133
Godɨn adarazi uari ko ikia, navir vamɨran itir arazim a bar dera
Devit ighiar kam osiri.
Godɨn Dɨpenimɨn ghuavanaga an ziam fer ighiam.
+Ia oragh, kamaghɨn bar dera,
e Godɨn adarazi bar navir vamɨran ikɨva,
uari ko dapiagh aveghbuabar mɨn ikiam.
Arazir kam mati olivɨn tememɨn borer aghuim,
me a isa Aronɨn dapanim ginge.
Ezɨ an emɨra uaghira an ghuamasɨzimɨn uaghira,
egha uaghira an evarimɨn itir korotiamɨn tu.
Arazir kam uaghan mati, ghuariar dɨpam Hermonɨn Mɨghsɨamɨn ira,
izaghira Saionɨn Nguibam gisɨn itir mɨghsɨabagh iri.
Danganir kamɨn, Ikiavɨra Itir God, gumazamizir navir vamɨran itiba bar deragha me gami.
A ikɨrɨmɨrir zurazurara itim me ganɨdi me ikɨ mamaghɨra ikiam.
+ 133:1 Jenesis 13:8