu dituxu xaiya haungamdi.
28 Utongtongia xaiya haungamgadi ba mana xaiya akasa, saing uhipdi mana gol.
29 Baing utongtongia minandi xaung xubandi mana gol sigixingang sibuna. Bila balau utongtongia nanggolang xaung minang hananianga matunganamdi.
30 Uta salanga umogu nanga mana kabukabua li bu wa maxagia bungingbunginalo.
Kabukabu Nagunggam
31 “Ubaladi ba ditongtongia kabukabu nagunggam mana gol sigixingang sibuna utaha xaung hama. Utongtongia kabukabu nagunggam urungina xaung yauyaungandi mana gol hataing taininau—namua, stem?, xubandi babudinga bila haidangadi, buds?, xaung petals?
32 Rimang 6 bing disok sangua rubindi—tuwa hataina, tuwa hataina.
33 Xuba tuwa babudingdi bila talia oxandi xaung buds? xaung blossoms? bing duwa mana rimang tela, tuwa mana tela, ila ila bila ba mana rimang 6 disok sangua kabukabu nagunggama.
34 Baing mana rimang liama bing utongtongia xuba luwa luwa babudingdi bila talia oxandi xaung buds? xaung blossoms?.
35 Bud? tela bing wa hawa mana rimang balinging taining tainina mana longga rimang 6 disok sangua stem?
36 Buds? xaung rimandi bing duwa hataing taininau mana kabukabua, saing utaha gol sigixingang sibuna xaung hama ba utongtongia.
37 “Baing utongtongia nagung 7 mana kabukabua, saing utadi bu disaxaxanga gananga wa maxania.
38 Nagung (waxung) gamanringindi xaung minandi bing utongtongiadi mana gol sigixingang sibuna.
39 Oxop kilo 35 gol sigixingang sibuna bu utongtongia kabukabu nagunggama xaung xalinginadi li mana ba.
40 Umaxania ba utongtongiadi taxa mana babua ngahatanga naung mana bimbia.