128
परमप्रभुया आज्ञा न्यनिपिन्त सुवाः
यरूशलेमय् थहां वनेत हाःगु म्ये
1 धन्य खः परमप्रभुया
भय काइपिं
व वय्कःया लँपुइ जुइपिं
फुक्क मनूत।
2 छं थःगु कमाइ नइबलय्
छ लय्ताइ
अले छन्त भिं जुइ।
3 छंगु छेँय् छिमि कलाः
यक्व फल दुगु दाखमा थें,
अले छिमि काय् म्ह्याय्पिं
छंगु टेबिलया छचाःखेरं
जैतूनया चुलित थें जुइ।
4 स्व, परमप्रभुया
भय काइम्ह मनूयात
थथे हे सुवाः दइ।
5 परमप्रभुं छ म्वानाच्वँतले
सियोनं छन्त सुवाः बियादीमा।
छं यरूशलेम च्वन्ह्याःगु
खनेमा।
6 छं थः छय्-छुइपिन्त नं खनेमा।
इस्राएलय् शान्ति जुइमा!