123
परमप्रभुया दयाया निंतिं प्रार्थना
यरूशलेमय् थाहां वनेत हाःगु म्ये
1 हे स्वर्गया सिंहासनय्
च्वनादीम्ह परमप्रभु,
जिं छिपाखे थःगु मिखा ब्वये।
2 गथे दासं थः मालिकपाखे
मिखा ब्वइ,
अले दासीं थः मालिकनीपाखे
मिखा ब्वइ,
अथे हे छिं जिमित दया माया
यानामदीतले
जिमिसं छि परमप्रभु जिमि परमेश्वरपाखे
मिखा ब्वयाच्वने।
3 जिमित दया यानादिसँ,
हे परमप्रभु,
जिमित दया यानादिसँ।
जिपिं तसकं हे क्वह्यंकाः
च्वनेमाःगु दु।
4 तःमिपिनिगु पाखें जिमिसं
हेबाय्चबाय् याकाच्वने
माःगु दु।
अले तःधंछुया जुइपिनिपाखें
हिस्याका च्वनेमाःगु दु।