24
Urana Hau Haruangua Rangua Isreldi
1 Baing Toxoratamona harua na Moses ba, “Uhaing ma rangua Toxoratamona, saing oxop Aron, Nadap xaung Abihu, xaung Isreldi yanamiding 70 dima. Agung kim tuxundi asabu manga hasoya monga,
2 ne Moses ing ganina bing ma haxek mana Toxoratamona. Ning teladi labu dima haxekku tai. Xauna, labu hainglupdi dahaing ma ranguau tai.”
3 Moses ila baxanga Toxoratamona haruangang xaung hanaunaungang longgalo na lipuadi, baing digugunia suxungudingdi dahaxuya ba, “Axamang longgalo Toxoratamona haruadi ba bagula am galibudi.”
4 Saking Moses bung mari axamang longgalo Toxoratamona harua ba.
Mesa buraging buraraging sibuna saing tongtongia kabukabu hananiangam bimbi namuya, saing rang siang maxaxaya 12 mahaing dimogu Isrel bakbaging 12.
5 Saking soxi Isrel gananundi mala, saing dahanania hananianga taungamdi xaung dahanania kau moning tutubindi mana gamogamu taininam na Toxoratamona.
6 Moses xap sipka hataina saing matu maluxuʼm minadi, saing hataina rumia mana kabukabu hananiangama.
7 Saking xap Xailong Haruanga Haungam saing titi na lipuadi. Dahaxuya ba, “Axamang longgalo Toxoratamona haruadi ba bagula am galibudi. Bagula am gasu maringina manadi.”
8 Baing Moses xap siba, rumia mari mana lipuadi saing harua ba, “Bagu sipka li haringia haruangua Toxoratamona hau ranguang, sanga mana haruangadi bagudili harua manadi ba.”
9 Moses xaung Aron, Nadab xaung Abihu, xaung Isreldi yanamiding 70 dahaing mala
10 saing dibagu Urana mana Isreldi. Hawa mana kindi axamang tela bila daxanga ubunoa ditongtongia mana siang sapaya wa, sigixinga bila sabaluna bagu saxi mana.
11 Ning Urana iti rimanoa ba hanggalangia Isreldi yanamidinggadi li te. Digabu Urana, saing daxang dinung maxania!
12 Baing Toxoratamona harua na Moses ba, “Uhaing ma rangua nga (mana) bimbia li saing uwa mua to, saing bagula ngasina naung siang hataindi ngabung hanaunaungadi xaung tabinangadi mari manadi bu utubatubadi manadi.”
13 Baing Moses gabu lipuxing haulingam(a) Yosua dimesa mala, saing Moses haing mala mana Urana bimbianoa.
14 (Muga) harua na lipudi yanamidingdi ba, “Awa mua la li to laing tam gagoxoya ma muli ranguang. Bagu Aron Hur tang duwa ranguang, saing lipu gaxarea mauxangading sanga ba dila rangua dingtang.”
15 Baing Moses haing mala mana bimbia, baing mugaba kaukau,
16 saing Toxoratamona ralanoa rung mari mana bimbia. Laing xaidap 6 mugaba kaukau bimbia, saing mana xaidap 7 Toxoratamona wagi sangua mugaba (ma)na Moses.
17 Isreldi maxadingia, Toxoratamona ralanoa bagu bila yap sabangua tau bimbi uruxunia.
18 Baing Moses luxuʼm mugaba bungina haing mala bimbia. Baing wa (mua) bimbia laing xaidap 40 xaung yambong 40.