38
Kabukabu Hananianga Taunga(na)m
1 Tongtongia kabukabu hananianga taunganama mana xaya akasa. Maxaxayanganoa mita luwa (xaung) sentimita 20. Rubing tubungandi mita taininau (xaung) sentimita 30 rubing taining tainina.
2 Tongtongia salam tela mana yoyoang taining tainina, bu salamindi xaung kabukabu xai taininau. Saking hip bras mana kabukabua.
3 Tongtongia xalingindi mana bras: xalaxala bila boring hayata uniangamdi, sabolindi, minang rumiangamdi, saxanging mututungamdi xaung minang yap xabinganamdi.
4 Tongtongia grate? bras tela mana kabukabu hananiangama, saing ta hawa mana xuanoa, kabukabu lunia, lia mana maxaxayanganoa.
5 Tongtongia raxudi mana grate? bras yoyoanam luwadi luwadi, saing sigidi bu dituxu xai haungamdi.
6 Tongtongia xai haungamgadi ba mana xaiya akasa xaung hipdi mana bras.
7 Simbaxang xai haungamdi maluxuʼm raxudi bu duwa kabukabu hananiangam hataing hataina bu dahau. Tongtongia hollow? mana plangdi?
Mina Damiangam
8 Tongtongia minoa (mana bras) xaung kabukabunoa mana bras. Xap bras mana babudi mana hainggadi dituxu Toxoratamona oxatanoa xahi guguniangama xuania.
Urana Xahing Rubinoa
9 Baing tongtongia gamgaminga taxiya xahi yabanoa. Rubing bukang mita 44. Ngelia imang xai sibundi etua mana.
10 Rubing tuxandi 20 xaung namuxiding brasidi 20, ne tuxadi gauyagidingdi xaung raxudingdi (duwa) silba.
11 Rubing kanggua xauna mita 44 xaung tuxandi 20 xaung namuxiding brasidi 20, ne tuxadi gauyagidingdi xaung raxudingdi (duwa) silba.
12 Rubing yuwaxa mita 22 xaung ing imangindi xaung tuxang 10 xaung namuxiding 10, xaung ding gauyagiding xaung raxuding silba.
13 Rubing karaga, longga xaidaba haing, mita 22 xauna.
14 Imangdi maxaxayadinga mita 6 (xaung) sentimita 60 duwa xuang hataing tela, xaung tuxang tuwa xaung namuxiding tuwa.
15 Bila balau, imangdi maxaxayadinga mita 6 (xaung) sentimita 60 duwa hataing tela, xaung tuxang tuwa xaung namuxiding tuwa.
16 Imang longgalo dingelia taxiya xahi yabanoa imang xai sibundi.
17 Tuxa namuxidingdi bras. Ne tuxadi gauyagidingdi xaung raxudingdi (duwa) silba. Toxondi hip silba manadi, xaung tuxa longgalo duwa taxiya xahi yabanoa raxudingdi (duwa) silba.
18 Yabang gamgamingang xuanoa imanginoa ditongtongia mana imang xai sibuna lipu ragangama raga yau mutuxu monga, sikokop xaung sabuana mana. Maxaxayanganoa mita 9. Haing mita luwa, bila xahi yabang imanging teladi.
19 Tuxang luwadi luwadi xaung namuxiding luwadi luwadi. Gauyagidingdi xaung raxudingdi duwa mana tuxadi (duwa) silba, xaung toxondi hip silba manadi.
20 Xahi bundiging longgalo xaung xahi yabang bundiging longgalo bras.
Xalaxaladi Dituxu Oxatua Manadi Bu Ditongtongia Xahia
21 Axadi li diguguniadi mana oxatua dituxu mana xahi, xahia haruanga haungam wa maluxu mana ba. Libaidi dibungdi mari bila Moses tabina ba. Aron garanoa Itamar wa lipu haringing mugamugangama mana oxata ba.
22 Besalel tongtongia axamanadi Toxoratamona tabina Moses manadi ba. Uri garang luba xaung Hur garang ranggina. Bakbaginoa Yuda baing.
23 Lipua wa rangua bing Ahisamak garanoa Oholiap. Bakbaginoa Dan. Lipu siang buningama xaung lipua hatuminganoa xap babudi masok, xaung lipu ragangam mana imang xai sibundi raga yau mutuxu monga, sikokop xaung sabuxana manadi.
24 Lipuadi daxap yahangading goldi dima, mauxangadinga kilo 1,000, bila su mana siang maringina lipu hananiangamdi dimogu. Golia ba dituxu oxatua mana xahia mana.
25 Siang silbadi daxapdi rangua lipuadi dititidi titingia, mauxangadinga kilo 3,430, bila su mana siang maringina lipu hananiangamdi dimogu.
26 Daxap siang silbadi disu mana siang maringina lipu hananiangamdi dimogu, daxap tela mana lipu taining tainina dititidi, nainidingdi 20 saing haing, titingadinga sok lup 603,550.
27 Namu 100 mana xahi ramang tuxandi xaung tuxadi disoxauti xahi lung sibunoa, tongtongiangadinga xap silba kilo 3,400 manadi, bila kilo 34 mana namu taining tainina.
28 Silba kilo 30 duwauyu ditongtongia tuxa gauyagidingdi xaung raxudingdi xaung dihip tuxa toxondi manadi.
29 Brasidi disinadi yahangia ba disok kilo 2,425.
30 Daxap ditongtongia tuxa namuxidingdi mana xahi guguniangam xuanoa, kabukabu hananiangam bras xaung grate? xaung xalingindi,
31 tuxadi namuxidingdi duwa taxiya yabanoa xaung xuanoa xaung xahi bundigindi xaung bundikdi mana tuxadi duwa taxiya yabanoa.