136
परमप्रभुया
सदां दयाच्वनिगु दया माया
1 परमप्रभुयात सुभाय् ब्यु,
छाय्धाःसा वय्कः
भिंम्ह खः,
वय्कःया दया माया सदां दयाच्वनी।
2 द्यःतय् परमेश्वरयात सुभाय् ब्यु,
वय्कःया दया माया सदां दयाच्वनी।
3 प्रभुतय् परमप्रभुयात सुभाय् ब्यु,
वय्कःया दया माया सदां दयाच्वनी।
4 वय्कलं जक
अजूचायापुगु ज्या यानादी,
वय्कःया दया माया सदां दयाच्वनी।
5 वय्कलं थःगु बुद्धिं
आकाश दय्कादिल,
वय्कःया दया माया सदां दयाच्वनी।
6 वय्कलं लःया च्वय्
पृथ्वी चकंकादिल,
वय्कःया दया माया सदां दयाच्वनी।
7 वय्कलं ततःधंगु जः
दय्कादिल,
वय्कःया दया माया सदां दयाच्वनी।
8 न्हिनय् शासन यायेत
वय्कलं सूर्य दय्कादिल,
वय्कःया दया माया सदां दयाच्वनी।
9 चान्हय् शासन यायेत
वय्कलं तिमिला
व नगुत दय्कादिल,
वय्कःया दया माया सदां दयाच्वनी।
10 वय्कलं मिश्रीतय्
न्हापा बूपिन्त स्यानादिल,
वय्कःया दया माया सदां दयाच्वनी।
11 वय्कलं इमिगु दथुं
इस्राएलयात पित हयादिल,
वय्कःया दया माया सदां दयाच्वनी।
12 वय्कलं बल्लाःगु ल्हातं
व चकंगु लपुं
इमित पित हयादिल,
वय्कःया दया माया सदां दयाच्वनी।
13 वय्कलं लाल समुद्रयात
ब्वथलादिल,
वय्कःया दया माया सदां दयाच्वनी।
14 अले इस्राएलयात लाल
समुद्रया दथुं पारि हयादिल,
वय्कःया दया माया सदां दयाच्वनी।
15 फारो व वया सेनायात धाःसा
लाल समुद्रय् वांछ्वयादिल,
वय्कःया दया माया सदां दयाच्वनी।
16 वय्कलं थः मनूतय्त
मरुभूमिइ लँ क्यनादिल,
वय्कःया दया माया सदां दयाच्वनी।
17 वय्कलं ततःधंपिं
जुजुपिन्त स्यानादिल,
वय्कःया दया माया सदां दयाच्वनी।
18 वय्कलं नां बल्लाःपिं
जुजुपिन्त स्यानादिल,
वय्कःया दया माया सदां दयाच्वनी।
19 एमोरीतय् जुजु
सीहोनयात स्यनादिल,
वय्कःया दया माया सदां दयाच्वनी।
20 बाशानयाम्ह जुजु
ओगयात स्यानादिल,
वय्कःया दया माया सदां दयाच्वनी।
21 इमिगु देश वय्कलं
थः प्रजायात सर्बय् कथं
बियादिल,
वय्कःया दया माया सदां दयाच्वनी।
22 वय्कलं थः दास इस्राएलयात
वयागु सर्बय् बियादिल,
वय्कःया दया माया सदां दयाच्वनी।
23 झीपिं लडाइँलय् बूबलय्
वय्कलं झीत लुमंकादिल,
वय्कःया दया माया सदां दयाच्वनी।
24 वय्कलं झीत झी शत्रुतय्गु
ल्हातं त्वःतकादिल,
वय्कःया दया माया सदां दयाच्वनी।
25 वय्कलं फुक्क प्राणीतय्त
नयेगु नसा बियादी,
वय्कःया दया माया सदां दयाच्वनी।
26 स्वर्गयाम्ह परमेश्वरयात
सुभाय् ब्यु,
वय्कःया दया माया सदां दयाच्वनी।