37
Bokis Hanaunaungama
1 Besalel tongtongia bokisia mana xaiya akasa, maxaxayanganoa sentimita 110, tubunganoa sentimita 66, xaung haing sentimita 66.
2 Hip gol sigixingang sibuna mana lunoa xaung sabasabanoa, saing taga gol hataing maxaxaya taxiya mana rubinoa.
3 Tongtongia raxu gol luwadi luwadi mana saing tagadi mana king luwadi luwadi. Raxu luwa hataing tela, raxu luwa hataing tela.
4 Tongtongia xai luwa mana xaiya akasa saing hip gol mana dingtang.
5 Simbaxang xaiyadi ba maluxuʼm raxudi duwa bokisia rubinoa bu dahau.
6 Baing tongtongia bokisia xuanoa mana gol sigixingang sibuna, long kubolu diang sisianganama. Maxaxayanganoa sentimita 110 xaung tubunganoa sentimita 66.
7 Baing taha subingang luwa xaung hama bu tongtongia kerubim babung luwa xuang hataing hataina.
8 Tongtongia kerubim tela hataina, kerubim tela hataina. Tongtongia xaung xuanoa mana gol hataing taininau.
9 Kerubimdi banggitongidingdi diraria mala etua mana long kubolu diang sisianganama, ramramodingdi dibagu dingtang, dibagu mari mana xuanoa.
Kabukabu Salanga Hananianganam
10 Tongtongia kabukabua mana xaiya akasa, maxaxayanganoa sentimita 88, tubunganoa sentimita 66, xaung haing sentimita 66.
11 Hip gol sigixingang sibuna mana saing taga gol hataing maxaxaya taxiya mana rubinoa.
12 Xauna, tongtongia gol hataina maxaxayanganoa sentimita 8 taxiya etuama bila gamgaminga, saing taga gol hataing maxaxaya tela mana hataina li.
13 Tongtongia raxu gol luwadi luwadi mana kabukabua saing tagadi mana yoyoang luwadi luwadi, longgadi kindi duwa mana ba.
14 Raxuadi tagadi haxek mana kabukabu etuama rubinoa bu dituxu xaiya haungamdi.
15 Tongtongia xaiya haungamgadi ba mana xaiya akasa, saing hipdi mana gol.
16 Baing tongtongia kabukabu xalingindi mana gol sigixingang sibuna. Xalingindi bing minandi xaung xubandi xaung nanggolandi xaung minandi mana hananianga matunganamdi.
Kabukabu Nagunggam
17 Tongtongia kabukabu nagunggama mana gol sigixingang sibuna taha xaung hama. Tongtongia kabukabu nagunggam urunginoa xaung yauyaungandi mana gol hataing taininau—namua, stem?, xubandi babudinga bila haidangadi, buds?, xaung petals?
18 Rimang 6 disok sangua rubindi—tuwa hataina, tuwa hataina.
19 Xuba tuwa babudingdi bila talia oxandi xaung buds? xaung blossoms? duwa mana rimang tela, tuwa mana tela, ila ila bila ba mana rimang 6 disok sangua kabukabu nagunggama.
20 Baing mana rimang liama tongtongia xuba luwa luwa babudingdi bila talia oxandi xaung buds? xaung blossoms?.
21 Bud? tela wa hawa mana rimang balinging taining tainina mana longga rimang 6 disok sangua stem?
22 Buds? xaung rimandi duwa hataing taininau mana kabukabua, saing taha gol sigixingang sibuna xaung hama ba tongtongia.
23 Baing tongtongia ing nagung 7, nagung (waxung) gamanringindi xaung minandi mana gol sigixingang sibuna.
24 Tongtongia kabukabu nagunggama xaung xalingindi mana kilo 35 gol sigixingang sibuna.
Kabukabu Bunuxuyang Saminam
25 Xap xaiya akasa saing tongtongia kabukabu hananiangama ditau bunuxuyang saminama (mana). Rubing longgalo maxaxayading taininau—sentimita 45. Maxaxayanganoa sentimita 90. Salamindi duwa yoyoandi xai taininau rangua.
26 Hip gol sigixingang sibuna mana, etuama xaung rubing longgalo xaung salamindi, saing taga gol hataing maxaxaya taxiya mana rubinoa.
27 Tongtongia raxu gol luwa mana kabukabua hawa mana gol hataing maxaxaya. Luwa hataina, luwa hataina. Dituxu xaiya haungamdi dahau kabukabua mana ba.
28 Tongtongia xaiyadi ba mana xaiya akasa saing hip gol manadi.
29 Xauna, tongtongia guxenga Toxoratamona mogunganama, xaung bunuxuyang saminam sigixingang sibuna lipu saminga xaningxaninganama xaningxaning ba.