4
ग्वाहालिया निंतिं
सन्ध्याकाः ईया प्रार्थना
दाऊदया भजन, लय् तइम्हसिया लागि
तार बाजा
1 जिं सःतेबलय्
जितः लिसः बियादिसँ।
जितः दोषं मुक्त यानादीम्ह,
हे जिमि परमेश्वर,
जितः जिगु दुःखं पार
यानाबियादिसँ।
जितः दया यानादिसँ,
अले जिगु प्रार्थना न्यनादिसँ।
2 हे मनूत!
गुबलय् तक छिमिसं जिगु महिमायात
मछालापुसे च्वंकाच्वनेगु?
गुबलय् तक छिमिसं म्वाःमदुगु
दोष बियाः जुयाच्वनेगु?
गुबलय् तक छिपिं मखुगु खँया
ल्यूल्यू जुयाच्वनेगु?
सेला
3 परमेश्वरं धर्मीतय्त थःगु हे निंतिं
ल्ययातःगु खः धकाः
छिमिसं थुइकि।
जिं सःतेबलय् परमेश्वरं जितः
लिसः बियादी!
4 तमय् पाप याये मते,
लासाय् ग्वारातुलेबलय्
नुगलय् वालास्व!
सेला
5 पाय्छिगु बलि छा।
अले परमेश्वरयाके भलसा ति।
6 यक्वसिनं न्यनाच्वंगु दु –
“झीत सुनां भिंगु लँ क्यनाबी?”
हे परमप्रभु! छिगु ख्वाःया जः
जिमिके थीकादिसँ।
7 इमिगु अन्न व दाखमद्य
यक्व दइबलय्या लसता स्वयाः
छिं जिगु नुगलय्
अज्ज यक्व लसता तयादीगु दु।
8 जि याउँक ग्वारातुले, अले द्यने।
छाय्धाःसा छि हे छम्ह जक दु,
हे परमप्रभु,
जितः रक्षा यानादीम्ह।