8
बेन्यामीनया वंशावली
1 बेन्यामीनया न्हापां बूम्ह काय् बेला, माइलाम्ह काय् अश्बेल, साइँलाम्ह काय् अहरह,
2 काहिँलाम्ह काय् नोहा व चिधिकःम्ह काय् रफा खः।
3 बेलाया काय्पिं – अद्दार, गेरा, अबीहूद,
4 अबीशू, नामान, अहोह,
5 गेरा, शपूपान व हुराम खः।
6 एहूदया काय्पिं थुपिं खः – (थुपिं गेबायापिं मनूतय् पुर्खातय् परिवारया नायःत खः, अले इमित ज्वनाः मानहतय् यंकूगु खः।)
7 नामान, अहियाह व गेरा खः। इमित जबरजस्ती मानहतय् यंकूबलय् गेरा इमि न्ह्यलुवाः जुयाः वंगु खः। व उज्जा व अहीहूदया बाः खः।
8 सहरेमं थः कलाःपिं हुशीम व बारायात पार बिल। लिपा मोआब देशय् च्वनाच्वंबलय् वया न्हय्म्ह काय्पिं दत।
9 वया न्हूम्ह कलाः होडेशपाखें दुपिं थुपिं न्हय्म्ह काय्पिनिगु नां– योबाब, सिबिअ, मेशा, मल्काम,
10 यूस, साकिया व मिर्मा खः।
सहरेमया थुपिं काय्पिं – सकलें थथःगु परिवारया मू मनूत खः।
11 हुशीमपाखें सहरेमया निम्ह काय्पिं – अहीतूब व एल्पाल दत।
12 एल्पालया काय्पिं – एबेर, मिशाम व शेमेद खः। शमेदं ओनो व लोद शहर अले उकिया नापनापं च्वंगु गां पलिस्था याःगु खः।
13 बरीआ व शेमा नं एल्पालया काय्पिं खः। इपिं अय्यालोनय् च्वंपिनिगु परिवार परिवारया नायःत खः। इमिसं गातय् च्वंपिं मनूतय्त ख्यानाछ्वःगु खः।
14 बरीआया काय्पिं – अहियो, शाशक, यरेमोत,
15 जबदियाह, आराद, एदेर,
16 मिखाएल, यिश्पा व योहा खः।
17 एल्पालया काय्पिं – जबदियाह, मशुल्लाम, हिज्की, हेबेर,
18 यिश्मरै, यिज्लीअ व योबाब खः।
19 शिमीया काय्पिं – याकीम, जिक्री, जब्दी,
20 एलीएनै, सिल्लतै, एलीएल,
21 अदायाह, बरायाह व शिम्रात खः।
22 शाशकया काय्पिं – यिश्पान, एबेर, एलीएल,
23 अब्दोन, जिक्री, हानान,
24 हनन्याह, एलाम, अन्तोतियाह,
25 यिपदिया व पनूएल खः।
26 यरोहामया काय्पिं – शम्शरै, शहर्याह, अतल्याह,
27 यारेश्याह, एलिया व जिक्री खः।
28 थुपिं सकलें थथःगु परिवारया मू मनूत खः। वंशावलीइ इमिगु नां च्वयातःगु दु। इपिं सकलें यरूशलेमय् च्वंपिं खः।
29 यीएलं गिबोन शहर पलिस्था यात। अले अन च्वन। वया कलाःया नां माका खः।
30 वया तःधिकःम्ह काय्या नां अब्दोन खः।
वया मेपिं काय्पिं – सूर, कीश, बाल, नेर, नादाब,
31 गदोर, अहियो, जेकेर व मिक्लोत खः।
32 मिक्लोत धाःसा शिमाहया बाः खः। इपिं यरूशलेमय् थःथितिपिनि सत्तीक च्वनीगु खः।
जुजु शाऊलया वंशावली
33 नेर कीशया बाः खः। कीश शाऊलया बाः खः। अले शाऊल जोनाथन, मल्कीशूअ, अबीनादाब व एश्बालया बाः खः।
34 जोनाथनया काय् मरीब्बाल खः। मरीब्बाल मीकाया बाः खः।
35 मीकाया काय्पिं – पीतोन, मेलेक, तारे व आहाज खः।
36 आहाज यहोअदाया बाः खः। यहोअदा आलेमेत, अज्मावेत व जिम्रीया बाः खः। जिम्री मोसया बाः खः।
37 मोस बिनेया बाः खः। रफाह बिनेया काय् खः। एलासा रफाहया काय् खः। अले आसेल एलासाया काय् खः।
38 आसेलया खुम्ह काय्पिनिगु नां अज्रीकाम, बोकरू, इश्माएल, शार्याह, ओबदिया व हानान खः।
39 आसेलया किजा एशेक खः। एशेकया स्वम्ह काय्पिं दु। एशेकया न्हापां बूम्ह काय् ऊलाम, माइलाम्ह काय् येऊश व चिधिकःम्ह काय् एलीपेलेत खः।
40 ऊलामया काय्पिं – वीर सिपाइँ व धनुष वाण बांलाःक कय्के सःपिं खः। इमि छय्-छुइपिं मुक्कं सछि व नेय्म्ह दु।
थुपिं सकलें बेन्यामीन कुलयापिं मनूत खः।