93
परमेश्वर जुजु
1 परमप्रभु जुजु खः।
वय्कलं बल
व गौरवया वसः
फिनादीगु दु।
पृथ्वीयागु जग बल्लाः
व गुबलें लिगिलिगि सनी मखु।
2 हे परमप्रभु,
छिगु सिंहासन न्हापांनिसें दु।
छि थः हे नं न्हापांनिसें दी।
3 समुद्रय् लबु दनावःगु दु,
समुद्रया लबुया सः
तस्सः जूगु दु,
समुद्रय् ग्यानापुक्क किसिद्वम्बः
थहां वःगु दु।
4 समुद्रया सः स्वयाः
अले समुद्रया लबु स्वयाः नं,
दकलय् च्वय् च्वनादीम्ह
परमप्रभु शक्ति दुम्ह खः।
5 हे परमप्रभु,
छिगु नियम न्ह्याबलें दयाच्वनी,
छिगु देगः सदांया निंतिं
पवित्र जू।