23
Hanaunaungadi Mana Kubolu Maringina Xaung Usinga
1 “Labu unaxuya haruanga languangam mauliu tai. Labu uhauli lipu mauxanganam tela mana ulangua haruangiau tai.
2 “Labu ugabu burangua ba alibu kubolu dianau tai. Xauna, bungina lipudi duwagiung ba uma ubaxanga haruangia, labu uhanggalangia suxuyangua mana usu mana buranga haruangading languangamau tai.
3 Baing nabu dita lipu haxugina haruangia, labu ulibu kubolu hasusu teguam nau tai.
4 “Nabu usok mana bixuama kaunoa kimbo donkinoa haxa mauli olang, bing uxai (goxoya) ma muli rangua.
5 Nabu ubagu lipua hauxang sibuna maung donkinoa xung(gati) mari namua na xoxi xalaxala mauxana buk, bing labu uyunga bila bau tai. Tegu. Bing uhauli.
6 “Bunging haruanga suxuyanganam, labu usoxauti suxuyanga maringina(ma) na lipu haxugindiu tai.
7
8 “Labu oxop sianga hisangia bu xaiung ba usuxuya doa haruangiau tai, namua na sianga na bila ba libu axamang galanga ba laba, saing hanggalangia lipu maringinamdi suxuyangadingdi.
9 “Labu ulibu mauxana na lipu titi telam telau tai. Ang ba axabia masup lipu titi telamdi walingadingdi, namua na awa lipu titi telamdi mana titia Isip.
Xaidap Yaguangam Hanaunaungandi
10 “Laing niani 6 bagula uxuma umangia saing uxauya anginganoa.
11 Ne mana niani 7 bing uyunga titia yagua saing wa olang, bu lipu haxugindi duwa liwe mana lipuximdi sanga ba daxap anginga mana, saing asaxa abungindi sanga ba daxang baraxinta (du)wauyu. Ulibu taininau mana wainim umanganoa xaung xaim olibindi.
12 “Laing xaidap 6 bagula utuxu oxatama, ne mana xaidap 7 bing usup mana bu kauma xaung donkima sanga ba diyagua, xaung lipuxim oxata olanggamdi xaung lipu titi telamdi sanga ba daxap haringinga xauna.
13 “Amaxania ba alibu haruangagu longgalo. Labu awagi mana urana teladi yadingdi te. Labu yadingdi duwa mana suxunguimdi mongau tai.
Taunga Tuwa Disok Niani Taining Tainina
14 “Bunging tuwa (mana) niani taining tainina bing utuxu taungua ba uiti yagua.
15 “Utuxu Taunga Mana Salanga Salalangang Teguama. Oxong salanga salalangang teguama sanga mana xaidap 7 bila ngatabinaung ba. Ulibu mana bungina ngamogu ba mana sobaga Abip, namua na mana sobaga ba asok ma sangua Isip.
“Labu lipu tela ma rangua nga xola mana hananianganoau tai.
16 “Utuxu Taunga Xauyangama, bungina oxop anginga mugamugangama uxauya ba manga.
“Utuxu Taunga Xauyanga Kimuama mana bunging xauyanga subinganoa, bungina uxauya anginga masup umangia.
17 “Bunging tuwa li bing lubim longgalo dili Toxoratamona Urana maxania.
18 “Bungina uhanania asaxa tela nanga, labu usina sibina xaung anginga tela utongtongia xaung yis nangau tai.
“Mana taungadi li, labu uyunga orana uhananiadi ba wa laing buraraginau tai.
19 “Anginga xai sibundi oxop bungina uxauya mugamugangamdi bing oxop ma Toxoratamona Urana ungia numania.
“Labu ubori meme tutubina maluxuʼm baung suinau tai.
Urana Uleginama Bagula Xauxau Daxangua
20 “Bagu ngasoxi ulegiguma muga maung bu wasa maung (mala) daxangia, xaung bu xapkung ma mana longga ngaxauxau ba.
21 Ulungu haruanganoa xai saing usu mana. Labu duduma manau tai. Bagula yunga kubolum dudunamau tai, namua na yagua wa rangua.
22 Nabu ulungu haraunganoa xai saing ulibu axamang longgalo ngaharua ba, bing bagula ngawa bixua mana bixuamdi saing bagula ngaxukxugia adi duxukxugiaung.
23 Ulegiguma bagula (ila) muga maung saing xapkung maluxuʼm titia mana Amordi, Hitdi, Peresdi, Kenandi, Hibdi xaung Yebusdi, saing bagula ngasisiadi masup.
24 Labu ugung kim tuxundi urana dingiadi maxadingia kimbo usabu manadi kimbo usu mana kuboludingdi. Bing uxunggatidi saing uhamunanggia saha siangiding sabungamdi.
25 Asabu mana Toxoratamona Urana angia, saing guxaminganoa bagula wa mana angiaima xaung langima. Bagula ngaunia busingadi sanguang (bu daxapkang te).
26 Bagula haing tela hayau doa kimbo wa xuhi titimia te. Bagula ngasina walinga maxaxaya naung.
27 “Long baruamta ula mana, bagula ngalibu maxuwanga sabanga xap long moxondi to, saing bakbak baruamta usok mana duxukxugiaung ba bagula ngalibudi dahasuxi, saing bagula ngalibu bixuam longgalo duxugia ubudingia diluki mala.
28 Bagula ngasoxi gamgomsaxangindi dimuga maung bu disuka Hibdi, Kenandi xaung Hitdi mala sanguaung.
29 Ne bagula ngasukadi mala sangua titia mana niani tainiau te, nam titia sok olang saing asaxa abungindi disok xumang sibuna maung.
30 Monga monga bagula ngasukadi mala sanguang, laing titingaima (sok) sanga mana axap titia ba.
31 “Bagula ngamogu titima ragundi mana Tek Sabuxana mala mana Tek Medeterenian, saing mana long xolianoa mala mana Langga Yupretis. Bagula ngasina lipuadi duwa mana titia ba mala rimaimia, saing bagula asukadi mala sanguang.
32 Labu uhau haruangua ranguadi kimbo urana dingiadiu tai.
33 Labu ayungadi ba dirung mana titimau tai. Nam daxaiang ba alibu kubolu diana manga. Namua na nabu asabu mana urana dingiadi, bagula wa bitinga tuxuang baing.”